Kutuuka 15:2 - Livulu lya Shukulu Kalunga

² Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Kutuuka 15:2 Iomraidhean Croise

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 49:18

“Njavandamena kwamena kwove, yove Shukulu Kalunga.

2 Samwele 22:3

Njambi yange ikeye wapwa cishwamo cange, muli ikeye mukemwo munjitewela. Ikeye wapwa ntelo yange, muka-kunjamena nakunjinyunga mwamuvwa. Ikeye muyoyesi wange, ikeye muka-kunjinyunga nakunjamena, ku vukalu vwoshe.

2 Samwele 22:47

Shukulu Kalunga wayoya! Shangazaleni muka-kunjilwila! Shangazaleni vukama vwa nzili ya Njambi muka-kunjamena.

2 Samwele 22:51

Njambi akana kuhyana kwakama, kuli mwene uje yalyangwilile, ikeye amwesa cizemo cije kucesi kutenguluka kuli uje yanaangula, kuli Ndaviti na vatekulwila vendi ku myaka yoshe.

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

2 Samwele 7:5

“Ya ukaleke ngamba yange Ndaviti ngwove, Shukulu Kalunga nendeka ngwendi, ‘Kesi yove ukanjitungila njuvo ngeci njikalemo embwe.

1 Vimyene 8:13

Ololo Shukulu njinakutungila Njuvo, mu mwela uje wasa kukala myaka yoshe.”

1 Vimyene 8:27

“Oloni yove Njambi kumani wasa kukala asi ndi? Inonwa mwilu mwoshe kuwasa kufwamo, co vatijo Njuvo eyi njinakutungila ufwamo ndi?

1 Mizimbu 16:14

Shukulu Kalunga ikeye Njambi yetu, akanene vushunga kwoshe-ikwoshe ano a kaye.

Myaso 109:1

Njikushangazala yove Njambi, kesi woloke kuluu.

Myaso 118:14

Shukulu Kalunga ikeye muka-kunjikanyamesa, nakunjana nzili, ikeye napu muyoyesi wange!

Myaso 118:21

Njikushangazala yove Shukulu Kalunga, omwo wakumbulwile malombelo ange, co unapu muyoyesi wange.

Myaso 118:28

Yove wapwa u Njambi yange, njikakukandelela, co njambulula vukama vwove.

Myaso 132:5

kuvanga noo njinawanena mwela Shukulu Kalunga, limbo lya Njambi ya Yakomba Muka-nzili yoshe.”

Myaso 140:7

Yove Shukulu Kalunga Njambi yange wa Akamwa ya Vyoshe, yove muka-kunjamena mu nzita.

Myaso 145:1

Njikakwalesa Njambi yange na mwene yange, njikashangazala lizina lyove ku myaka yoshe.

Myaso 18:46

Shukulu Kalunga wayoya! Shangazaleni muka-kunjilwila! Ambululeni vukama vwa Njambi muka-kunjamena.

Myaso 22:10

Yove wanjinyungile tunde aje njasemukilile. Yove wapwa u Njambi yange.

Myaso 22:3

Oloni yove vanakutumbika a litanda kupwa Umo Wakujela, yove uje ivakashangazala vaIsalele.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 28:8

Shukulu Kalunga akanyungu vanu vendi, ikeye akamena nakwovola mwene uje yanavwavesa.

Myaso 30:1

Njikushangazala yove Shukulu Kalunga, omwo unanjamena, co kuwakengelelele vitozi vange ngeci valyalesele ali yange embwe.

Myaso 34:3

Tsimaneseni vukama vwa Shukulu Kalunga amo nange, tushangazaleni lizina lyendi!

Myaso 48:14

“Ou Njambi wapwa Njambi yetu ku myaka yoshe, akatutwamenena ku visimbu vyoshe.”

Myaso 59:17

Yove muka-kunjamena, njikaimba nakukushangazala, yove Njambi wapwa cimpaka cange, Njambi uje anjimwesa cizemo cije kucesi kutenguluka.

Myaso 68:20

Njambi yetu wapwa Njambi muka-kutwamena, ikeye wapwa Njambi, Shukulu Kalunga uje muka-kutupatula ku kutsa.

Myaso 99:5

Shangazaleni Shukulu Kalunga Njambi yetu, mulemeseni a litanda lyendi! Ikeye wapwa wakujela!

Myaso 99:9

Shangazaleni Shukulu Kalunga Njambi yetu, mulemeseni a lilundu lyendi lyakujela! Omwo Shukulu Kalunga Njambi yetu wapwa wakujela!

Kutuuka 14:13

Mosesa wavakumbulwile ngwendi, “Kesi muzive lyova! Simpeni lika, mukamona evi vyakalinga Shukulu Kalunga mukumyamena ku litangwa lya lelo, ava vaka-Ingito kumukasa kuvamona lalo.

Kutuuka 3:6

Co wendekele lalo ngwendi, “Yange Njambi ya vakukulwila vove, Njambi ya Avilahama na Isake na Yakomba.” Co Mosesa wafwikile ku mesho endi omwo wakele na lyova lya kukenga kuli Njambi.

Kutuuka 4:22

Asinoni ukendeka kuli mwene ngwove Shukulu Kalunga nendeka ngwendi, ‘Isalele wapwa munange wa munalume, ikeye ntwatwa yange.

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Kutuuka 6:7

Njikamipwisa vanu vange, co njikapwa Njambi yeni. Asinoni mukazivuka ngeci yange njapwa Kalunga, Njambi yeni uje wamipatwile mu vundungo mu Ingito.

Isaya 12:2

Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 25:1

Yove Shukulu Kalunga, yove wapwa u Njambi yange, njikakulemesa, nakushangazala lizina lyove. Omwo unalingi vyuma vyakukomokesa, a kulongwa kwove unamanesa matumbe awayongwele laja.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 49:6

Shukulu Kalunga wendekele kuli yange ngwendi, “Njili na vipangi vyakama ali yove, ngamba yange. Kesi lika vipangi vyakwilwisa vanu va Isalele vaje vanasalao embwe, oloni njinakwaka ano ngeci upwe ceke ku vaka-mafuti, ngeci vaka-kaye voshe vovoke.”

Isaya 66:1

Shukulu Kalunga alinakwendeka ngwendi, “Lilu lyapwa litanda lyange, co ano asi apwa vulyatelo vwange. Njuvo ya cifwa mukajo mwasa kunjitungila? Mutambela wa cifwa mukajo munjikala yange?

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 32:38

Co vakapwa vanu vange, nange lalo njikapwa Njambi yavo.

Hambakuke 3:13

Waile mukwamena vanu vove, mukwamena mwene uje iwangwile, wawisile ntwama ya vaka-vuvi, co wanyongesele vaka-kumukava vendi voshe njwa.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Luka 1:77

nakuleka vanu vendi ngeci vakavovola, akuvasambesa ku vuvi vwavo.

Luka 2:30

Omwo mesho ange anamono kwamena kwove,

Yowano 4:22

Yeni vaSamaliya kumuzivuka uje imulemesa, oloni yetu vaYunda tuzivuka uje itulemesa, omwo kwamena kwatunda kuli vaYunda.

Yowano 5:23

ngeci voshe vasingimike Mwana ngwe muvakasingimika Ishe. Uje kasingimika Mwana kasingimika Ishe uje wamutumine.

Vilinga vya Miluwa 4:12

Kutwasa kuwana kwovoka muli weka lalo embwe, omwo kukwesi lizina lyeka muno mu kaye lyanaana Njambi ku vanu litunapande kwovokelamo.”

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

Efeso 2:22

Muli ikeye neni lalo valinakumitunga mumo na vakweni veka ngeci mupwe njuvo ya Njambi ali Munzinzime wendi.

Kwituluka mu Mashiko 10:21

Mwaleseni, ikeye wapwa Njambi yeni. Ikeye wamilingilile vikomokeso vyakama vyakujujwisa, vije mwalimwenenene yeni vavenya na mesho eni.

Filipu 2:11

co voshe vakambulula ngwavo Yesu Kilistu ikeye Mwene, ku vumpau vwa Njambi Tatetu.

Filipu 4:13

Njasa kulinga vyuma vyoshe a nzili ije yananjana Kilistu.

Kolose 2:9

Omwo kushula kwa vu Njambi vwoshe vwakala muli Yesu, mu vunu vwendi,

Kujombolola 15:3

co vakele nakwimba mwaso wa Mosesa, ngamba ya Njambi, na mwaso wa Muna Manga ngwavo, “Njambi Muka-nzili yoshe, vilinga vyove vinapu vyakama vyakukomokesa! Mwene wa miyati ya vanu, vilinga vyove vyapwa vyavivwa na vushunga!

Kujombolola 19:1

Munima yevi njazivile cilumo cakufwa ngwe lijwi lya mbunga yakama ya vanu vali mwilu, lyendekele ngwalyo, “Shangazaleni Njambi! Kwamena na vumpau na nzili vyakundama kuli Njambi yetu!

Maako 5:21

Co livazi lya mu Kishone lyavakupwile, ndonga ya ku san̄ulu, Ndonga ya Kishone. Njikenda, nakwenda kutwalao na nzili!