Kutuuka 3:6 - Livulu lya Shukulu Kalunga

⁶ Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Kutuuka 3:6 Iomraidhean Croise

Kushangumuka 12:1

Shukulu Kalunga wendekele kuli Avilama ngwendi, “Tunda mu lifuti lyove, na kuli vavushoko vwove, na mu limbo lya isho, ya ku lifuti lije njikakumwesa.

Kushangumuka 12:7

Shukulu Kalunga washolokele kuli Avilama, co wendekele kuli ikeye ngwendi, “Eli likelyo lifuti njikana kuli vatekulwila vove.” Co kuje vene Avilama watungile mutula wa Shukulu Kalunga, uje washolokele kuli ikeye.

Kushangumuka 17:3

Co Avilama watsikamene, nakukulamena asi, co Njambi wendekele nendi ngwendi,

Kushangumuka 24:12

Co walombelele ngwendi, “Yove Shukulu Kalunga, Njambi ya shukulu yange Avilahama, njakukandelela njikwaseko kulinga mwamuvwa vyuma evi njinakatukila ku litangwa lya lelo, mwesa cikulaeso cove cije kucesi kutenguluka kuli shukulu yange Avilahama.

Kushangumuka 26:24

Ku vutsiki vuje, Shukulu Kalunga washolokele kuli ikeye wendekele ngwendi, “Yange Njambi ya isho Avilahama. Kesi uzive lyova, njili amo nove. Njikakuvezikisa, co njikatumisa vatekulwila vove omwo acikulaeso cange kuli ngamba yange Avilahama.”

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 28:17

Co Yakomba wakele na lyova, wendekele ngwendi, “Mutambela uno unapu wakuzivisa lyova! Unapande kupwa Njuvo ya Njambi, cinapande kupwa cikolo cakushokoloka ca mwilu.”

Kushangumuka 31:42

Nga Njambi ya Avilahama, na Njambi ya tate Isake kakele nange, nga yove wanjishekele laja mavoko-voko. Oloni Njambi wamwene tuyando twange na vipangi vyange vije njalingile, ngeci ku vutsiki vwa izau Njambi nakwendekelele.”

Kushangumuka 32:9

Asinoni Yakomba walombelele ngwendi, “Njambi ya kuku Avilahama na Njambi ya tate Isake, yove Shukulu Kalunga wendekele kuli yange ngwove ukeluka ku lifuti lyove na kuli vavushoko vwove, co vyuma vyoshe wasa kunjivwaeselavyo mwamuvwa.

1 Vimyene 18:36

A simbu yakukombelela kwa cingwezi Elinja muka-kwimanena washwenyele ku mutula nakulombela ngwendi, “Shukulu Kalunga, Njambi ya Avilahama, ya Isake, ya Yakomba, ololo mwesa ngeci kuma yove unapu u Njambi ya Isalele, co nange njinapu nji ngamba yove, njalingi vyoshe evi akushika kwove.

1 Vimyene 19:13

Omo Elinja walizivile, walifwikile cikoveyo cendi ku mesho watuukile anja, co wemanene ku cikolo ca linzenzengoma. Lijwi ngwalyo, “Elinja, vikajo ulinga kuno?”

Nehemiya 9:9

“Yove wamwene vakukulwila vetu muvayandele mu Ingito, wazivile mutambi wavo wakuvakwasa ku Mema a Kalunga Akuvenga.

Esita 3:4

co vendekele nendi a litangwa na litangwa, oloni kavatolililile, co wavalekele ngwendi, “Yange nji kaYunda, kunjasa kutsikamena Hamane embwe.” Ngecivene, valekele Hamane cuma eci, nakumona nga Hamane asa kutava futisi ya Molendekai.

Myaso 132:2

Shukulu Kalunga anuka vije vyakulaesele Ndaviti, cisingo cije calisingile nove, Njambi ya Yakomba Muka-nzili yoshe omwo ikeye Ndaviti wendekele ngwendi,

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 29:45

Asinoni njikakala akati ka vanu va Isalele, co njikapwa Njambi yavo.

Kutuuka 3:16

Ya ukakungulwile amo vantwama va Isalele voshe ukavaleke ngwove, ‘Shukulu Kalunga, Njambi ya vakukulwila veni, Njambi ya Avilahama, na Isake, na Yakomba, nalisholwele kuli yange. Valeke ngwove Njambi nakenge ali yeni, co namono vika vaka-Ingito valinakumilinga.

Kutuuka 33:20

Kunjikakutava ngeci umone cihanga cange embwe, omwo naumo wai anjimona yange, co ayoye,

Kutuuka 4:5

Shukulu Kalunga wendekele ngwendi, “Ya ukalinge ngacije cikapwe vukaleo kuli vaIsalele ngeci Shukulu Kalunga, Njambi ya vakukulwila vavo, ikeye Njambi ya Avilahama, na Isake, na Yakomba, nalisholwele kuli yove.”

Njelemiya 24:7

Co njikavana mbunge yakuzivuka ngeci yange njapwa Kalunga. Asinoni vakapwa vanu vange, co yange njikapwa Njambi yavo, omwo vakelukila kuli yange na mbunge yavo yoshe.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:38

Co vakapwa vanu vange, nange lalo njikapwa Njambi yavo.

Ezekiyele 11:20

Asinoni vakanyunga mashiko ange, nakwononoka vilongesa vyange vyoshe. Vakapwa vanu vange, nange njikapwa Njambi yavo.

Zakaliya 8:8

njikavatundisa mu ngangela na mu kangombe ka yambi ngeci vakukale mu Yelusalema. Vakevo vakapwa vanu vange, nange lalo njikapwa Njambi yavo, njikavashwana na kulongwa na vushunga.

Mateo 17:6

Omo vandongisi vazivile lijwi, vazivile lyova manene, co vavulumanene.

Mateo 22:32

‘Yange Njambi ya Avilahama na Njambi ya Isake na Njambi ya Yakomba.’ Ikeye wapwa Njambi wa vaka-kuyoya, kesi wa vaka-kutsa embwe.”

Mako 12:26

Co, ngwe akusanguka kwa vatsi, kuma kumwalavele mu Livulu lya Mosesa alije liputa lyakele nakwenya ndi? Vanasoneka ngwavo Njambi wendekele kuli Mosesa ngwendi, ‘Yange Njambi ya Avilahama, Njambi ya Isake na Njambi Yakomba.’

Luka 20:37

Mosesa naana vukaleo ngeci vatsi vakasanguka. Mu muzimbu wa liputa lyakele nakwenya Mosesa alinakwendeka ali Shukulu Kalunga ngeci ikeye ‘Njambi ya Avilahama, Njambi ya Isake, na Njambi ya Yakomba.’

Luka 5:8

Omo Simoni Petulu wamwene vije vyalingiwile, watsikamene a mavuli ku mesho a Yesu wendekele ngwendi, “Mwene tunda kuli yange, omwo yange nji muka-vuvi!”

Vilinga vya Miluwa 7:32

‘Yange Njambi ya vakukulwila vove, Njambi ya Avilahama na Isake na Yakomba.’ Co Mosesa wajajele nakuziva lyova, co kakengeleko lalo.

Vilinga vya Miluwa 7:34

Njinamono kayando kakama ka vanu vange mu Ingito. Co njinazivi kukemanga kwavo, co njinaija nakuvamena. Co ija ololo, njikakutume ku Ingito.’

Kwituluka mu Mashiko 6:3

Ngecivene, tolilileni, yeni vanu va Isalele, ononokeni nakuwanyunga mwamuvwa. Co mukatuma manene ngwe muje Shukulu Kalunga Njambi ya vakukulwila veni mwamikulaesele mu lifuti lije lyalivwa nevi vyakujenekamo vyai.

VaHevelu 11:16

Oloni vakele na sholovya ya lifuti lyalivwa, lifuti lya mwilu. Ngecivene, Njambi kesi na shwamwa omo vamutumbula ngwavo ikeye Njambi yavo, omwo navavwaesela nganda yavo.

VaHevelu 12:21

Vije vamwene vyavazivisile lyova lyakukomokesa manene ngeci Mosesa wendekele ngwendi, “Yange njilinakujaja na lyova!”

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Maako 13:22

Co Manowa wendekele kuli munakazi wendi ngwendi, “Mwa vushunga vene tutsa, omwo tunamono Njambi!”