Kutuuka 8:1 - Livulu lya Shukulu Kalunga

¹ Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese.

Kutuuka 8:1 Iomraidhean Croise

Myaso 105:30

Mu lifuti lyavo mwoshe mwashulile mambotwe, nameme mu lipela lya mwene mwoshe mwashulile mambotwe.

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Kutuuka 3:18

“Vanu vange vakatolilila evi ukendeka kuli vakevo. Co yove na vantwama va Isalele mukaya kuli mwene wa Ingito mukamuleka ngweni, ‘Shukulu Kalunga, Njambi ya vaHevelu, nalisholwele kuli yetu. Ololo tukulomba ngeci ututave tuye vungenzi vwa matangwa atatu mu mambo tukakombelele vin̄ombelo kuli Shukulu Kalunga Njambi yetu.’

Kutuuka 4:23

Njakulekele ngwange tava ngeci munange aye akanjilemese. Oloni nga uvyana, co njikatsiya munove wa ntwatwa wa munalume.’ ”

Kutuuka 5:1

Asinoni Mosesa na Alone vaile kuli mwene wa Ingito vendekele ngwavo, “Shukulu Kalunga, Njambi ya Isalele, nendeka ngwendi, ‘Ecela vanu vange vaye mu mambo, ngeci vakanjilingile ciwano cakunjilemesa.’ ”

Kutuuka 5:3

Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Kutuuka 7:16

Co endeka kuli mwene ngwove, ‘Shukulu Kalunga, Njambi ya vaHevelu, nanjitumu kuli yove njikuleke ngeci wecele vanu vendi vaye vakamulemese mu mambo. Oloni na ololo yove shove kuveca.

Kutuuka 7:25

Co kwetile matangwa atanu na avali kutunda aje Shukulu Kalunga wapupile a ndonga.

Kutuuka 8:2

Nga uvyana kuvecela, co njikahisa lifuti lyove, co likashula na mambotwe.

Kutuuka 8:20

Asinoni Shukulu Kalunga wendekele kuli Mosesa ngwendi, “Imene mutondo-tondo ya ukaliwane na mwene omo aya ku ndonga, co ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese.

Kutuuka 9:1

Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga, Njambi ya vaHevelu nendeka ngwendi, ‘Ecela vanu vange vaye ngeci vakanjilemese.

Yoshwa 8:18

Asinoni Shukulu Kalunga wendekele kuli Yoshwa ngwendi, “Inika likunga lyove ku Ayi, omwo njinaikundika ku mavoko ove.” Ngecivene, Yoshwa walingile ngwe muje muvamulekele.