Kutuuka 20:3 - Livulu lya Shukulu Kalunga

³ “Kesi mulemese njambi weka kuvanga yange lika.

Kutuuka 20:3 Iomraidhean Croise

1 Vimyene 11:4

omo Solomoni wakuluvalele, vanakazi vendi vatangwile mbunge yendi mukukava vinjambi veka nakuvalemesa. Kapwile lalo wa kulongwa kuli Shukulu Kalunga Njambi yendi, ngwe mwalingile ishe Ndaviti.

Myaso 29:2

Shangazaleni lizina lya vumpau lya Shukulu Kalunga, shangazaleni Shukulu Kalunga na vuzalo vwakumulemesa navwo.

Myaso 73:25

Iyajo lalo injilinendi mwilu kutuvakana yove? Kukwesi weka injishaka ano asi kuvanga yove lika.

Myaso 81:10

Yange Kalunga, Njambi yeni, uje wamitundisile mu lifuti lya Ingito. Njilombeni, co njikamyana vyoshe vije munajeneka.

Myaso 81:9

Yeni kumwapandele kukala na njambi weka, nambe kulemesa njambi weka embwe.

Kutuuka 15:11

“Yove Shukulu Kalunga, iyajo nalifu nove akati ka vinjambi? Iyajo nalifu nove, wakukomokesa kukujela? Iyajo asa kupanga vikomokeso na vilinga vya nzili ngwe yove?

Kutuuka 20:23

Kesi mulipangele vinjambi va siliva nambe va ngolinde ngeci muvalemese muvapandakane kuli yange embwe.

Kutuuka 22:19

“Munu woshe uje akalala na kasitu vanapande kumutsiya.

Kutuuka 23:24

Kesi mukatsikamene vinjambi vavo nakuvalemesa, co kesi mutembunwine futisi yavo yakulemesa. Nyongeseni vinjambi vavo nakusiwula mamanya a vimanda vyavo vyakulemesela.

Kutuuka 32:8

Lajoko vanaseza ngila ije njavashikile kuyikava, vakevo vanamungu ngolinde kuyipwisa muna ngombe wa nkomba, co ikeye valinakulemesa nakukombelelako vin̄ombelo. Co valinakwendeka ngwavo ikeye njambi yavo, uje wavatwamenenene nakuvatundisa mu Ingito.

Kutuuka 34:14

“Ngecivene, kesi mukalemese njambi weka lalo, omwo yange Kalunga, njapwa Njambi wa lifuwa.

Isaya 26:4

Kulaela kuli Shukulu Kalunga myaka yoshe, akatunyunga simbu yoshe.

Isaya 42:8

“Yange lika Kalunga Njambi yeni. Kukwesi njambi weka lalo injikana vumpau vwange, nambe kutavesa vishangazala vyange kuvyana ku tumponya.

Isaya 43:10

“Vanu va Isalele, yeni munapu mu vakaleo vange, njakwangwile kupwa ngamba yange, njishaka ngeci unjizivuke nakunjikulaela, nakuzivisisa ngeci yange lika njapwa nji Njambi. Kukwesi weka lalo njambi, kukwakele njambi weka lalo wai, co kakakalako lalo.

Isaya 44:8

Kesi muzive lyova vanu vange! Mwazivuka ngeci kutunda ku san̄ulu, nakweta ku visimbu vino vya ololo, njinendeka vyoshe vije vikalingiwa, co yeni munapu mu vakaleo vange! Kuma kuli njambi weka lalo ndi? Kuma kuli njambi weka lalo muka-nzili, uje kanda njizive ndi?”

Isaya 46:9

Anukeni vije vyalingiwile ku san̄ulu, taveni ngweni yange lika nji Njambi, co kukwesi weka lalo wakulifwa nange wai.

Njelemiya 25:6

Vamilekele ngeci kesi mulemese nakupangela vinjambi vangoco, co kesi muluvalese Shukulu Kalunga akulemesa tumponya tuje tumunashongo. Nga mwononokele Shukulu Kalunga, nga kaminyanyamesele embwe.

Njelemiya 35:15

Njinakala nakutuma vangamba vange voshe vaka-kwimanena, kuli yeni vamileke kwecela vingila vyeni vyavivi, ngeci mulinge vyavivwa. Vaminangwile ngeci kesi mulemese nameme kupangela vinjambi veka, ngeci muyoye mwamuvwa mu lifuti lije linjanene kuli yeni na kuli vakukulwila veni. Oloni yeni kumwanjitolililile, nameme kumbako mbunge.

Njelemiya 7:9

Mulinakwiva, mulinakutsiya, mulinakulinga vupangala, mulinakulisinga vya makuli, co mulinakukombelela kuli Mbale, nakulemesa vinjambi vaje kumwazivukile akulivanga.

Ndanyele 3:18

Oloni nga ikeye kasa, co yove shukulu zivuka ngwove mwa vushunga yetu kutwasa kulemesa njambi yove, co lalo kutwasa kukulama nakulemesa kamponya ka ngolinde kaje kaunemika.”

Hoziya 13:4

Shukulu Kalunga alinakwendeka ngwendi, “Yange Kalunga Njambi yeni, uje wamitundisile mu Ingito. Kesi mukakale lalo na Njambi weka kuvanga ange lika. Yange lika njapwa muyoyesi weni.

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

1 Kolinte 8:4

Ngecivene, a vyakulya vyakukombelela ku tumponya, twazivuka ngwetu kamponya, co twazivuka lika ngwetu kwali Njambi umolika.

1 Kolinte 8:6

oloni kuli yetu kwali Njambi umolika, Tatetu, ikeye Ishamatanga wa vyuma vyoshe, muli ikeye mukemwo mutuli nakuyoyela, co kuli Mwene umolika, Yesu Kilistu, muli ikeye vyuma vyoshe vavitangele, co muli ikeye mukemwo mutuli nakuyoyela.

Efeso 5:5

Mwa vushunga, naumo wai muka-vupangala, nambe muka-mazilo, nambe muka-cipululu, (omwo cipululu citwala kukulemesa tumponya) kesi na mutambela mu Vumwene vwa Kilistu na Njambi.

Kwituluka mu Mashiko 5:7

“ ‘Kesi mukalemese njambi weka kuvanga yange lika.

Kwituluka mu Mashiko 6:14

Kesi mukalemese vinjambi veka lalo embwe, nambe vinjambi va miyati ya vaje vakamizengeleka.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

Kolose 2:18

Kesi mutave vamihise kuli umo uje alisholola ikeye vavenya kupwa wakama omwo a vimona vimo vije endeka akulilumbilisa kwa makuli nakulemesa tungelo. Omwo vanu va cifwa cangacije vakalyalesa na viyongola vyavo vya vunu,

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.

Kujombolola 22:9

Oloni ikeye wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni vaka-kwimanena na voshe vaje vononoka majwi a mu livulu eli. Lemesa Njambi!”

Maako 6:10

Co njamilekele ngwange yange njapwa Kalunga Njambi yeni, kumwapandele kulemesa vinjambi va vaAmoli, vaka-lifuti lije mulinakuyoyelamo. Oloni kumwanjitolilile.”