Kutuuka 7:5 - Livulu lya Shukulu Kalunga

⁵ Vaka-Ingito vakazivuka ngeci kuma yange njapwa Kalunga, omo njikajundula livoko lyange a Ingito nakutundisa vaIsalele mu lifuti lyavo.”

Kutuuka 7:5 Iomraidhean Croise

Myaso 138:7

Omo tuyando tunjizengeleka, yove unjinyunga mwamuvwa, co lalo uyeluwisa vukalu vwa vitozi vange, nakunjamena na nzili yove.

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Kutuuka 10:2

ngeci mukase kukalekako vana veni na vatekulyeni omu munjinapwisa vaka-Ingito vikolokomba omo akulinga vikomokeso akati kavo. Co yeni voshe mukazivuka ngweni kuma yange njapwa Kalunga.”

Kutuuka 10:7

Co vamyata va mwene vendekele kuli mwene ngwavo, “Visimbu vingaijo munu ou akatuyandesa? Ecela vanalume va vaIsalele vaye vakalemese Shukulu Kalunga Njambi yavo. Kuma yove kuwanangukile ngwove Ingito yanyongo ndi?”

Kutuuka 14:18

Omo yange njikavafungulula, co vaka-Ingito vakazivuka ngeci yange njapwa Kalunga.”

Kutuuka 14:4

Ngecivene, njikakaluwisa mbunge ya mwene, akamikava oloni njikamuhyana na nzita yendi, co eci cikanjinenela kasingimiko. Asinoni vaka-Ingito vakanjizivuka ngwavo kuma yange njapwa Kalunga.” Co vaIsalele valingile ngwe muvavalekele.

Kutuuka 18:8

Asinoni Mosesa walekele Yetolo vyuma vyoshe vije vyalingile Shukulu Kalunga kuli mwene na kuli vanu va ku Ingito omo wovwele vaIsalele. Co wamulekele lalo naa vukalu vawanene a ngila, nomwo mwavamenene Shukulu Kalunga.

Kutuuka 3:20

Co njikolola livoko lyange nakupupa Ingito na vikomokeso vyange vyoshe vinjikalinga ali vakevo. Co munima yevi asinoni akamitava muye.

Kutuuka 6:1

Asinoni Shukulu Kalunga wendekele kuli Mosesa ngwendi, “Ololo oni ukamona vinjikalinga kuli mwene, omwo njikamusindiya ecele vanu vange vaye. Njikamusindiya ngeci akavasheke mu lifuti lyendi.”

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Kutuuka 7:17

Ololo Shukulu Kalunga nendeka ngeci a cuma eci akeo ukazivukila evi vyakalinga. Kenga, njikapupa akamwa ya ndonga nou mulamu, co mema akemuka maninga.

Kutuuka 8:10

Mwene wakumbulwile ngwendi, “Imene vene ukanjilombelela.” Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu.

Kutuuka 8:19

Co vaje vaka-manseno vendekele kuli mwene ngwavo, “Livoko lya Njambi linalingi eci!” Oloni mwene wacikaluwisile mbunge yendi, ngwe vene muje mwendekele Shukulu Kalunga, mwene katolililile kuli Mosesa na Alone.

Kutuuka 8:22

Oloni a litangwa lije njikasezao lika lifuti lya Ngoshene muje valinakukala vanu vange, co muje kumukakala vinjame vya vinzinzi embwe. Njikalinga eci ngeci yove ukazivuke ngeci yange Kalunga, njilinakupanga mu lifuti lino.

Ezekiyele 25:17

Njikavanyanyamesa manene nakuvalinga shambandinga. Co vakaziva vukalu vwange. Asinoni vakazivuka ngeci yange njapwa Kalunga.”

Ezekiyele 28:22

Leka vanu valimo evi yange Kalunga wa Akamwa ya Vyoshe njendeka kuli vakevo ngwove, ‘Yove Sindone yange nji citozi cove, vanu vakanjishangazala omwo vije njilinga kuli yove. Omwo njikakumwesa kujela kwange akunyanyamesa vanu vaje vayoyela muli yove, co vakazivuka ngeci yange njapwa Kalunga.

Ezekiyele 32:15

Omo njikapwisa Ingito ngundu nakunyongesa voshe vaje vakalamo, co vakazivuka ngeci yange njapwa Kalunga.

Ezekiyele 36:23

Omo njisholola kujela kwa lizina lyange lyakama, lizina lije limwazivisile shwamwa akati kavo, asinoni vakazivuka ngeci yange njapwa Kalunga.’ Munjinendeka yange Kalunga wa Akamwa ya Vyoshe. Njikamipangesa mukumwesa miyati ngeci kuma njapwa wakujela.

Ezekiyele 39:22

VaIsalele vakazivuka simbu yoshe ngeci yange njapwa Kalunga Njambi yavo.

Ezekiyele 39:7

Njikatsimanesa lizina lyange ku vanu vange va Isalele, co kunjikatava ngeci lizina lyange lyakujela lishauke. Asinoni miyati vakazivuka ngeci yange Kalunga, njapwa Njambi wakujela wa Isalele.”