Loma 1:14 - Livulu lya Shukulu Kalunga

¹⁴ Omwo njili na likongo lya vipangi akati ka vanu voshe, kuli vaka-kunanguka na ku vilema, kuli vaka-kulilongesa na kuli vaje vali ku nzimba.

Loma 1:14 Iomraidhean Croise

Visimo 1:22

“Visimbu vingaijo eni vilema mukatwalao kulinga vulema? Visimbu vingaijo mukalikela kutomba nakujola mana? Kuma kumulilongesa ndi? Njimyana kunangula kwakuvwa nakumyana mana ange.

Visimo 8:5

Kanda mukole ndi? Lilongeseni kupwa ngwe vakulunu. Kuma mu vilema ndi? Lilongeseni kukala na mana.

Isaya 35:8

Tapalo yaivwa ikaita muje, vakaitumbula ngwavo, “Tapalo Yakujela.” Kukwesi muka-vuvi akendamo, kukwesi cilema akasevwisa vaje vaikava.

Mateo 11:25

A simbu ije vene Yesu wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana.

Luka 10:21

A simbu ije vene Yesu washulile nakujolela kwa Munzinzime Wakujela, co wendekele ngwendi, “Njikukandelela yove Tate, Mwene wa lilu na ano asi! Omwo vyuma evi wavishwekele kuli vaka-mana na kuli vaka-kulilongesa, co unavisholola kuli vaka-kujeneka mana. Mukemwo vene Tate, mucavwaela ku mesho ove.

Vilinga vya Miluwa 22:21

Co Mwene wendekele kuli yange ngwendi, ‘Ya, omwo njikakutuma kulyala kuli vaje kesi vaYunda.’ ”

Vilinga vya Miluwa 28:2

Vandambo vakele kuje vakele na ngozi netu. Nyonzi yashangumukile kunyoka, co kwakele lisika, ngecivene, vatuvwekelele tuhya nakututambula mwamuvwa tuvavoshe.

Vilinga vya Miluwa 28:4

Omo vaje vandambo vamwene uje linyoka alinakujenjela ku livoko lya Paulu, co valyendekesele umo na mukwavo ngwavo, “Ou munalume wapwa muka-kutsiya, nameme novoka ku mema a kalunga, oloni vushunga kuvumutava ngeci ayoye.”

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:22

Vendeka ngwavo vanapu vaka-mana, oloni vanapu vilema,

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 12:16

Yoyeni mulizivasano umo na mukwavo. Kesi mulyalese, oloni likeeseni mu vipangi. Kesi muliyongole yeni vavenya ngwe munapu vaka-kunyanyama.

Loma 13:8

Kesi mukale na likongo kuli umo, likongo munapande kukala nalyo linapande kupwa lyakulizema lika umo na mukwavo. Woshe uje azema mukwavo nononoka Lishiko.

Loma 16:19

Omwo vanu voshe vanazivi kulongwa kweni ku muzimbu wauvwa, co a cuma eci njilinakuvwaelela ali yeni. Njishaka mupwe vaka-mana ku vyuma vyavivwa, oloni pweni mu vangoco ku vyuma vyavivi.

Loma 8:12

Ngecivene, vakwetu, tuli na likongo, oloni likelyo kesi lyakuyoyela mu vusitu ngwe muvwashaka vusitu vwetu embwe.

1 Kolinte 14:11

Oloni nga kunjizivuka ndaka valinakwendeka, vaje valinakuyipangesa vanapu vangenzi kuli yange, co lalo yange nji mungenzi kuli vakevo.

1 Kolinte 14:16

Omo mukandelela kuli Njambi mu munzinzime lika, vati vanu vaje vali neni mu cikungulukilo vendeka ngwavo, “Ewa” ku lilombelo lyeni lyakukandelela? Vakevo kuvazivuka vika mulinakwendeka.

1 Kolinte 2:13

Ngecivene, kutwendeka na majwi a vilongesa vya mana a vanu, oloni na majwi aje atulongesa Munzinzime, omo tulumbununa vushunga vwa munzinzime kuli vaje vali na Munzinzime.

1 Kolinte 3:18

Kesi ulikwise yove vavenya. Nga umo akati keni aliyongola ngwendi ali na mana a ano a kaye, co pwa cilema, ngeci ukale na mana.

2 Kolinte 10:12

Mwa vushunga vene kesi ngwe tulyeseka yetu vavenya nambe kulipwisa yetu vavenya na vamo vaje valinakulyamesa vakevo vavenya nakulyaka ku vukama. Vakevo vapwa vikolokomba! Vakevo valyeseka akati kavo vavenya ngwe kuseteko ya vukama vwavo vavenya a vyuma evi, co valyeseka akati kavo vavenya, vakevo kuvesi na mana!

2 Kolinte 11:19

Ngecivene, yeni munapu vaka-kunyanyama, co mukatambula vilema nakuvatolilila!

Kolose 3:11

Ngwe a cuma eci, kukwesi kaangu akati ka vaje kesi vaYunda na vaYunda, wakutuuka nambe wakujeneka kutuuka, cipwe vaka-kujeneka kulilongesa, vipapoke, vindungo, nambe vaka-kupatuka, oloni Kilistu ikeye vyoshe, Kilistu ali mu vyoshe.

2 Timateo 2:10

Ngecivene, njilinakuyanda mu vyuma vyoshe omwo ali vanu va Njambi vakwangula, ngeci na vakevo lalo vatambule kwovoka kwa muli Kilistu Yesu amo na vumpau vuje vwa myaka yoshe.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.