Kutuuka 8:8 - Livulu lya Shukulu Kalunga

⁸ Co mwene wasanene Mosesa na Alone wendekele navo ngwendi, “Lombeleni kuli Shukulu Kalunga ngeci atundise ava mambotwe, co njikecela vanu vendi vaye, ngeci vakevo vakase kukombelela vin̄ombelo kuli Shukulu Kalunga.”

Kutuuka 8:8 Iomraidhean Croise

1 Vimyene 13:6

Mwene Yelovowame wendekele kuli muka-kwimanena ngwendi, “Mwane njilombeleleko kuli Shukulu Kalunga Njambi yove, ngeci akangwise livoko lyange!” Co muka-kwimanena walombelele kuli Shukulu Kalunga, co livoko lya mwene lyakangukile.

Myaso 66:3

Endekeni kuli Njambi ngweni, “Unalingi vyuma vyakukomokesa, nzili yove inapu yakama manene ngeci vitozi vove valiita kuli yove.

Kutuuka 10:16

Asinoni mwene wasanene vwasi-vwasi Mosesa na Alone wendekele ngwendi, “Njinalingi vuvi ku mesho a Shukulu Kalunga Njambi yeni na ku mesho eni.

Kutuuka 10:17

Co ololo njisambeseni ku vuvi vwange lalo, co lombeleni kuli Shukulu Kalunga Njambi yeni ngeci atundise cihiso ca kutsa eci kuli yange.”

Kutuuka 10:18

Asinoni Mosesa watundile kuli mwene, co walombelele kuli Shukulu Kalunga.

Kutuuka 14:5

Omo mwene wa Ingito vamulekele ngwavo vanu va Isalele vanavomboloka, co ikeye na vamyata vendi vatengulwile viyongola vyavo vendekele ngwavo, “Vika tunatavela vaIsalele ngeci vavomboloke? Ololo tunajeneka vinzinda vetu!”

Kutuuka 32:11

Oloni Mosesa walambelelele manene Shukulu Kalunga Njambi yendi wendekele ngwendi, “Ove Shukulu Kalunga, omwo vikajo unaluvalela manene ngeci na vanu vove, vaje wapatwile mu lifuti lya Ingito na livoko lyove lya nzili?

Kutuuka 5:2

Oloni mwene wavakumbulwile ngwendi, “Shukulu Kalunga ikeye iyajo owo njimutolilile, ngeci njitave vaIsalele kuya? Yange kunjimuzivuka owo Shukulu Kalunga, co kunjitava ngeci vaIsalele vaye.”

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Kutuuka 8:29

Mosesa wamukumbulwile ngwendi, “Omo yange njiciya lika, co njikalombela kuli Shukulu Kalunga ngeci imene vinzinzi vakamitunde, na vamyata vove, na vanu vove. Oloni kuwapandele kunjikwisa lalo kuvindika vanu kuya nakukombelela vin̄ombelo kuli Shukulu Kalunga.”

Kutuuka 8:32

Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.

Kutuuka 8:9

Co Mosesa wamukumbulwile ngwendi, “Njinatava kukulombelela. Imika simbu injikakulombelela na vamyata vove, na vanu vove, ngeci mambotwe vakatunde kuli yeni na mu vinjuvo vyeni, co vakasale lika mu Ndonga ya Nailo.”

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Kutuuka 9:28

Lombeleni kuli Shukulu Kalunga omwo tunapwisamo a cililimo na nyonzi ya mamanya! Njikamitava ngeci muye, kumukakala lalo muno.”

Kutuuka 9:33

Asinoni Mosesa wasezele mwene, watuukile mu nganda, wajundwile mavoko endi mukulombela kuli Shukulu Kalunga. Co cililimo, na nyonzi ya mamanya, vyoshe vyalikelele, co nyonzi kuyanyokele.

Kulava 21:7

Co vanu vezile kuli Mosesa vendekele ngwavo, “Tunalingi vuvi omo tunalinyenyetele nakutengulukila Shukulu Kalunga nove lalo. Ololo tulombelele kuli Shukulu Kalunga ngeci atundise ava manyoka.” Ngecivene, Mosesa walombelelele vanu.

Vilinga vya Miluwa 8:24

Co Simoni wendekele kuli Petulu na Yowano ngwendi, “Njilombeleleniko kuli Mwene ngeci vyuma evi vimunendeka kesi vilingiwe kuli yange.”

1 Samwele 12:19

co vendekele kuli Samwele ngwavo, “Shukulu, mwane, tulombeleleko kuli Shukulu Kalunga Njambi yove, ngeci kesi tutse. Omwo ku vuvi vwetu tunakumbasanako lalo vuvi vwakulomba mwene.”