Loma 1:28 - Livulu lya Shukulu Kalunga

²⁸ Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Loma 1:28 Iomraidhean Croise

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

2 Samwele 22:27

Yove wapwa wakujela kuli vaje vakujela, oloni ukamwesa vukalu kuli vaka-vuvi.

Myaso 69:27

Nyunga vukaleo vwavuvi vwavo vwoshe, kesi uvasambese ku vuvi vwavo.

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 1:29

Omwo yeni mwazinda mana, co kumwakomokele Shukulu Kalunga.

Visimo 1:7

Kukomoka Shukulu Kalunga, kukekwo vushangumukilo vwa mana. Oloni vilema vakevo vayeluwisa mana nakuyeluwisa lalo vilongesa.

Visimo 17:16

Omwo vikajo vilema vali na vimbongo vije vasa kulikwasa navyo mukulilongesa, oloni vakevo kuvesi na mana?

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Njelemiya 6:30

Vakavatumbula vinyanya vyangoco, omwo yange Kalunga njinavavyana.”

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Ezekiyele 14:5

Tumponya tuje twoshe tunatengulula vaIsalele nakuvatundisa kuli yange, oloni kukumbulula kwange kukavatengulula, co vakanjisingimika lalo.

Ezekiyele 20:25

“Asinoni njavanene mashiko amavi, nakushika kwakuvi ngeci kesi vase kuyoya.

Hoziya 4:6

Vanu vange vali na luvinda omwo kuvesi nakunjononoka. Yeni vaka-kukombelela munavyana kunjononoka, co lalo munavyana vilongesa vyange, ngecivene, njikamivyana, co kunjikatava vana veni kupwa vaka-kukombelela vange.

Vilinga vya Miluwa 17:23

Omwo njinende mu nganda yeni nakukenga ku mitambela kuje mukalemesela, njawanene a mutula umo aje vanasoneka ngwavo, ‘Kuli Njambi Uje Kutuzivuka.’ Cije mukalemesa, nameme kumucizivuka, cikeco njilinakwambulula kuli yeni ololo.

Vilinga vya Miluwa 17:32

Omo vazivile Paulu endeka akusanguka ku vatsi, vamo vamushendumwine, oloni veka vendekele ngwavo, “Tushaka ngeci wendeke vyuma evi lalo.”

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Loma 1:21

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

Loma 1:24

Ngecivene, Njambi navecelela ngeci valinge vyuma vya mazilo ngwe ku mashungu a vimbunge vyavo, co valinga vyuma vya shwamwa kuli umo na mukwavo.

Loma 1:26

Omwo a cuma eci, Njambi navecelela ngeci valinge vyuma vya shwamwa ngwe ku mashungu avo. Nambe vanakazi vanatengulula kulinga vilika na vanalume mu ngila ya cisemwa, oloni valinakuvilinga mu vingila vije kuvyapandelemo.

1 Kolinte 15:34

Ilukeni ku vushunga vwa mana eni, co eceleni vingila vyeni vya vuvi. Njendeka evi mukumizivisa shwamwa ngwange vamo veni kuvazivuka Njambi.

2 Kolinte 10:5

tulinakutundisa kulyalesa kwoshe kuje kwakutanukisa kuje kulinakulwisa mana a Njambi, tulinakutundisa viyongola vyoshe nakuvyaka ku vundungo ngeci vyononoke kuli Kilistu.

Efeso 5:4

Kucamipandele kwendeka majwi a shwamwa, a kutuka nambe a mazilo. Oloni munapande kukandelela lika kuli Njambi.

2 Tesalonika 1:8

amo na milangi ya tuhya, nakunyanyamesa vaje vavyana Njambi, na vaje kuvesi kwononoka Vin̄anda Vyavivwa vya Mwene yetu Yesu.

2 Timateo 3:8

Ngwe Njane na Njambele valwisile Mosesa, ngecivene, na vanu ava lalo valinakulwisa vushunga, vanu vaje mana avo kuwesi nakupanga, co vanapu vaka-kwonwa mukukulaela.

Tito 1:16

Vendeka ngwavo vazivuka Njambi, oloni ku vipangi vyavo vanamuvyana. Vakevo vanapu vaka-kumuzinda na vaka-kujeneka kumwononoka, co kuvapandelemo mukulinga vyuma vyavivwa.

Filimoni 1:8

Omwo cuma eci, njinasimpi manene ngwe ndolome yove muli Kilistu, co njikushika yove ngeci ulinge vije vishakiwa.

2 Petulu 3:5

Vakevo vanayengula na cizango ngeci Njambi ku san̄ulu waanene lishiko, co lilu na kaye vavitangele. Kaye katundile mu mema, co vakanyungilile mu mema, kaye ka ku san̄ulu.