Kutuuka 3:7 - Livulu lya Shukulu Kalunga

⁷ Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Kutuuka 3:7 Iomraidhean Croise

Kushangumuka 16:11

Ukakala na mwana wa munalume, ukamuluka lizina lyendi Ishimela, omwo Shukulu Kalunga nazivi tuyando twove.

Kushangumuka 18:21

Njinapande kushelumukilako ngeci njikalimwene yange vavenya a vyuma evi njinazivi vya vuvi vwavo nga vinapu vya vushunga.”

Kushangumuka 21:17

Njambi wazivile kulila kwa mwana, co kangelo ka Njambi oku ali mwilu watambekele kuli Hangale ngwendi, “Hangale, vika ulinyenga? Kesi uzive lyova. Njambi nazivi kulila kwa munove.

Kushangumuka 29:32

Leya wakele na kafumba, wakitile mwana wa munalume. Wendekele ngwendi, “Shukulu Kalunga natundisa vusiwa vwange, cooni munalume wange akanjizema manene kutuvakana Lakele.” Ngecivene, wamulukile lizina lyendi Luvena.

Kushangumuka 31:12

Co kangelo ngwendi, ‘Kenga, majamba a vimembe voshe vaje vanakele nakulonda vanapu vamingolila, na ava vamapelenge, na ava vakuvalama. Evi vilinakulingiwa omwo njamono vyoshe vije alinakulinga Lambani kuli yove.

Kushangumuka 31:42

Nga Njambi ya Avilahama, na Njambi ya tate Isake kakele nange, nga yove wanjishekele laja mavoko-voko. Oloni Njambi wamwene tuyando twange na vipangi vyange vije njalingile, ngeci ku vutsiki vwa izau Njambi nakwendekelele.”

2 Samwele 22:28

Yove ukamena vaje vaka-kulikeesa, oloni ukakeesa vaje vaka-kulyalesa.

2 Vimyene 13:4

Asinoni Njehoahaze walombelele kuli Shukulu Kalunga, co Shukulu Kalunga, omwo wamwene vukalu vwa mwene wa ku Silya omo wakele nakuyandesa vaIsalele, co wakumbulwile lilombelo lyendi.

2 Vimyene 20:5

“Iluka lalo kuli Hezekiya muka-kushwana vanu vange, co endeka kuli ikeye ngwove, ‘Yange Kalunga, Njambi ya kukulwila yove Ndaviti, njinazivi lilombelo lyove, co njamono misozi yove. Njikakukangwisa, omo kuneti matangwa atatu ukaya ku Njuvo yange.

Nehemiya 9:9

“Yove wamwene vakukulwila vetu muvayandele mu Ingito, wazivile mutambi wavo wakuvakwasa ku Mema a Kalunga Akuvenga.

Myaso 106:44

Oloni Shukulu Kalunga wavazivile omo vatambekele, co wamwene tuyando twavo.

Myaso 12:6

Vikulaeso vya Shukulu Kalunga vyapwa vya vushunga, vinapu vyavivwa ngwe siliva yakujelesa mu lutengo visimbu vitanu na vivali.

Myaso 142:3

Omo cinyangavili cange cihwa, yove unazivuka laja ngila yange. Vananjitela myeto mu ngila, muje munjilinakwenda.

Myaso 145:19

Ikeye akutisa vizango vya vaje vamukomoka, aziva mitambi yavo, co avamena.

Myaso 22:24

Ikeye kesi kumbila kuti tuutu, nambe kuyengula tuyando twavo, nambe kuvakengesa nima, oloni avakumbulula omo vatambeka kuli ikeye mukuvakwasa.”

Myaso 34:4

Njalombelele kuli Shukulu Kalunga, co wanjikumbulwile, ikeye wanjipatwile ku lyova lyange lyoshe.

Myaso 34:6

Tuutu vakatambeka kuli ikeye, co akavaziva, ikeye akavamena ku tuyando twavo twoshe.

Myaso 35:22

Oloni yove Shukulu Kalunga wapwa u mukaleo, co kesi woloke kuluu. Kesi ukale kulyala nange yove Shukulu Kalunga!

Myaso 9:14

ngeci njikemane ku mesho a vanu va mu Yelusalema, nakuvaleka vyuma vyoshe vije vinjikushangazala navyo. Njivwaelela omwo yove unanjovola.

Kutuuka 1:11

Ngecivene, vaka-Ingito vaakele vantwama vaka-kupangesa ngeci vayandese vaje vanu nakupangesa mwamuvi vaIsalele. VaIsalele vatungilile mwene vinganda vivali, Pitome na Lamesese kupwa vishete vyakutulikila vyakulya.

Kutuuka 1:8

Asinoni mwene wamuhwa, uje kazivukile Yosefa, washwanene mu Ingito.

Kutuuka 22:23

Nga yeni mucilinga, co yange Kalunga, njikavakumbulula omo valinakuteta ngeci vavakwase,

Kutuuka 33:13

Co ololo nga mwa vushunga njilinakukuvwaelelesa, cooni njileke viyongola vyove, ngeci njikupangele simbu yoshe mukukuvwaelelesa. Co anuka lalo ngwove yove unaangula muyati ou kupwa wove vavenya.”

Kutuuka 5:10

Asinoni vaje vaka-kupangesa vindungo na vantwama va vaIsalele vaka-kwendesa vipangi vaile nakwendeka kuli vaIsalele ngwavo, “Mwene nendeka ngwendi kesi tukamyane lalo mwila.

Kutuuka 5:6

A litangwa lije vene, mwene washikile vaka-Ingito vaka-kupangesa vaje vindungo, na vantwama va vaIsalele vaka-kwendesa vipangi ngwendi,

Isaya 63:9

ku tuyando twavo twoshe. Kesi kangelo embwe, oloni Shukulu Kalunga vavenya wavamenene. Mu cizemo cendi na mukutetela kwendi ngeci wavapatwile. Simbu ya kunima wakele nakuvanyunga,

Kulava 20:16

twatambekele kuli Shukulu Kalunga ngeci atukwase, co wazivile mutambi wetu, watumine kangelo uje watutwamenenene kututundisa mu Ingito. Co ololo tuli ku Kandeshe, nganda ije ili ku nginga ya lifuti lyove.

Vilinga vya Miluwa 7:34

Njinamono kayando kakama ka vanu vange mu Ingito. Co njinazivi kukemanga kwavo, co njinaija nakuvamena. Co ija ololo, njikakutume ku Ingito.’

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

1 Samwele 9:16

“Imene a simbu ino vene njikakutumina munu wa ku muyati wa Mbenjemani, muvwavese mazi ngeci apwe muka-kushwana vanu vange va Isalele, ikeye akavamena kuli vaFilisitiya, omwo njinamono tuyando twa vanu, co njazivi kulila kwavo ngeci njivakwase.”