Kutuuka 7:2 - Livulu lya Shukulu Kalunga

² Leka Alone vyuma vyoshe vinjinakuleke, co ikeye akaleka mwene ecele vaIsalele ngeci vatunde mu lifuti lyendi.

Kutuuka 7:2 Iomraidhean Croise

1 Vimyene 22:14

Oloni Mikaya wamukumbulwile ngwendi, “Mu lizina lya Shukulu Kalunga njilikumiiya ngeci njikendeka vene evi ikeye anjilekavyo!”

Kutuuka 4:15

Ukendeka nendi nakumuleka evi vyanapande kwendeka. Co njikamikwasa muvuvali vweni akwendeka, njikamileka muvuvali vweni vimukalinga.

Kutuuka 4:16

Ikeye akapwa muka-kukwendekelako kuli vanu. Co yove ukapwa ngwe Njambi kuli ikeye akumuleka vyakendeka.

Kutuuka 5:1

Asinoni Mosesa na Alone vaile kuli mwene wa Ingito vendekele ngwavo, “Shukulu Kalunga, Njambi ya Isalele, nendeka ngwendi, ‘Ecela vanu vange vaye mu mambo, ngeci vakanjilingile ciwano cakunjilemesa.’ ”

Kutuuka 6:29

wendekele kuli ikeye ngwendi, “Yange njapwa Kalunga. Leka mwene wa Ingito vyuma vyoshe vije vinjinakuleke.”

Kutuuka 7:6

Mosesa na Alone valingile ngwe mwavashikile Shukulu Kalunga.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 1:7

Oloni Shukulu Kalunga wendekele kuli yange ngwendi, “Kesi wendeke ngwove u mwanike wamundondo embwe, oloni unapande kuya ku vanu kuje kunjikutuma, nakuvaleka vyuma vyoshe vije vinjikushika.

Ezekiyele 3:10

Njambi wendekele lalo ngwendi, “Muna munu, tolilila mwamuvwa nakwaka majwi oshe anjikuleka mu mbunge yove.

Ezekiyele 3:17

“Muna munu, njikupwisa muka-kunyunga muyati wa Isalele. Yove ukavanangula vije vinjikuleka.

Mateo 28:20

Co valongeseni kwononoka vyuma vyoshe vije vinjamishiki. Co anukeni ngweni njikakala neni matangwa oshe noo akukotoka kwa kaye.”

Vilinga vya Miluwa 20:27

Omwo kunjalikelele kwambulula kuli yeni vutumbe vwoshe vwa Njambi.

Kwituluka mu Mashiko 4:2

Kesi mukawezeleleko cuma cimo ku evi vinjimishika, co kesi mukatundiseko lalo cuma cimo embwe. Oloni ononokeni mashiko a Shukulu Kalunga Njambi yeni aje anjinamishiki.