Kutuuka 2:2 - Livulu lya Shukulu Kalunga

² Co uje munakazi wakele na kafumba, wakitile mwana wa munalume. Omo wamwene vuvwa vwa uje mbututu, co wamushwekele vingonde vitatu.

Kutuuka 2:2 Iomraidhean Croise

2 Vimyene 11:3

Njehoshemba walelele uje mwanike myaka itanu na umo, wamushwekele nakumunyungila mu Njuvo ya Shukulu Kalunga, a simbu ije omo Ataliya wapwile vamwene.

Myaso 112:5

Navezika munu uje ali na ngozi, munu uje akumwisa vyendi kuli vakwavo, uje apanga na vushunga mu vipangi vyendi vyakulanda nakulandulula.

Kutuuka 6:20

Amelame wambatele vaten̄azi yendi Njokevende, uje wakitile Alone, na Mosesa, co Amelame wayoyele myaka 137.

Kulava 26:59

Lizina lya munakazi wa Amelame lyapwile Njokevende, mutekulwila wa Levi, uje wasemukile kuli Levi mu Ingito. Kuli Amelame wakitilileko Alone na Mosesa na ndokazi yavo Milyamu.

Vilinga vya Miluwa 7:20

A simbu eyi vene Mosesa wasemukile, wapwile mwanike wamuvwa manene. Co vamulelele mu njuvo vingonde vitatu,

Kwituluka mu Mashiko 33:16

Lifuti lyavo likashule na vyuma vyoshe vije vyavivwa, na vivezikiso vyavivwa vya Shukulu Kalunga uje wendekele mu liputa lyakushukuma, Vivezikiso viije ku muyati wa Yosefa, omwo wapwile ntwama akati ka vandolome vendi.

VaHevelu 11:23

Akukulaela, visemi va Mosesa vamushwekele vingonde vitatu kutunda akusemuka kwendi. Vamwene ngeci wapwile mwanike wamuvwa manene, co kuvazivile lyova, valeulwile mashiko a mwene.

1 Samwele 16:12

Ngecivene, Njesi watumineko munu kukamushaka. Ikeye wapwile wamuvwa, mukwenje wakuvenga, mesho endi apwile amavwa. Co Shukulu Kalunga wendekele kuli Samwele ngwendi, “Katuka umuvwavese mazi, omwo ikeye vene ou!”