Kutuuka 16:3 - Livulu lya Shukulu Kalunga

³ co vendekele kuli vakevo ngwavo, “Nga Shukulu Kalunga watutsiilile mu Ingito na livoko lyendi! Kuje twatumbamene ku vindeo vya situ nakulya vyakulya vyakukuta ngwe mutunashakela. Oloni yeni munatunene muno mu mambo mukututsisa ku njala, yetu voshe.”

Kutuuka 16:3 Iomraidhean Croise

2 Samwele 18:33

Co mwene wakele na vusiwa manene. Walondele ku mulili wa akamwa ya cikolo, co walilile. Waile nakulila, nakutambekela ngwendi, “Kekange munange! Munange Avisalome! Avisalome munange! Cinapandele nga yange kunjatsa kwinga mu mwela wove, kekange munange! Avisalome munange!”

Yombi 3:1

Munima yevi Yombi washangumukile kwendeka, co wasingile litangwa lije lyasemukile.

Yombi 3:10

Singa vutsiki vuje vwanjitavele ngeci njisemuke, vutsiki vuje vwajenekele kunjishweka ku tuyando nakukuviilila.

Yombi 3:20

“Omwo vikajo Njambi ecelela vanu kuyoya mu tuyando? Omwo vikajo wana ceke kuli vanu valimukuviilila?

Myaso 107:5

Vazivile njala na lihwila, co vatsile lusike.

Myaso 78:19

Vayeluwisile Njambi nakwendeka ngwavo, “Kuma Njambi asa kutuwanena vyakulya mu mambo ndi?

Myaso 78:25

Ngecivene, valile vyakulya vya tungelo, co Njambi wavanene vyakulya vyoshe vije vivashakele.

Kutuuka 14:11

Co vendekele kuli Mosesa ngwavo, “Kuma kumwesi vimbumbo mu Ingito! Kuma watunene muno mu mambo ngeci twakutsilemo ndi? Kenga oni eci ciwunalingi cakututundisa mu Ingito!

Kutuuka 17:3

Oloni vanu va Isalele vakele na lihwila manene, co anga vatwaleleo kulinyengela kuli Mosesa. Vendekele ngwavo, “Omo vikajo watutundisilile mu Ingito ngeci wakututsise na vana vetu na vimuna vetu ku lihwila?”

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Kutuuka 5:21

Vendekele kuli Mosesa na Alone ngwavo, “Shukulu Kalunga amone vimunalingi, co amihise omwo munatuzindisa kuli mwene na vantwama vendi. Yeni munavana moko yakututsiisa.”

Njelemiya 2:6

Vakukulwila veni kuvanjumbile mbunge, nameme njavamenene kuvatundisa mu Ingito nakuvatwamenena mu mambo, mu lifuti lyakuma na lishen̄avu, lifuti lyakuma lya vushonde muje naumo wai wakelemo, nambe kwendamo.

Njelemiya 42:14

co nga mwendeka ngweni, ‘Embwe, tukaya nakukala mu Ingito, muje kutukamono nzita lalo, nambe kuziva malupembo, nambe makende,’

Njelemiya 44:17

Tukalinga vyuma vyoshe vije twakulaesele ngwetu tukavilinga. Tukakombelela vin̄ombelo kuli njambi yetu wa munakazi, Lishano lya Mwilu, co tuketila vin̄ombelo vya vinyu kuli ikeye, ngwe yetu na vakukulwila vetu, na vimyene vetu, na vantwama vetu, valingile mu vinganda vya mu Yunda na mu vitapalo vya mu Yelusalema. Twakele na vyakulya vyavingi, co twakele mwamuvwa na vukalu vwai.

Mbimbi 4:9

Vaje vatsililile mu nzita vatsile mwamuvwa kutuvakana vaje vanatsi kukotokela, vaje valandukile ku njala noo vatsile omwo vajenekele vyakulya vyakuvayoyesa.

Kulava 11:15

Nga unjipangesa na cifwa cangacije, nga omu mukemwo muunjipangesela, omwo vikajo kuunjitsiila cimweja, ngeci kesi njimone tuyando?”

Kulava 11:20

oloni mukailya ngonde yoshe yamutunu, noo mukayenukwa. Eci cikalingiwa omwo yeni munavyana Shukulu Kalunga ou ali akati keni, co munalinyenyetelele kuli ikeye ngweni omwo vikajo twatundilile mu Ingito!’ ”

Kulava 14:2

Co valinyenyetelele kuli Mosesa na Alone. Asinoni mbunga yoshe vendekele ngwavo, “Tawe! Nga capwile mwamuvwa manene kutsila mu Ingito nambe ngano muno mu mambo!

Kulava 14:3

Omwo vikajo Shukulu Kalunga natunenela muno mu lifuti ngeci tutse ku nzita? Vanakazi vetu na vana vetu vakavafungulula. Kuma kutwasa kwiluka ku Ingito ndi?”

Kulava 16:13

Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi?

Kulava 16:41

Alikaki mbunga yoshe ya vanu va Isalele valinyenyetelele kuli Mosesa na Alone vendekele ngwavo, “Yeni munatsii vanu va Shukulu Kalunga.”

Kulava 21:5

co valinyenyetele nakutengulukila Njambi na Mosesa ngwavo, “Vikajo mwatutundisilile mu Ingito ngeci tutsile muno mu mambo? Omwo muno kumwesi vyakulya nambe mema ayi. Yetu tunenukwa na vyakulya vy acifwa cangacije!”

Vilinga vya Miluwa 26:29

Co Paulu wakumbulwile ngwendi, “Nambe mu simbu yaindondo nambe mu simbu yakama, lilombelo lyange kuli Njambi linapu ngeci yove neni voshe mulinakunjitolilila litangwa lya lelo mupwe ngwe yange, oloni kesi na malyenge awa embwe!”

1 Kolinte 4:8

Muli na vyuma vyoshe vimushaka ndi? Munafuku laja ndi? Munapu mu vimyene nameme yetu kanda tufwemo ndi? Oloni njashakele ngeci mupwe mu vimyene, ngeci netu tupwe tu vimyene amo neni.

2 Kolinte 11:1

Nga mwasa kunjitolilila, nambe omo njilinga ngwe nji cilema kamandondo. Mukemwo vene njitolilileni!

Kwituluka mu Mashiko 28:67

Vimbunge vyeni vikezoka na lyova lya vyuma vyoshe vije vikalingiwa nevi vimukamona. Co simbu ya mutondo mukashaka ngeci kuyapwa cingwezi, co simbu ya cingwezi mukashaka ngeci kuyapwa mutondo.

Kwituluka mu Mashiko 8:3

Co ikeye wamyononwesele nakumikesa na njala, asinoni wamilisile vyakulya vya maana, vyakulya vije yeni kumwazivukile nambe vakukulwila veni kuvavizivukile mukumilongesa ngeci munu kasa kuyoya na likende lika, oloni kuvanga kukulaela nakwononoka majwi oshe aje endeka Shukulu Kalunga.

Yoshwa 7:7

Asinoni Yoshwa wendekele ngwendi, “Tawe! Shukulu Kalunga Njambi! Omwo vikajo watujavwisilile Yondau nakutukundika ku mavoko a vaAmoli ngeci vatunyongese? Kuma mwamuvwa vene nga twakele musambwa lije lya Yondau!