Kutuuka 3:16 - Livulu lya Shukulu Kalunga

¹⁶ Ya ukakungulwile amo vantwama va Isalele voshe ukavaleke ngwove, ‘Shukulu Kalunga, Njambi ya vakukulwila veni, Njambi ya Avilahama, na Isake, na Yakomba, nalisholwele kuli yange. Valeke ngwove Njambi nakenge ali yeni, co namono vika vaka-Ingito valinakumilinga.

Kutuuka 3:16 Iomraidhean Croise

Myaso 8:4

mwa vushunga munu kesi na seo ngeci yove umunyunge.

Kutuuka 4:31

Co vanu vakulaelele, omo vazivile ngeci Shukulu Kalunga nezile kuli vakevo nakumona tuyando twavo muvalina kuvapangesela na muuka, co vatsikamene a mavuli nakulemesa.

Kutuuka 4:29

Ngecivene, Mosesa na Alone vaile ku Ingito vakungulwile vantwama voshe va vaIsalele.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Vilinga vya Miluwa 15:14

Simoni ololo natulumbunwina vati Njambi akulivanga wezile nakusholola cizemo cendi kuli vaje kesi vaYunda mukwangulao vamo akati kavo ngeci vapwe vanu vendi.

1 Petulu 5:1

Yange, akupwako nange lalo nji mukulunu, njilambelela vakulunu va cikungulukilo akati keni. Njinapu nji mukaleo wa tuyando twa Kilistu, co nange njikatambula mutambela wa vumpau vuje vukasholoka. Njimilambelela ngwange,

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

Vilinga vya Miluwa 20:17

Omo Paulu wakele mu Miletu watumine lijwi ku Efeso lyakusana vakulunu va cikungulukilo ngeci valiwane nendi.

Vilinga vya Miluwa 11:30

Co valingile cuma eci, vaanene vimbongo kuli Mbanambase na Saulu ngeci vavitwale kuli vakulunu va cikungulukilo.

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”

Luka 1:68

“Tushangazaleni Shukulu Kalunga Njambi ya Isalele! Naija nakukwasa vanu vendi nakuvapatula.

Mateo 26:3

Asinoni vakulunu va vaka-kukombelela na vakulunu va vaYunda valikungulwile amo mu lipela lya Kayafase Muka-kukombelelela Wakama.

Lute 1:6

A simbu imo, omo Naumi wazivile ngeci Shukulu Kalunga navezikisa vanu vendi nakuvana vimbuto vyavivwa, walivwaeselele kutunda mu lifuti lya Mowavi amo na vainamweno.

Kutuuka 13:19

Mosesa wambatele muvila wa Yosefa, ngwe Yosefa wavasingisile cisingo ca cikulaeso ngeci vakacilinge, omwo ikeye wendekele ngwendi, “Omo Njambi akamipatula, mwapande kwambata muvila wange nakuutundisa ku mutambela uno.”

Kutuuka 4:5

Shukulu Kalunga wendekele ngwendi, “Ya ukalinge ngacije cikapwe vukaleo kuli vaIsalele ngeci Shukulu Kalunga, Njambi ya vakukulwila vavo, ikeye Njambi ya Avilahama, na Isake, na Yakomba, nalisholwele kuli yove.”

Kutuuka 2:25

Ngecivene, Njambi wamwene vundungo vwa vaIsalele, co wavazivilile mema ku mbunge.

Kutuuka 24:11

Njambi kavulumwine vaje vantwama va vanu va Isalele, co vakevo vamwene Njambi, asinoni valile nakunwa amo.

Kutuuka 18:12

Asinoni Yetolo ishemweno ya Mosesa walambwile mulambu wa kwenyeka woshe wamutunu kuli Njambi amo na vin̄ombelo vikwavo. Asinoni Alone na vantwama voshe va Isalele valile amo nendi vyakulya vyakujela ku mesho a Njambi.

Kutuuka 15:14

Miyati ya vanu vaje vazivileko vajajele omwo lyova, vaFilisitiya vavupukile na lyova lyakukomokesa.

Kutuuka 3:2

Kangelo ka Shukulu Kalunga washolokele kuli ikeye mu cifwa ca mulangi wa tuhya uje washolokele mukati ka liputa. Co Mosesa wamwene liputa lilinakushukuma, oloni kulyenyele.

Kushangumuka 21:1

Shukulu Kalunga wavezikisile Sala ngwe muje mwamukulaesele,

Kushangumuka 1:7

Ngecivene, Njambi watangele mukambwila nakwangununa mema akwisi yawo na mema aakamwa yawo.

Kushangumuka 28:13

Asinoni Yakomba wamwene Shukulu Kalunga nemana kuyehi nendi, co wendekele ngwendi, “Yange njapwa Kalunga, Njambi ya Avilahama na Isake. Njikana kuli yove na kuli vatekulwila vove lifuti eli muunalala.

Kushangumuka 48:15

Asinoni Yakomba wavezikisile Yosefa ngwendi, “Njambi, ou ivapangelele vatate Avilahama na Isake, avezikise vakwenje ava! Njambi, ou wanjitwamenenene kweta ku lelo lino, avavezikise!

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Kutuuka 4:1

Asinoni Mosesa wakumbulwile Shukulu Kalunga ngwendi, “Kenga, vaIsalele kuvakanjikulaela nambe kutolilila ku lijwi lyange omwo vakendeka ngwavo, ‘Shukulu Kalunga kalisholwele kuli yove’ ”

Kutuuka 17:5

Co Shukulu Kalunga wendekele kuli Mosesa ngwendi, “Ya na vantwama vamo va Isalele, twama kulutwe lwa vanu, ambata mulamu wove uje wapupisile a Nailo.

Myaso 33:18

Shukulu Kalunga akenga ali vaje vamukomoka, na ali vaje vakulaela a cizemo cendi cije kucesi kutenguluka,

Kutuuka 1:8

Asinoni mwene wamuhwa, uje kazivukile Yosefa, washwanene mu Ingito.

Myaso 102:21

Vakambulula lizina lya Shukulu Kalunga mu Siyone, co vakamushangazala lalo mu Yelusalema,