Kutuuka 3:8 - Livulu lya Shukulu Kalunga

⁸ Ngecivene, njinaija mukuvapatula ku livoko lya vaka-Ingito, nakuvatundisa mu lifuti eli lya Ingito nakuvatwala mu lifuti lyalivwa nevi vyakujenekamo vyai, muje ololo mucili vaKanana, na vaHiti, na vaAmoli, na vaPelezi, na vaHivi, na vaNjevushi.

Kutuuka 3:8 Iomraidhean Croise

Kushangumuka 11:5

Oloni Shukulu Kalunga wezile asi mukumona nganda na kaposhi vije vivatungile vaje vanu.

Kushangumuka 11:7

Ngecivene, tuyeni tushuluke asi, tukatanganese muyati wavo ngeci omo vendeka kesi valizive.”

Kushangumuka 15:13

Shukulu Kalunga wendekele kuli ikeye ngwendi, “Vatekulwila vove vakapwa vangenzi mu lifuti lya vungenzi, co vakapwa vinzinda kuje, vakavayandesa na muuka a myaka 400.

Kushangumuka 15:14

Oloni njikahisa muyati uje ukavapwisa vinzinda, co omo vakaseza lije lifuti lya vungenzi, vakambata vufuko vwavungi nakuya navwo.

Kushangumuka 18:21

Njinapande kushelumukilako ngeci njikalimwene yange vavenya a vyuma evi njinazivi vya vuvi vwavo nga vinapu vya vushunga.”

Kushangumuka 43:11

Asinoni ishavo wendekele kuli vakevo ngwendi, “Nga eci cinapu ngoconi, co mwamuvwa lingeni ngeci ambateleni owo munalume vushuka vwavuvwa vwa mu lifuti lino mu vinjeke vyeni ngeci mutwale vwana kuli mwata wakama. Ambateni kenya imo, na vuki vumo, na vyemba vyakunika lwengo lwaluvwa, na micuku-cuku.

Kushangumuka 46:4

Njikaya amo nove ku Ingito, co mwa vushunga njikelwisa lalo vatekulwila vove ku lifuti lino. Yosefa ikeye akakufwika a mesho ove omo ukatsa.”

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

1 Mizimbu 1:15

na vaHivi, na vaAleki, na va Sini,

Nehemiya 9:8

Yove wamwene ngeci ikeye wapwile wa kulongwa kuli yove, co walikumiiye cikumiiyo nendi. Wamukulaesele kumwana lifuti lya vaKanana, na vaHiti, na vaAmoli, na vaPelezi, na vaNjevushi, na vaNgilengashi, kupwa lifuti muje muvakakala vatekulwila vendi. Wanyungile cikulaeso cove, omwo yove wapwa wa kulongwa.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 12:6

Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

Myaso 34:8

Kengeni mumone ngeci Shukulu Kalunga wapwa wamuvwa! Navezika munu uje atewela muli ikeye.

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

Kutuuka 12:41

Co a litangwa lije vene vamanesele myaka 430, miyati yoshe ya vanu va Shukulu Kalunga vatundile mu Ingito.

Kutuuka 12:51

A litangwa lije Shukulu Kalunga watuwisile miyati ya vaIsalele kuvatundisa mu Ingito.

Kutuuka 13:5

Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga.

Kutuuka 3:17

Co nayongola ngeci akamitundisa mu tuyando twa mu Ingito, nakumitwala mu lifuti lyalivwa nevi vyakujenekamo vyai, lifuti lya vaKanana, na vaHiti, na vaAmoli, na vaPelezi, na vaHivi, na vaNjevushi.’ ”

Kutuuka 34:11

Co ononokeni mashiko awa njilinakumyanawo ku litangwa lya lelo. Kenga, njikasheka vaAmoli, na vaKanana, na vaHiti, na vaPelezi, na vaHivi, na vaNjevushi, omo yeni mulinakuya kulutwe.

Kutuuka 5:23

Tunde aje njaililile kuli mwene nakwendeka mu lizina lyove, co aje vene ikeye washangumukile kuyandesa manene vanu vove. Co yove nacimo cai ciwunalingi cakuvakwasa!”

Isaya 36:17

noo mwene namyaka mu lifuti lyakufwa ngwe lyeni, muje muli vitungu vya mikolovozi ya vushuka vwa vinyu, na tiliku yakulinga vunga vwa makende.

Isaya 64:1

Angununa melu ushelumukile ano asi! Ngeci minkinda ijaje omo ikumona.

Njelemiya 11:5

Asinoni njikanyunga cikumiiyo cije njalikumiiye na vakukulwila veni, ngeci njikavana lifuti lyalivwa nevi vyakujenekamo vyai, muje mumuli nakukala ololo.” Co njakumbulwile ngwange, “Ewa Shukulu Kalunga.”

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Njelemiya 32:22

Wavanene lifuti eli lyalivwa lya vwilo, ngwe muwakulaesele vakukulwila vavo.

Ezekiyele 20:6

Njavakulaesele kuvatundisa mu Ingito nakuvatwamenena ku lifuti lije njavaangwilile, lifuti lya vufuko na vwilo, lifuti lyalivwa manene kutuvakana mafuti oshe.

VaLevi 20:24

Oloni yange njamikulaesele lifuti eli lyalivwa lya vwilo nevi vyakujenekamo vyai kupwa vushwana vweni, co yange njikamyanalyo. Yange njapwa Kalunga Njambi yeni, yange njamyangwile nakumyangununa akati ka miyati yoshe.

Amose 2:10

Yange njamitundisile mu Ingito, nakumitwamenena mu mambo myaka makumi awana, co njamyanene lifuti lya vaAmoli kupwa lyeni.

Kulava 13:18

Ngecivene, mukamone lifuti lyafwa vati, na vanu vakalamo vali na nzili nambe vakuzeya, nambe vavandondo nambe vavangi.

Kulava 13:19

Co mukamone vati lifuti mulyafwa, nga lyalivwa nambe lyalivi, nambe vanu vamwo vatunga membo avo mu vilombo nambe mu vimpaka.

Kulava 13:27

Co valekele Mosesa ngwavo, “Tunakanengele mu lifuti muje muwatutumine, tunakawana ngeci likelyo linapu lya vufuko na vwilo nevi vyakujenekamo vyai, co ovu vukevwo vushuka vwamwo.

Yowano 3:13

Naumo wai nai mwilu kuvanga Muna Munu lika uje wezile kutunda mwilu.”

Yowano 6:38

omwo njatundile mwilu kesi kulinga cizango cange embwe, oloni kulinga cizango ca uje wanjitumine.

Kwituluka mu Mashiko 1:25

Ngecivene, vezile na vushuka vumo vuje vakawanene muje mu lifuti, co vatunenelelevwo nakutuleka ngwavo, ‘Lifuti lije lyalinakutwana Shukulu Kalunga Njambi yetu linapu lyalivwa manene.’

Kwituluka mu Mashiko 1:7

Katukeni muye kulutwe, ku lifuti lya malundu lya vaAmoli, na ku lifuti lyoshe lije lyazengelekako, na ku Cana ca Yondau, na ku lifuti lya malundu, na ku cikulo, na mu mbwela, na ku ngenge ya Lishali lya Menditelenyani. Yeni mu lifuti lya Kanana, na musambwa ya Minkinda ya Lembanone, kweta na ku Ndonga yakama ya Yufuleti.

Kwituluka mu Mashiko 27:3

Asinoni mukasonekao mashiko oshe awa na vilongesa vyoshe evi. Omo mukakovela mu lifuti lije lyakamyana Shukulu Kalunga Njambi yeni, lifuti lije lyalivwa nevi vyakujenekamo vyai, ngwe muje mwamikulaesele Shukulu Kalunga Njambi ya vakukulwila veni,

Kwituluka mu Mashiko 28:11

Shukulu Kalunga akamyana vana vavangi, na vimuna vavangi, na vimbuto vyavingi mu lifuti lije walisingile na vakukulwila veni kumyanalyo.

Kwituluka mu Mashiko 6:3

Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.

Kwituluka mu Mashiko 7:1

“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi.

Yoshwa 5:6

VaIsalele vendele mu mambo myaka makumi awana, noo cisemwa coshe ca vanalume vaje vasele kuya ku nzita vaje vatundile ku Ingito vanyongele, omwo kuvononokele Shukulu Kalunga. Ngwe muje mwalisingile ikeye kavatavele ngeci vakamone lifuti lije lyalisingile na vakukulwila vavo kuvanalyo, lifuti lyalivwa lya vwilo, nevi vyakujenekamo vyai.

Yoshwa 9:1

Omo vimyene voshe va mu kangombe ka yambi ya Yondau vazivile ngeci vaIsalele vanahyana, co voshe vaje vakele mu lifuti lya malundu, na mu lifuti lya ku vushelumukilo vwa malundu, na vaje vakele ku ngenge ya Lishali lya Menditelenyani, kutwala ku kunto ya Lembanone, vimyene va vaHiti, na vaAmoli, na vaKanana, na vaPelezi, na vaHivi, na vaNjevushi,

Yoshwa 9:7

Oloni vanalume va vaIsalele vavakumbulwile ngwavo, “Omwo vikajo tulikumiiya cikumiiyo neni? Alumo yeni mwatunga muyehi netu.”