Loma 1:32 - Livulu lya Shukulu Kalunga

³² Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 1:32 Iomraidhean Croise

Myaso 50:18

Yove ulikwata vusamba na mwizi woshe uje iwumona, co unalipandakana na vaka-vupangala.

Visimo 28:4

Vaje vavyana mashiko vashangazala vaka-vuvi, oloni vaje vanyunga mashiko valwisa vaka-vuvi.

Hoziya 7:3

Shukulu Kalunga alinakwendeka ngwendi, “Vanu valinakukwisa mwene na vamyata vendi a matumbe avo amavi.

Luka 11:48

Ngecivene, mwatavele vukaleo yeni vavenya vwa vije vivalingile vakukulwila veni, vatsiile vaka-kwimanena, co yeni munavatungila vimbumbo.

Vilinga vya Miluwa 22:20

Co omo mukaleo wove Setefano muvamutsiile, nange vene kunjakele, nakutava kutsa kwendi, co njanyungile vikoveyo vya vaje vamutsiile.’

Vilinga vya Miluwa 8:1

Co Saulu watavele kutsa kwa Setefano. A litangwa lije vene cikungulukilo ca mu Yelusalema cashangumukile kuyanda na mapakeso. Vaka-kukulaela voshe, kuvanga lika miluwa, vashandokelele mu mafuti a Yundeya na Samaliya.

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Loma 1:21

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

2 Tesalonika 2:12

ngeci voshe vaje kuvakulaelele vushunga, oloni vanaungama lika mu vuvi, vakanyonga.