Loma 10:17 - Livulu lya Shukulu Kalunga

¹⁷ Ngecivene, kukulaela kutunda akuziva, co kuziva kutunda akwambulula Kilistu.

Loma 10:17 Iomraidhean Croise

Yombi 42:5

A simbu ya kunima, njazivukile lika vyuma vije vivanjilekele vakwetu, oloni ololo njinakumono na mesho ange.

Mako 4:24

Co lalo wendekele kuli vakevo ngwendi, “Tolilileni kuli evi mulinakuziva! Mashiko aje vene mukasompo nawo vakweni akewo lalo Njambi akamisompa nawo, oloni yeni vakamiwezelelako.

Luka 11:28

Oloni Yesu wamukumbulwile ngwendi, “Oloni vanavezika vaje vaziva lijwi lya Njambi nakulyononoka!”

Luka 8:11

“Omu mukemwo mucalumbunukila cisimo, vimbuto vinapu lijwi lya Njambi.

Luka 8:21

Yesu wendekele kuli vakevo voshe ngwendi, “Vanana na vandolome vange vanapu vaje vaziva lijwi lya Njambi nakulyononoka.”

Yowano 1:37

Vandongisi vaje vavali vamuzivile omo wendekele majwi awa, co vakavele Yesu.

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Loma 10:14

Oloni vatambeka vatijo kuli ikeye ngeci avakwase nga kuvakulaelele? Vatijo vakakulaela nga kuvazivile lijwi? Co vatijo vaziva lijwi nga kuvalyambulwile?

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.

Ngalatiya 3:2

Njishaka njimihule cuma cimo ngwange, kuma mwatambwile Munzinzime wa Njambi akulinga vije vishakiwa ku Majwi a Lishiko nambe akuziva muzimbu nakuukulaela ndi?

Ngalatiya 3:5

Kuma Njambi namyana Munzinzime nakulinga vizivukiso akati keni omwo mulinga vije Majwi a Lishiko avishaka nambe omwo muziva muzimbu nakuukulaela ndi?

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.

1 Tesalonika 2:13

Co kuli cuma cikwavo lalo omwo vikajo simbu yoshe tukakandelela kuli Njambi. Omo twaminenelele lijwi lya Njambi, yeni mwalizivile nakulitambula, kesi ngwe lijwi lyakutunda kuli vanu oloni ngwe lijwi lya Njambi, Lije linapu lijwi lya Njambi vene. Omwo Njambi alinakupanga akati keni vaje vanakulaela.

VaHevelu 4:2

Omwo tunazivi Vin̄anda Vyavivwa, ngwe muvavizivilile vakevo. Vazivile lijwi oloni kulyavakwasele, omo valizivile, co kuvalitambwile nakukulaela.

1 Petulu 1:23

Omwo a lijwi lya Njambi lyakuyoya lije lya myaka yoshe munasemuka luvali ngwe vana va cisemi uje muka-kuyoya simbu yoshe, kesi uje asa kutsa.

Kujombolola 1:9

Yange Yowano, ndolome yeni, co akupwa ndongisi ya Yesu njili amo neni na lukakateya mu n̄avava ije ilinakwija kuli vaje vanakundama ku Vumwene vwendi. Vanjakele a lin̄anda lya Patimose omwo njambulwile lijwi lya Njambi lya vushunga vuje vwasholwele Yesu.