Kutuuka 21:2 - Livulu lya Shukulu Kalunga

² “Nga ulanda ndungo wa kaHevelu, co ikeye akakupangela myaka itanu na umo. Co mu mwaka wamucitanu na ivali, ikeye napande kupatuka kujeneka kufweta cuma cimo.

Kutuuka 21:2 Iomraidhean Croise

Kushangumuka 27:28

Njambi akwane nyonzi yakutunda mwilu, mahya ove apwe a vwilo, akwane vimbuto vyavingi na vinyu!

Kushangumuka 27:36

Co Isau wendekele lalo ngwendi, “Eyi ikeyo simbu yamucivali Yakomba nanjikwisa. Kunjasa kukomoka omo lizina lyendi lyapwa Yakomba. Ikeye wanjitambwile moko ya vu ntwatwa vwange, co ololo lalo nanjitambula civezikiso cange. Kuma yange kuunjivezikisa lalo civezikiso cimo ndi?”

2 Vimyene 4:1

Fwile wa munakazi wa mu munga ya vaka-kwimanena waile kuli Elisha wendekele ngwendi, “Mwane, munalume wange natsi! Ngwe muwazivukila ikeye wapwile munalume muka-kukomoka Njambi, oloni munalume uje yatambwile vimbongo vyendi naija, co ashaka kwambata vana vange vavali va vanalume ngeci akavapwise vindungo ku likongo lije lyatambwile munalume wange kuli ikeye.”

Nehemiya 5:8

co njendekele ngwange, “Akweseka kwetu twakulile vandolome vetu vaYunda, vaje valilandesele vakevo vavenya ku vaka-kwija. Co ololo mulinakusindiya vandolome veni kulilandesa vakevo vavenya kuli yeni vakwavo vaYunda!” Co vantwama volokele kuluu, kuvawanene lijwi lyakukumbulula.

Kutuuka 12:44

oloni ndungo asa kulyako nga akulivanga munamutuula.

Kutuuka 21:3

Co nga ikeye kambatele omo wamulandele, co kapandele kuya na munakazi omo aya, oloni nga ikeye wezile na munakazi, co napande kuya amo nendi.

Kutuuka 21:7

“Oloni nga munu alandesa munendi wa munakazi ngeci akapwe ndungo, co shukulu yendi kapandele kumweca ngoco embwe, ngwe muvakalingilamo vindungo va vanalume.

Kutuuka 22:3

Oloni nga cilingiwa a simbu ya mutanya, co uje namutsii ali na mulonga wa monde. “Co mwizi napande kufweta vije vyanevile. Nga kesi navyo, co vakamulandese ngwe ndungo nakufweta vije nevile.

VaLevi 25:54

Oloni nga ikeye kuvamukulile, co ikeye na vana vendi vanapande kupatuka ku Mwaka Wakuliilwisila.

Mateo 18:25

Ngamba uje kafwetele likongo lyendi, ngecivene, mwene washikile ngeci vamulandese apwe ndungo, na munakazi wendi na vana vendi, na vyuma vyoshe vije vyakele navyo, ngeci afwete makongo endi.

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

Kwituluka mu Mashiko 15:1

“Kukuhwa kwa mwaka na mwaka wamucitanu na ivali mukasambesa makongo a vaje vakumwine vimbongo vyeni.

Kwituluka mu Mashiko 15:18

Kesi mukalinyenge omo mwecela vindungo veni ngoco, omwo vanamipangela myaka itanu na umo ngwe ku litambelo lya fweto ya ngamba wakupangesa. Mukalinga eci ngeci Shukulu Kalunga Njambi yeni akamivezikise mu vyoshe vije vimukalinga.

Kwituluka mu Mashiko 31:10

Co Mosesa wavalekele ngwendi, “Kukuhwa kwa mwaka na mwaka wamucitanu na ivali, a mwaka wakwecela makongo, mukalava mashiko awa a Ciwano ca Mapapela.