Loma 1:1 - Livulu lya Shukulu Kalunga

¹ Yange Paulu, ngamba ya Kilistu Yesu na muluwa uje yaangwile nakumusana kuli Njambi mukwambulula Vin̄anda vyendi Vyavivwa.

Loma 1:1 Iomraidhean Croise

1 Mizimbu 23:13

Munendi wa ntwatwa lizina lyendi Amelame, ikeye ishe ya Alone, na Mosesa. (Co Alone na vatekulwila vendi vavaangunwine ngeci vakale na moko a vyuma vyakujela myaka yoshe nakwenyeka insense akulemesa Shukulu Kalunga, nakumupangela, nakuvezikisa vanu mu lizina lyendi.

Isaya 49:1

Yeni mafuti a kulyala tolilileni kuli yange, yeni vanu mwakala kulyala! Omo kanda njisemuke, Shukulu Kalunga wanjangwile, co wanjimikile kupwa ngamba yendi.

Njelemiya 1:5

“Njakuzivukile simbu kanda uwile mwimo lya vanyoko, njakwangwile simbu kanda usemuke ngeci upwe muka-kwimanena wange ku miyati ya vanu.”

Mako 1:14

Omo Yowano vanamwaka laja mu kamenga, Yesu waile ku Ngalileya nakwambulula Vin̄anda Vyavivwa vya Njambi.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Yowano 15:15

Kunjimitumbula lalo vangamba embwe, omwo ngamba kazivuka vije vyalinga shukulu yendi. Oloni njimitumbula vasamba, omwo njamileka vyuma vyoshe vije vinjavizivile kuli Tate.

Yowano 15:20

Anukeni muje njamilekele ngwange, ‘Ngamba naumo wai natuvakana shukulu yendi.’ Nga yange vanjiyandesa, neni lalo vakamiyandesa, nga vononoka vilongesa vyange, co vakononoka vilongesa vyeni lalo.

Vilinga vya Miluwa 13:9

Asinoni Saulu, uje vatumbwile lalo Paulu, washulile na Munzinzime Wakujela wakengele shwii uje muka-manseno,

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 21:40

Co uje muka-kushika mashwalale wamwanene simbu, co Paulu wemanene a vindondelo wolwele livoko lyendi ngeci vanu voloke kuluu. Omo vanu volokele, co Paulu wendekele kuli vakevo mu ciHevelu ngwendi,

Vilinga vya Miluwa 22:21

Co Mwene wendekele kuli yange ngwendi, ‘Ya, omwo njikakutuma kulyala kuli vaje kesi vaYunda.’ ”

Vilinga vya Miluwa 22:7

Co njawililile asi, co njazivile lijwi lyendekele kuli yange ngwalyo, ‘Saulu, Saulu! Vika ulinakunjiyandesela?’

Vilinga vya Miluwa 26:1

Angilipa wendekele kuli Paulu ngwendi, “Ololo uli na simbu yakulyamena yove vavenya.” Co Paulu wolwele livoko lyendi nakulyamena ngwendi,

Vilinga vya Miluwa 26:14

Co tuvavoshe twawililile asi, co njazive lijwi lyendekele kuli yange mu ciHevelu ngwalyo, ‘Saulu, Saulu! Vika ulinakunjiyandesela? Ulinakulivulumuna yove vavenya omwo ulinakulyamena, ngwe ngombe wakulimisa alyatangela ku citi ca shukulu yendi.’

Vilinga vya Miluwa 27:23

Omwo ku vutsiki vunahu, kangelo ka Njambi uje kunjakundama uje lalo njikalemesa nezile kuli yange,

Vilinga vya Miluwa 9:15

Oloni Mwene wendekele kuli ikeye ngwendi, “Ya, omwo njinamwangula ngeci anjipangele, mukusholola lizina lyange kuli vaje kesi vaYunda na kuli vimyene na kuli vanu va Isalele.

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 1:9

Omwo Njambi ikeye mukaleo wange ngeci vyoshe vije njendeka vinapu vya vushunga, Njambi uje injilinakupangela na mbunge yange yoshe akwambulula Vin̄anda Vyavivwa vya Munendi. Njambi nazivuka ngeci njikamyanuka

Loma 11:13

Njilinakwendeka ololo kuli yeni kesi vaYunda ngwange, ngwe omo njinapu muluwa kuli vaje kesi vaYunda, njikalyalesa mu vipangi vyange.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

Loma 15:29

Co omo njiija kuli yeni, njazivuka ngwange njikaija nakushula kwa vivezikiso vya Kilistu.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

1 Kolinte 1:1

Mukanda wakutunda kuli Paulu, uje ivasanene ku cizango ca Njambi kupwa muluwa wa Kilistu Yesu, na ndolome yetu Sosetenese.

1 Kolinte 9:1

Kuma kesi nji munu wakupatuka ndi? Kuma kesi nji muluwa ndi? Kuma kunjamwene Yesu Mwene yetu ndi? Kuma yeni kesi munapu vipangi vyange muli Mwene ndi?

2 Kolinte 1:1

Mukanda wakutunda kuli yange Paulu, muluwa wa Kilistu Yesu ku cizango ca Njambi, unatundu lalo kuli Timateo ndolome yetu. Tulinakusonekela ku cikungulukilo ca Njambi cili mu Kolinte, na kuli vanu va Njambi voshe vali mu Akaya.

2 Kolinte 11:5

Kunjayongwele ngwange yange njapwa wamundondo kuli vaje vakama vamutumbula ngweni “miluwa.”

2 Kolinte 11:7

Kunjasele kumifwetesa cuma cimo omo njambulwile Vin̄anda Vyavivwa vya Njambi kuli yeni, njalikeesele mukulingisa yeni kupwa vakama. Kuma njaviisile ndi?

2 Kolinte 12:11

Njilinakupanga ngwe cikolokomba, oloni yeni munanjilingisamo. Yeni mwapandele kusholola vukaleo ngeci munanjitambula. Nameme nga njinapu nji wangoco, yange kunjakele mwisi ya vaje “miluwa” veni.

2 Kolinte 2:12

Omo njetele mu Tolowasi nakwambulula lijwi lya Kilistu, njawanene Mwene nanjishokolwela cikolo a vipangi vyendi kuje.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Ngalatiya 1:1

Mukanda wakutunda kuli Paulu, muluwa kesi wakusana ku cizango ca vanu nambe kwitilila muli munu umo, oloni ali Yesu Kilistu na Njambi Tate, uje wamusangwile ku vatsi.

Efeso 1:1

Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu. Njilinakusonekela kuli vanu va Njambi vaje vali mu Efeso, kuli vaje vaka-kukulaela kuli Kilistu Yesu.

Efeso 1:13

Ngecivene, neni lalo mwapwile mu vanu va Njambi omo mwazivile lijwi lya vushunga, Vin̄anda Vyavivwa vije vyaminenele kwovoka. Mwakulaelele muli Kilistu, co Njambi namyaka cizivukiso cakupwa muvendi akumyana Munzinzime Wakujela uje yamikulaesele.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Kwituluka mu Mashiko 10:8

A simbu ije Shukulu Kalunga waangunwine muyati wa Levi kupwa vaka-kwambata Cikasa ca Cikumiiyo ca Shukulu Kalunga, nakwimana ku mesho a Shukulu Kalunga nakumupangela nakuvezikisa vanu mu lizina lya Shukulu Kalunga, ngwe muvali nakulinga na lelo lino.

Filipu 1:1

Mukanda wakutunda kuli yange Paulu na Timateo, vangamba va Yesu Kilistu. Kuli voshe vanu va Njambi mu Filipu vaje vali muli Kilistu Yesu, amo na vantwama va cikungulukilo na vakwasi.

Filipu 2:11

co voshe vakambulula ngwavo Yesu Kilistu ikeye Mwene, ku vumpau vwa Njambi Tatetu.

Kolose 1:1

Mukanda wakutunda kuli yange Paulu, uje ku cizango ca Njambi napu muluwa wa Yesu Kilistu, unatundu lalo kuli ndolome yetu Timateo.

Kolose 1:25

Co Njambi nanjipwisa ngamba ya cikungulukilo, uje wanjanene cipangi eci omwo yeni. Eci cipangi capwa cakwambulula lijwi lyendi,

1 Tesalonika 2:2

Oloni mwazivuka muvatuyandesele nakutushaula mu Filipu simbu kanda twije kuli yeni mu Tesalonika. Co nambe kwakele kutulwisa kwakama, Njambi yetu watutakamesele mukumyambulwila Vin̄anda Vyavivwa vyakutunda kuli ikeye.

1 Tesalonika 2:8

Omwo a cizemo cetu kuli yeni twalivwaeselele ngeci tulipangele neni amo, kesi lika Vin̄anda Vyavivwa vyakutunda kuli Njambi oloni na myonyo yetu lalo. Omwo yeni munapu vaje vatwazema manene!

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Timateo 1:1

Mukanda wakutunda kuli yange Paulu muluwa wa Kilistu Yesu ku lishiko lya Njambi Muyoyesi wetu na Kilistu Yesu ikeye cinyangavili cetu.

1 Timateo 2:7

omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!

2 Timateo 1:11

Njambi nanjangula kupwa muluwa na mulongisi mukwambulula Vin̄anda Vyavivwa,

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

VaHevelu 5:4

Naumo wai walyangwile ikeye vavenya kupwa Muka-kukombelela Wakama na kasingimiko kuvanga vamusane kuli Njambi ngeci munu apwe Muka-kukombelela Wakama ngwe muvasanene Alone.

VaHevelu 7:26

Ngecivene, Yesu wapwa Muka-kukombelela wakama uje amona ngwe kujeneka kwetu. Wapwa wakujela, muli ikeye kumwesi mulonga nambe vuvi, vanamutundisa mukati ka vanu vaka vuvi, co vamusangwile nakumutwala mwilu.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

Yunda 1:1

Mukanda wakutunda kuli Yunda, ngamba ya Yesu Kilistu, ikeye lalo ndolome ya Yakomba. Kuli vaje vavanasana kuli Njambi, vaje vayoya mu cizemo ca Njambi Tate namukunyunga kwa Yesu Kilistu.

Kujombolola 1:1

Mu livulu eli vanasonekamo vyuma vije vyajombolwele Yesu Kilistu. Njambi wamwanene kujomboloka oku ngeci avisholole kuli vangamba va Njambi vije vikalingiwa vwasi-vwasi. Kilistu wajombolwele vyuma evi kuli ngamba yendi Yowano akutuma kangelo kendi kuli ikeye,

Kujombolola 22:6

Co kangelo wendekele kuli yange ngwendi, “Majwi awa anapu a vushunga, co vasa kuwakulaela. Co Shukulu Kalunga Njambi, uje muka-kwana Munzinzime wendi kuli vaka-kwimanena, natumu kangelo kendi mukumwesa vangamba vendi vije vikalingiwa ololo.”

Kujombolola 22:9

Oloni ikeye wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni vaka-kwimanena na voshe vaje vononoka majwi a mu livulu eli. Lemesa Njambi!”