Loma 10:15 - Livulu lya Shukulu Kalunga

¹⁵ Co vatijo vambulula lijwi nga tunganda kuvavatumine? Ngwe muvyendeka visoneka ngwavyo, “Kunapu kuvwaelela kwakukomokesa omo tunganda vaija nakunena vin̄anda vyavivwa!”

Loma 10:15 Iomraidhean Croise

Isaya 40:9

Yelusalema, lamata a munkinda waulaja, ambulula vin̄anda vyavivwa! Siyone, tambeka na lijwi lyakama, ambulula vin̄anda vyavivwa! Ambulula, kesi uzive lyova. Leka membo a Yunda ngwove, Njambi yeni ali kuno!

Isaya 52:7

Cinapu cuma cacivwa a minkinda kumona muluwa aija anena vin̄anda vyavivwa, vin̄anda vya kwoloka! Ambulula vyakuhyana nakwendeka kuli Siyone ngwendi, “Njambi yove ololo napu Mwene!”

Isaya 57:19

Njikana kwoloka kuli voshe vaje vali muyehi na vaje vali kulyala! Njikakangwisa vanu vange.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Njelemiya 23:32

Tolilileni vinjendeka yange Kalunga! Njazinda vaka-kwimanena vaje vambulula vinjozi vya makuli, co vaungumwisa vanu vange na makuli avo na kulyalesa kwavo. Yange kunjavatumine nambe kuvashika ngeci vaye, co lalo kuvesi na seo kuli vanu. Yange Kalunga, njinendekamo.”

Nahumi 1:15

Kengeni, muluwa alinakwija akamwa ya minkinda mukutunenela muzimbu wauvwa! Alinakwija mukwambulula vyakufungulula Asilya! Ngecivene, vanu va mu Yunda, lisambeni a viwano vyeni, co aneni kuli Njambi vije mwalisingile kumwana. Co vaAsilya vaje vaka-vuvi kuvakalwisa lalo lifuti lyeni. Vanavanyongesa voshe njwa!

Mateo 9:38

Ngecivene, lombeleni kuli vavenya vimbuto ngeci atume vaka-kuteja vimbuto vyendi.”

Luka 10:1

Munima ya vyuma evi Mwene waangwile lalo vanalume veka makumi atanu na avali na vanu vavali nakuvatuma vavali vavali kulutwe lwendi, ku vinganda vyoshe na ku mitambela yoshe kuje kwashakele kuya ikeye vavenya.

Luka 2:10

oloni kangelo wendekele kuli vakevo ngwendi, “Kesi muzive lyova! Omwo njinanena muzimbu wauvwa kuli yeni, uje ukasholola kujolela kwakama kuli vanu voshe.

Luka 2:14

“Vumpau kuli Njambi wa akamwa ya akamwa, kwoloka kukale ano asi kuli vanu vaje vamuvwasa!”

Luka 8:1

Munima yevi Yesu waile nakwendangana mu vinganda na mu membo, nakwambulula Vin̄anda Vyavivwa vya Vumwene vwa Njambi. Vandongisi likumi na vavali vaile amo nendi,

Yowano 20:21

Yesu wendekele lalo kuli vakevo ngwendi, “Kwoloka kukale neni. Ngwe omo Tate wanjitumine, ngecivene, nange lalo njimituma.”

Vilinga vya Miluwa 10:36

Munazivuka muzimbu watumine ku vanu va Isalele, mukwambulula Vin̄anda Vyavivwa vya kwoloka ali Yesu Kilistu, ikeye Mwene wa vanu voshe.

Vilinga vya Miluwa 13:26

“Vavushoko vwange vaIsalele, vatekulwila va Avilahama, co neni voshe kesi vaYunda mulikuno vaka-kulemesa Njambi, muzimbu ou wakwovoka vanautumu kuli yetu!

Vilinga vya Miluwa 22:21

Co Mwene wendekele kuli yange ngwendi, ‘Ya, omwo njikakutuma kulyala kuli vaje kesi vaYunda.’ ”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:15

Ngecivene, njishaka manene kwambulula Vin̄anda Vyavivwa kuli yeni lalo muli mu Loma.

Loma 15:20

Cizango cange simbu yoshe cinapu kwambulula Vin̄anda Vyavivwa mu mitambela ije kanda vazive vya Kilistu, kutewa njikatungila a luvula lwanendi laja munu weka.

Efeso 2:17

Ngecivene, Kilistu wezile nakwambulula Vin̄anda Vyavivwa vya kwoloka kuli voshe, kuli yeni kesi vaYunda, vaje vakele kulyala na Njambi na kuli vaYunda vaje vakele muyehi nendi.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Efeso 6:15

co ngwe vin̄aku ku myanja yeni, mukulivwaesela cimweja kwambulula Vin̄anda Vyavivwa vya kwoloka.

1 Petulu 1:12

Njambi washolwele kuli ava vaka-kwimanena kuvalipangelele vakevo vavenya embwe, oloni vapangelele yeni, omwo vendekele a vyuma vije yeni munalizivila kuli vangamba vaje vambulwile Vin̄anda Vyavivwa a nzili ya Munzinzime Wakujela uje uvatumine kutunda mwilu. Evi vikevyo vyuma vije nameme tungelo vashaka kuzivisisa.