Loma 1:11 - Livulu lya Shukulu Kalunga

¹¹ Omwo njishaka manene kumimona, njakumyane vwana vwa vivezikiso vya munzinzime mukumitakamesa.

Loma 1:11 Iomraidhean Croise

Kushangumuka 31:30

Njazivuka ngeci unakatukile omo unakala na cishota-mbunge cakwiluka kwimbo lyeni, oloni omo vikajo unevila tumponya twa mu njuvo yange?”

2 Samwele 13:39

Oloni omo Ndaviti wamanesele kulila Aminone, wakele nakushungwiya kumona munendi Avisalome.

2 Samwele 23:15

Ndaviti wakele na mangunge akwiluka kwimbo, co wendekele ngwendi, “Tawe, nga na munu wakunjiilako akanjishakeleko mema akunwa a mu lisima lya kuyehi na cikolo ca ku Mbetelehema!”

2 Mizimbu 20:20

Alikaki mutondo-tondo vanu vakatukile vaile mu mambo ku Tekowa. Omo vakele nakuya, Njosefati wemanene wavalekele ngwendi, “Vanalume va mu Yunda neni vanalume va mu Yelusalema! Kulaeleni kuli Shukulu Kalunga Njambi yeni, co mukemana mbe. Kulaeleni vivamileka vaka-kwimanena vendi, co mukavezika.”

Vilinga vya Miluwa 16:5

Ngecivene, vikungulukilo vyakele na nzili mukukulaela nakuliwezelela a litangwa na litangwa.

Vilinga vya Miluwa 19:21

Munima ya vyuma evi, Paulu watengulwile viyongola vyendi ngeci aye kutuvakana mu Masendoniya na Akaya nakuya ku Yelusalema. Wendekele ngwendi, “Omo njinai laja kuje, njinapande kumona lalo na kuLoma.”

Vilinga vya Miluwa 19:6

Paulu wakambekele mavoko endi ali vakevo, co Munzinzime Wakujela wezile ali vakevo, vendekele mu vindaka vyeka, co lalo vambulwile muzimbu wa Njambi.

Loma 1:12

Njendeka ngeci neni nange twakulitakamese a simbu imolika, yeni akukulaela kwange nange akukulaela kweni.

Loma 15:23

Oloni ololo njinamanesa vipangi vyange mu mitambela eyi, co njashakele a myaka yaingi ngeci njiije njakumimone,

Loma 15:29

Co omo njiija kuli yeni, njazivuka ngwange njikaija nakushula kwa vivezikiso vya Kilistu.

Loma 15:32

Ngecivene, njikaija kuli yeni nakuvwaelela kwoshe, nga cinapu cizango ca Njambi, nakuvwaelela kwakuvwa mukumisikamesa.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

2 Kolinte 1:15

Omwo njazivukile vyuma evi, akulivanga njakele na vutumbe vwakwija kuli yeni ngeci vakumivezikise lalo.

2 Kolinte 1:21

Oloni napu Njambi vavenya uje atutakamesa amo neni, ngeci myonyo yetu muli Kilistu, ikeye vavenya Njambi uje natwangula,

2 Kolinte 11:4

Omwo yeni mulinakutambula nakujolela munu woshe uje aija kuli yeni nakwambulula Yesu wa muyati weka, oloni kesi uje itwambulwile yetu kuli yeni, co yeni munatambula munzinzime na muzimbu weka kesi uje watundile ku Munzinzime na muzimbu wauvwa uje umwatambwile kuli yetu!

2 Kolinte 9:14

Ngecivene, vakevo vakamilombelela manene a mana a ku vimbunge omwo kutetela kuje kwanamisholwela Njambi.

Filipu 1:8

Omwo Njambi napu mukaleo wange nazivuka ngwendi njendeka vushunga omo njendeka ngwange vizango vyange vyakulova ali yeni vilinakutunda ku mbunge ya Yesu Kilistu ikeye vavenya.

Filipu 2:26

Ikeye ashaka manene kumimona yeni voshe, co ali na cishota-mbunge cakama manene omwo mwazivile ngeci ikeye wakele nakuvinja.

Filipu 4:1

Ngecivene, vasamba vange, vanjazema manene, njinamizivila vulika vwakama manene! Mukanjivwaelelesa manene, co njikalyalesela manene ali yeni lalo! Vasamba vange vanjazema, omu mukemwo mumunapande kwimana mbe mu mwonyo weni muli Mwene.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

1 Tesalonika 3:2

Omo twacitumine Timateo, ndolome yetu muka-kupanga netu mu vipangi vya Njambi mukwambulula Vin̄anda Vyavivwa vya Kilistu. Twamutumine mukumitakamesa nakumikwasa akukulaela kweni,

2 Tesalonika 2:17

amitakamesa nakumikolesa mukulinga nakwendeka vije vinapu vyavivwa simbu yoshe.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

VaHevelu 13:9

Kesi mutave vilongesa vyakuliseza-seza vimitwamenene nakumitundisa mu ngila ya vushunga. Mwamuvwa vimbunge vikolese nakutetela kwa Njambi, kesi akwononoka mashiko a vyakulya, kuli vaje vononoka awa mashiko kuwavakwasa nacimo cai.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Petulu 5:12

Njinamisonekela mukanda ou waundondo akukwasa kwa Silase, uje unjinakulaela ngwe ndolome mu vuka-Yesu. Njishaka kumitakamesa nakumyana vukaleo ngeci oku kukekwo kutetela kwa vushunga vwa Njambi. Imaneni mbe mu cikeco.

2 Petulu 1:12

Ngecivene, simbu yoshe njikamyanukisa vyuma evi, nambe yeni mwavizivuka laja, co munemana mbe mu vushunga vuje munatambula.