Kutuuka 4:12 - Livulu lya Shukulu Kalunga

¹² Ngecivene, ololo, ya! Njikakukwasa akwendeka, co njikakuleka vije viwukendeka.”

Kutuuka 4:12 Iomraidhean Croise

Myaso 105:26

Njambi watumine ngamba yendi Mosesa, na Alone uje yaangwile.

Myaso 143:10

Njilongese kulinga cizango cove, omwo yove wapwa u Njambi yange. Munzinzime wove wauvwa, unjitwamenene mu ngila yaivwa.

Myaso 32:9

Kesi mupwe ngwe kavalu nambe kupanga ngwe cimulu, vaje kuvesi na mana, vaje vavendesa na cikuvo ca mu kanwa, mukuvononwesa ngeci vende mwamuvwa.”

Kutuuka 3:12

Njambi wamukumbulwile ngwendi, “Yange njikakala amo nove, co eci cikapwa cizivukiso kuli yove ngeci yange njakutumu. Omo ukatundisa vanu vaIsalele mu Ingito, co mukanjilemesa a munkinda uno vene.”

Kutuuka 4:13

Oloni Mosesa wakumbulwile ngwendi, “Embwe Shukulu Kalunga, njalombo mutumeko weka.”

Kutuuka 4:15

Ukendeka nendi nakumuleka evi vyanapande kwendeka. Co njikamikwasa muvuvali vweni akwendeka, njikamileka muvuvali vweni vimukalinga.

Kutuuka 4:16

Ikeye akapwa muka-kukwendekelako kuli vanu. Co yove ukapwa ngwe Njambi kuli ikeye akumuleka vyakendeka.

Isaya 49:2

Ikeye walingisile majwi ange kuvambuka ngwe moko ya mukwale, nambe ngwe mukili wakushongomoka, wakukalwila cimweja. Wanjinyungile mwamuvwa na livoko lyendi.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Njelemiya 1:9

Asinoni Shukulu Kalunga wolwele livoko lyendi, co wakwatele a kanwa kange, wendekele kuli yange ngwendi, “Njilinakukwana majwi aje aunapande kwendeka.

Kulava 16:28

Co Mosesa wendekele ku mbunga ya vanu ngwendi, “Eci cikamizivukisa ngeci kuma Shukulu Kalunga ikeye nanjitumu kulinga vyuma evi vyoshe, kesi yange vavenya njalilingilavyo embwe.

Mako 13:11

Co omo vakamikwata nakumitwala ku vimbanja, kesi mukalinyenge nakuyongola ngweni vika tukendeka, oloni omo simbu inete, mukendeka vyoshe vivakamyana. Omwo majwi amukendeka kesi ngwe eni embwe, oloni akatunda kuli Munzinzime Wakujela.

Luka 11:1

Litangwa limo Yesu wakele nakulombela ku mutambela umo. Co omo wamanesele umo wa vandongisi vendi wendekele kuli ikeye ngwendi, “Mwene, tulongese kulombela, ngwe omo Yowano walongesele vandongisi vendi.”

Yowano 14:26

Oloni Mukwasi, ikeye Munzinzime Wakujela, uje yakatuma Tate mu lizina lyange, akamilongesa vyuma vyoshe nakumyanukisa vyuma vyoshe vije vinjinamileka.

Efeso 6:19

Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

Kwituluka mu Mashiko 18:18

Njikavatumina muka-kwimanena wakufwa ngwe yove wakutunda akati kavo vene. Co njikamuleka evi akendeka, co ikeye akaleka vanu vyuma vyoshe vinjikamushika.