Loma 1:3 - Livulu lya Shukulu Kalunga

³ Vinapu vya Munendi, Mwene yetu Yesu Kilistu, ngwe ku cisemwa cendi ca vunu, wasemukile ku naanga ya Ndaviti,

Loma 1:3 Iomraidhean Croise

Kushangumuka 3:15

Njikaka vutozi akati kove na munakazi, na akati ka mbuto yendi na mbuto yove. Co mbuto yendi ikasanyozola mutwe wove, co yove lalo ukamushuma ku linsinsinye lyendi.”

Myaso 2:7

“Njikambulula vilongesa vya Shukulu Kalunga, ikeye wendekele ngwendi, ‘Yove unapu u munange, litangwa lya lelo njinapu nji isho.

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Amose 9:11

Shukulu Kalunga alinakwendeka ngwendi, “Litangwa likaija omo njikelwisa vumwene vwa Ndaviti vuje vunapu ngwe njuvo yakusiwuka. Co njikavwaesa vivumbe vyayo, nakuyiindula. Njikaitungulula nakuyipwisa ngwe muyafwile laja.

Mateo 1:1

Ou ukewo mukana wa vikota vya vakukulwila va Yesu Kilistu, wa ku cikota ca Ndaviti, na ku cikota ca Avilahama.

Mateo 1:16

Yakomba wakitile Yosefa uje wambatele Maliya vaina ya Yesu, uje vatumbwile ngwavo Wakuvwavesa.

Mateo 1:6

Njesi wakitile Mwene Ndaviti. Mwene Ndaviti wakitile Solomoni kuli uje wapwile munakazi wa Uliya,

Mateo 12:23

Co vimbunga vya vanu voshe valikomokelele a vije vyalingile Yesu, co vendekele ngwavo, “Kuma ou ikeye Muna Ndaviti ndi?”

Mateo 15:22

Munakazi umo wa ku Kanana uje wakele mu lifuti lije wezile kuli ikeye. Watambekele ngwendi, “Ove muna Ndaviti, mwane njizivileko mema ku mbunge! Munange wa munakazi ali na munzinzime wakujwala, co alinakuyanda manene.”

Mateo 26:63

Oloni Yesu wolokele kuluu. Co Muka-kukombelela Wakama wendekele kuli ikeye lalo ngwendi, “Mu lizina lya Njambi wakuyoya, ololo njikuleka ulisinge ngeci utuleke nga yove u Wakuvwavesa, Muna Njambi.”

Mateo 27:43

Wakulaelele muli Njambi, co wendekele ngwendi, ‘Nji Muna Njambi.’ Asinoni tumoneni nga Njambi amwamena.”

Mateo 3:17

Co mwilu mwatundile lijwi ngwalyo, “Ou ikeye Munange injazema, njilinakuvwaelela ali ikeye.”

Mateo 9:27

Co omo Yesu watundile kuje, tupuputwa vavali vakele kuje vamukavele, vatambekele ngwavo, “Ove muna Ndaviti, tuzivileko mema ku mbunge!”

Luka 1:35

Co kangelo wamukumbulwile ngwendi, “Munzinzime Wakujela akaija ali yove, na nzili ya Njambi ikakufwika. Ngecivene, uje wakujela iwukakita vakamutumbula Muna Njambi.

Luka 1:69

Natwana Muyoyesi wa nzili, mutekulwila wa ngamba yendi Ndaviti.

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 1:49

Natanele wamukumbulwile ngwendi, “Mulongisi, yove unapu u Muna Njambi! Yove Mwene wa Isalele!”

Yowano 10:30

Tate nange twapwa umolika.”

Yowano 10:36

Ngeci mwange ni, Tate wanjangwile nakunjituma ano a kaye. Vatijo mwendeka ngweni njilinakushaula Njambi omwo njendekele ngwange nji Muna Njambi?

Yowano 20:28

Tomasi wamukumbulwile ngwendi, “Mwene yange na Njambi yange!”

Yowano 20:31

Oloni evi vanavisoneka ngeci mukulaele ngweni Yesu ikeye Wakuvwavesa, Muna Njambi, co akukulaela kuli ikeye mukale na mwonyo.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 7:42

Visoneka vyendeka ngwavyo Wakuvwavesa akapwa mutekulwila wa Ndaviti, co akasemukila mu Mbetelehema, mu nganda mwakele Ndaviti.”

Vilinga vya Miluwa 2:30

Wapwile muka-kwimanena, co wazivukile vije vyamukulaesele Njambi, Njambi nalisingi ngwendi akapwisa umo wa vatekulwila va Ndaviti mwene, ngwe mwapwile Ndaviti.

Vilinga vya Miluwa 3:13

Njambi ya Avilahama na Isake na Yakomba, Njambi ya vakukulwila vetu, ikeye naana vumpau kuli Ngamba yendi Yesu. Oloni yeni mwamwanene kuli vaka-kushwana, co mwamuvyanene ku mesho a Pilato nameme Pilato te nayongola kumwecela.

Vilinga vya Miluwa 8:36

Co omo vakele nakushelumuka mu ngila, co vetele ku mutambela umo kuje kwakele mema, co uje mukulunu wendekele ngwendi, “Kenga, mema awa. Vika lalo vyasa kunjivindika kunjimbwitika?”

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

Loma 1:9

Omwo Njambi ikeye mukaleo wange ngeci vyoshe vije njendeka vinapu vya vushunga, Njambi uje injilinakupangela na mbunge yange yoshe akwambulula Vin̄anda Vyavivwa vya Munendi. Njambi nazivuka ngeci njikamyanuka

Loma 4:1

Ngecivene, vatijo twendeka ali kukulwila yetu Avilahama? Vikajo vyalingiwile kuli ikeye?

Loma 9:3

omwo vanu vange, vavushoko vange mu situ na mu maninga.

Loma 9:5

vanapu vatekulwila va vakukulwila va vaHevelu va lutsimo, na Kilistu, akupwa munu, nakundama ku cisemwa cavo. Njambi uje muka-kushwana vyuma voshe, vamushangazale myaka yoshe! Ewa.

1 Kolinte 1:9

Njambi vanapande kumukulaela, Njambi uje wamisanene ngeci mukale mu kulitombola amo na Munendi Yesu Kilistu Mwene yetu.

1 Kolinte 10:18

Anukeni vanu va Isalele, vaje vakali vya n̄ombelo yakukombelela ku mutula na vakevo vakalipangela na mutula mu vipangi vya Njambi.

Ngalatiya 4:4

Oloni omo simbu yaivwa yetele, Njambi watumine Munendi, wakusemuka ku munakazi, wakusemuka ku majwi a Lishiko,

1 Tesalonika 1:10

nakuvandamena Munendi omo akaija kutunda mwilu, Munendi Yesu, uje yasangwile ku vatsi, co akatupatula ku vukalu vwa Njambi vuje vulinakwija.

1 Timateo 2:5

Omwo kwali Njambi umolika, co kwali uje alinakunena Njambi na vanu amolika, munu ikeye Kilistu Yesu,

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

2 Timateo 2:8

Anuka vya Yesu Kilistu, uje ivasangwile ku vatsi, uje wapwile mutekulwila wa Ndaviti, ngwe muvanalongesa mu Vin̄anda Vyavivwa vije njilinakwambulula.

1 Yowano 1:3

Vije tunamono nakuziva tulinakumilekavyo lalo, ngeci mulipandakane amo netu mu kulitombola kuje tulinakwo na Tate na Munendi Yesu Kilistu.

1 Yowano 3:23

Eci cikeco canashiki ngeci tukulaele mu lizina lya Munendi Yesu Kilistu, co tulinakulizema umo na mukwavo, ngwe Kilistu watushikile.

1 Yowano 3:8

Woshe uje atwalelelao kulinga vuvi nakundama kuli Liyavola, omwo Liyavola nalingi vuvi tunde ku san̄ulu. Eci cikeco cuma cakatukilile Muna Njambi, kunyongesa vije vyalingile Liyavola.

1 Yowano 4:15

Nga tutava ngwetu Yesu wapwa Muna Njambi, tuyoya muli Njambi na Njambi ayoya muli yetu.

1 Yowano 5:1

Woshe uje akulaela ngeci Yesu ikeye Wakuvwavesa, napu muna Njambi, co woshe uje azema cisemi azema lalo munendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

1 Yowano 5:5

Iyajo asa kuhyana vya a kaye? Kuvanga uje lika nakulaela ngwendi Yesu ikeye Muna Njambi.

2 Yowano 1:7

Omwo vaka-kukwisa vavangi vanashandokela mu kaye mwoshe, vanu vaje kuvatava ngeci Yesu Kilistu wezile mu cifwa ca vunu. Munu wa cifwa cangacije napu muka-kukwisa, ikeye napu Citozi ca Kilistu.

Kujombolola 2:18

“Kuli kangelo wa ku cikungulukilo ca mu Tiyatila soneka ngwove, “Eli likelyo lijwi lyatundu kuli Muna Njambi, uje ali na mesho akuvyazima ngwe mulangi wa tuhya, uje ali na mendi akutwa ceke ngwe vunengu vwakukwita mufwitilo.