Kutuuka 5:3 - Livulu lya Shukulu Kalunga

³ Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Kutuuka 5:3 Iomraidhean Croise

2 Vimyene 17:25

Omo vakele muje akulivanga, kuvalemesele Shukulu Kalunga embwe, co Shukulu Kalunga wavatuminine vindumba, vatsiile vamo akati kavo.

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

Ezela 7:23

Munapande kwana mwamuvwa vyuma vyoshe vije vyashaka Njambi wa Mwilu ku Njuvo yendi, kutewa vukalu vwendi vukaija ali yange nambe ali vaje vakashwana kulutwe lwange.

Kutuuka 3:18

“Vanu vange vakatolilila evi ukendeka kuli vakevo. Co yove na vantwama va Isalele mukaya kuli mwene wa Ingito mukamuleka ngweni, ‘Shukulu Kalunga, Njambi ya vaHevelu, nalisholwele kuli yetu. Ololo tukulomba ngeci ututave tuye vungenzi vwa matangwa atatu mu mambo tukakombelele vin̄ombelo kuli Shukulu Kalunga Njambi yetu.’

Kutuuka 7:16

Co endeka kuli mwene ngwove, ‘Shukulu Kalunga, Njambi ya vaHevelu, nanjitumu kuli yove njikuleke ngeci wecele vanu vendi vaye vakamulemese mu mambo. Oloni na ololo yove shove kuveca.

Kutuuka 8:1

Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese.

Kutuuka 8:20

Asinoni Shukulu Kalunga wendekele kuli Mosesa ngwendi, “Imene mutondo-tondo ya ukaliwane na mwene omo aya ku ndonga, co ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese.

Kutuuka 8:27

Tunapande kuya vungenzi vwa matangwa atatu mu mambo mukukombelela vin̄ombelo kuli Shukulu Kalunga Njambi yetu, ngwe muje mwatushikile.”

Ezekiyele 6:11

Shukulu Kalunga wa Akamwa ya Vyoshe wendekele ngwendi, “Kanda vimbanda! Co lyata musindo! Lila na vusiwa omwo vuvi vwoshe, na vyuma vya vunyengwe vije vivanalingi vaIsalele. Vakatsila mu nzita, nakulanduka ku njala, na kutsa lalo ku mushongo.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Kwituluka mu Mashiko 28:21

Shukulu Kalunga akamitumina kushwakumo mishongo yakuliseza-seza noo naumo wai akasala mu lifuti lije limukashwana.