Loma 1:30 - Livulu lya Shukulu Kalunga

³⁰ nakwendeka vyavivi ali umo na mukwavo, vanapu vaka-kuzinda Njambi, vaka-likamba, vaka-kulyalesa, co vaka-kulipamba, vayongola vingila vyavingi vyakupangelamo vuvi, vaka-kujeneka kwononoka visemi vyavo,

Loma 1:30 Iomraidhean Croise

1 Vimyene 20:11

Mwene Ahave wakumbulwile ngwendi, “Lekeni Mwene Mbenehandande ngweni lishwalale wamuvwa akalishasha omo nzita inahu, kesi omo kanda ihwe embwe.”

2 Mizimbu 19:2

Co Yehu muka-kwimanena, muna Hanani, waile kuli mwene Njosefati, wendekele kuli ikeye ngwendi, “Kuma yove unapande kukwasa vaka-vuvi nakuzema vaje vazinda Shukulu Kalunga ndi? Omwo unalingi eci vukalu vwa Shukulu Kalunga vuli ali yove.

2 Mizimbu 25:19

Nove lalo Amaziya, ulinakulishasha ngeci unafungulula vaEndome, oloni njikunangula ukale kwimbo lyove. Omwo vikajo ulishakela n̄ole ije ikanena tuyando ali yove na ali vanu vove?”

Myaso 10:3

Muka-vuvi alyalesa na mashungu a mu mbunge yendi, co muka-cipululu asinga nakuvyana Shukulu Kalunga.

Myaso 106:39

Valiviisile na vilinga vyavo evi, co kuvapwile va kulongwa kuli Njambi.

Myaso 49:6

vaka-vuvi vaje vanakulaela vufuko vwavo, vali na kulyalesa a vufuko vwavo vwavungi.

Myaso 5:5

Vaka-kulyalesa kuvakemana ku mesho ove, yove wazinda voshe vaka-kulinga vuvi.

Myaso 52:1

Omwo vikajo ulyalesela a vuvi yove cingenyenye? Cizemo ca Njambi cakala simbu yoshe.

Myaso 81:15

Vaje vanjizinda vakatsikama na lyova kuli yange, co cihiso cavo cikapwa ca myaka yoshe,

Myaso 94:4

Mapwepwe vakalyalesa visimbu vingaijo? Visimbu vingai vakavwaelela a milonga yavo?

Myaso 97:7

Voshe vaje valemesa tumponya, shwamwa ikavakola, vinjambi voshe va makuli vakatsikama kuli Shukulu Kalunga.

Myaso 99:8

Yove Shukulu Kalunga Njambi yetu, yove wakumbulwile malombelo a vanu vove, wavamwesele ngeci yove wapwa u Njambi muka-kusambesa, oloni omo valingile vuvi yove wavahisile.

Visimo 24:8

Uje atumba matumbe a vuvi, vakamutumbula muka-kunena vukalu.

Visimo 25:23

Lufwe lukanena vukalu, ngwe lihunzi lya ku kunto mulikanena nyonzi.

Visimo 30:17

Munu woshe uje ashendumuna ishe, nambe kujeneka kwononoka vaina, napande kuliwa ku makuvi nambe makololo kumucakuvula mesho endi.

Visimo 8:36

Woshe uje kanjiwana, alivulumuna lika ikeye vavenya, voshe vaje vanjizinda, vazema kutsa.”

Muka-kwambulula 7:29

Kenga, njinawana cuma cimo cakupwa ngeci, Njambi watangele yetu vanu kupwa vaka-vushunga, oloni yetu omwo muuka wetu tunashakezeka vingila vyeka vyavivi.”

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ezekiyele 22:7

Naumo wai ali muno mu nganda alinakusingimika visemi vendi. Mulinakukwisa vaka-kwija nakuyandesa vifwile na visiwa.

Kulava 10:35

Oshe aje acashangumukilile Cikasa ca Cikumiiyo kukatuka, Mosesa wendekele ngwendi, “Katuka, yove Shukulu Kalunga, shandola vitozi vove nakusheka vaje vakuzinda!”

Mateo 15:4

Omwo Njambi wendekele ngwendi, ‘Singimika isho na vanyoko,’ co ‘woshe uje asinga ishe nambe vaina vanapande kumutsiya.’

Mateo 16:21

Kutunda a simbu ije, Yesu washangumukile kuleka vandongisi vendi ngwendi, “Njinapande kuya ku Yelusalema, nakuyanda manene ku mavoko a vakulunu, na kuli vakulunu va vaka-kukombelela, na kuli valongisi va majwi a Lishiko. Co vakanjitwala ku kutsa, oloni omo kuneti matangwa atatu njikasanguka.”

Luka 21:16

Oloni visemi veni, na vandolome veni, na vavushoko vweni, na vasamba veni vakevo vakamisholola, co vamo akati keni vakavatsiya.

Yowano 7:7

Vaka-kaye kuvasa kumizinda, oloni vazinda yange, omwo njilinakuvaleka ngwange vingila vyavo vinapu vyavivi.

Vilinga vya Miluwa 5:36

Omwo a myaka ya kunima kwasholokele Teundase uje walipwisile wakama, co vanalume vakupwa 400 valikumbasanene nendi. Oloni vamutsiile, na voshe vaje vamukavele valishandokele, co ije munga yendi yahwile.

Loma 2:17

Oloni vati yove? Ulinakulitumbula yove vavenya ngwove nji kaYunda, wajendamena a Lishiko nakulishashela ali Njambi,

Loma 2:23

Ukalishasha a Lishiko lya Njambi, oloni kuwesi kuzivisa Njambi shwamwa omo upokola lishiko lyendi ndi?

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

2 Kolinte 10:15

Ngecivene, kutwasa kulyalesa a vipangi vya veka vije vivanalingi nakutuvakana seteko ije yanatwimikila Njambi. Oloni tuli na cinyangavili ngeci kukulaela kweni cikakula, co ngeci tukase kupanga vipangi vyakama manene akati keni, oloni simbu yoshe tulinakupanga mu seteko eyi yanatwimikila Njambi.

2 Kolinte 12:20

Njili na lyova ngeci omo njakweta okwo kuli yeni, njakumiwana muli mweka kutunda mu cifwa cije njayongwele ngeci njakumiwanemo, co lalo amo mwakunjimona lalo njatundu mu cifwa cije mwayongola ngeci mwakunjimone naco. Njili na lyova amo njakuwana vimata vya mafuwa na vukalu nakulyamesa nakulishaula nakulifweya na kulyalesa na kapopolwezi.

Kwituluka mu Mashiko 27:16

“ ‘Cisingo ca Njambi cikale ali munu woshe uje kasingimika va ishe nambe vaina.’ “Co vanu voshe vakakumbulula ngwavo, ‘Ewa!’

Kwituluka mu Mashiko 7:10

Oloni ikeye kesi kwishwala kuhisa vaje vamuzinda.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.

2 Timateo 3:2

Omwo vanu vakapwa vaka-kulizema vakevo vavenya, vaka-kuzema vimbongo, vaka-kulishasha, vaka-kulijundula vakevo vavenya, vakapwa vaka-kushaula, vaka-kujeneka kwononoka kuli visemi vyavo, vaka-kujeneka kukandelela, vaka-kujeneka kukulaela,

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

Yakomba 3:5

Co na ndaka mukemwo muyafwa, nambe yapwa yaindondo, oloni yasa kulyalesa a vyuma vyakama manene. Co yongoleni shwata yakama-kama oloni yasa kwenya na kamulangi ka tuhya kakandondo!

Yakomba 4:16

Oloni yeni mukalyalesa nakulishasha, kulyalesa kweni kwoshe kunapu kwangoco.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Yunda 1:16

Vanu ava simbu yoshe vaka-kungunguta nakwana mulonga vakwavo, vakakavangeya mashungu avo amavi, vaka-kulishasha nakwendeka majwi a kulyalesa kuli vakwavo ngeci vapange vizango vyavo.