Kutuuka 3:4 - Livulu lya Shukulu Kalunga

⁴ Co omo Shukulu Kalunga wamwene Mosesa nashwenye kuyehi nakumona, wamusanene mukati ka liputa ngwendi, “Mosesa! Mosesa!” Co Mosesa wakumbulwile ngwendi, “Ewa, yange uno Shukulu.”

Kutuuka 3:4 Iomraidhean Croise

Kushangumuka 22:1

Munima ya vyuma evi, Njambi wesekele Avilahama. Wamusanene ngwendi, “Avilahama!” Co Avilahama wamukumbulwile ngwendi, “Ewa, yange uno Shukulu!”

Kushangumuka 22:11

Oloni kangelo ka Shukulu Kalunga wamusanene oku ali mwilu ngwendi, “Avilahama, Avilahama!” Avilahama wakumbulwile ngwendi, “Ewa, yange uno Shukulu.”

Kushangumuka 28:16

Asinoni Yakomba wakasumukile ku tulo, wendekele ngwendi, “Mwa vushunga Shukulu Kalunga ali kuno! Ikeye ali mu mutambela uno vene, oloni yange kunjazivukile!”

Kushangumuka 46:2

Njambi wendekele nendi ku vutsiki mu cimona wamusanene ngwendi, “Yakomba, Yakomba!” Co wakumbulwile ngwendi, “Ewa, yange uno Shukulu.”

Myaso 62:11

Visimbu vyavingi njinazivi Njambi endeka ngwendi, “Nzili yakundama kuli yange,

Kutuuka 19:3

Co Mosesa walamatele a munkinda nakuliwana na Njambi. Shukulu Kalunga wamusanene oku ali a munkinda wamulekele akendeke kuli vaIsalele, vatekulwila va Yakomba ngwendi,

Kutuuka 3:2

Kangelo ka Shukulu Kalunga washolokele kuli ikeye mu cifwa ca mulangi wa tuhya uje washolokele mukati ka liputa. Co Mosesa wamwene liputa lilinakushukuma, oloni kulyenyele.

Kutuuka 33:12

Mosesa wendekele kuli Shukulu Kalunga ngwendi, “Mwa vushunga vene yove wanjilekele kutwamenena vanu ava nakuvatwala ku lifuti lije, oloni kuwanjilekele iya umo wasa kutuma amo nange. Yove wendekele kuli yange ngwove unjizivuka mwamuvwa, co muli yange ulinakuvwaelela.

Kutuuka 4:5

Shukulu Kalunga wendekele ngwendi, “Ya ukalinge ngacije cikapwe vukaleo kuli vaIsalele ngeci Shukulu Kalunga, Njambi ya vakukulwila vavo, ikeye Njambi ya Avilahama, na Isake, na Yakomba, nalisholwele kuli yove.”

VaLevi 1:1

Shukulu Kalunga wasanene Mosesa nakwendeka nendi oku ali mu Mbalaka Mwakuliwanena ngwendi,

Vilinga vya Miluwa 10:13

Co lijwi lyendekele kuli ikeye ngwalyo, “Katuka, Petulu, tsiya ava tusitu ulye!”

Vilinga vya Miluwa 10:3

Yapwile ola yamucitatu ku cingwezi omo wamwene mwamuvwa cimona muje mwamwene kangelo ka Njambi wezile kuli ikeye nakwendeka ngwendi, “Konelyasi!”

Vilinga vya Miluwa 9:4

Co wawililile asi wazivile lijwi lyendekele kuli ikeye ngwalyo, “Saulu, Saulu! Vika ulinakunjiyandesela?”

Kwituluka mu Mashiko 33:16

Lifuti lyavo likashule na vyuma vyoshe vije vyavivwa, na vivezikiso vyavivwa vya Shukulu Kalunga uje wendekele mu liputa lyakushukuma, Vivezikiso viije ku muyati wa Yosefa, omwo wapwile ntwama akati ka vandolome vendi.

1 Samwele 3:10

Co Shukulu Kalunga wezile nakwimana kuje, wamusanene ngwe mwalingile akulivanga ngwendi, “Samwele! Samwele!” Samwele wamukumbulwile ngwendi, “Endeka, ngamba yove alinakukutolilila.”

1 Samwele 3:4

Asinoni Shukulu Kalunga wasanene Samwele. Co watavele ngwendi, “Ewa mwane!”

1 Samwele 3:6

Co Shukulu Kalunga wasanene Samwele lwamucivali lalo, Samwele wendukile, waile kuli Eli, nakwendeka ngwendi, “Yange uno omwo unanjisana.” Oloni Eli wamukumbulwile ngwendi, “Kunjakusanene munange, ya ukalale.”

1 Samwele 3:8

Shukulu Kalunga wasanene lalo Samwele simbu yamucitatu, Samwele wendukile, waile kuli Eli, wendekele ngwendi, “Yange uno omwo unanjisana.” Co Eli wanangukile ngwendi kuma Shukulu Kalunga ikeye nakala nakusana-sana mukwenje.