Kutuuka 13:9 - Livulu lya Shukulu Kalunga

⁹ Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili.

Kutuuka 13:9 Iomraidhean Croise

Nehemiya 1:10

“Shukulu Kalunga, ava vakevo vangamba vove, na vanu vove vawapatwile na nzili yove yakama.

Myaso 136:11

Ikeye watundisile vanu va Isalele mu lifuti lya Ingito, omwo cizemo cendi cije kucesi kutenguluka cakala ku myaka yoshe.

Myaso 136:12

Na livoko lyendi lya nzili, omwo cizemo cendi cije kucesi kutenguluka cakala ku myaka yoshe.

Myaso 89:13

Yove u muka-nzili yakukomokesa! Nzili yove yapwa yakama!

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 12:41

Co a litangwa lije vene vamanesele myaka 430, miyati yoshe ya vanu va Shukulu Kalunga vatundile mu Ingito.

Kutuuka 13:14

Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda.

Kutuuka 13:16

Lishiko eli likapwa canukiso, ngwe cuma cakukutiiya a mavoko eni nambe ku maholo lweni, likatwanukisa ngeci Shukulu Kalunga watutundisile mu Ingito na livoko lyendi lya nzili.’ ”

Kutuuka 13:3

Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima.

Kutuuka 3:20

Co njikolola livoko lyange nakupupa Ingito na vikomokeso vyange vyoshe vinjikalinga ali vakevo. Co munima yevi asinoni akamitava muye.

Kutuuka 7:4

Mwene kakakutolilila asinoni njikaka cihiso cakama manene a Ingito, co njikatundisa miyati ya vanu vange mu Ingito.

Visimo 1:9

Omwo vilongesa vyavo vikapwa ngwe kalupusa kakavwa ku mutwe wove nambe ngwe sungu mu mukoshi wove.

Visimo 3:21

Munange, nyunga mana ove nakuzivuka kwove kwakuvwa. Kesi vitunde muli yove.

Visimo 7:23

noo mukili ukamutiva a mbunge, mukwenje nafu ngwe kazila uje atsa mu mweto, kazivukile ngeci mwonyo wendi uli mu vushonde.

Myaso ya Solomoni 8:6

Njake mu mbunge yove ngwe cimweso, ngwe cimweso ca ku livoko lyove. Omwo cizemo cakala na nzili ngwe kutsa, lifuwa lyakala na muuka ngwe vukalo vwa vatsi. Vukalu vwaco vwapwa ngwe milangi ya tuhya twakama.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Isaya 40:10

Kengeni Shukulu Kalunga wa Akamwa ya Vyoshe aija nakushwana na nzili, alinakwija na cikandelela ca vanu vendi.

Isaya 44:5

“Vanu vakendeka kuli umo na mukwavo ngwavo, ‘Nji wa Shukulu Kalunga.’ Vakaija nakulipandakana na vanu va Isalele. Munu na munu akaka cizivukiso ca lizina lya Shukulu Kalunga a livoko lyendi, nakulitumbula ikeye vavenya kupwa umo wa vanu va Njambi.”

Isaya 49:16

Yelusalema, kunjasa kukwivala embwe! Njinasoneka lizina lyove mu mbanda ya livoko lyange.

Isaya 51:9

Induka, Shukulu Kalunga nakutukwasa! Pangesa nzili yove nakutwamena, ipangese ngwe muwaipangesele ku visimbu vya ku san̄ulu. Yove wapunzwile cikashama Lahave wa mu mema a kalunga vipuka-vipuka.

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Njelemiya 22:24

Shukulu Kalunga wendekele kuli Mwene Yehoyakine, muna Mwene Yehoyakime wa mu Yunda ngwendi, “Mwa vushunga yange njapwa Njambi wakuyoya, nameme nga wapwile kanzeya ka ku livoko lyange lya cilyo nga njakushomonako,

Ndanyele 9:15

“Yove Shukulu Kalunga Njambi yetu, wamwesele nzili yove akutundisa vanu vove mu lifuti lya Ingito, co na ololo tucili nakwanuka nzili yove. Tunalingi vuvi, co tunaviisa.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Kulava 15:39

Vinzombo evi vikevyo vikamyanukisa mashiko ange oshe, co mukawononoka, kumukatengulukila lalo kweka kutunda kuli yange nakukava vizango vyeni na mashungu eni.

Mateo 23:5

Vakevo vakalingi vyuma vyoshe ngeci vanu vavamone. Kengeni mikanda ije ili na visoneka ije vakakutiiya ku maolo avo na a mavoko avo, kengeni vukama vwavyo! Kengeni lalo kulaa kwa tundombe twa vuzalo vwavo!

Loma 10:8

Oloni evi vilinakwendeka ngeci, “Lijwi lya Njambi lili kuyehi nove, lili ku kanwa kove na mu mbunge yove” likelyo lijwi lyakukulaela lije tulinakwambulula.

Kwituluka mu Mashiko 30:14

Oloni lishiko lili muyehi neni. Lili akati keni na mu vimbunge vyeni, ngeci mwase kulyononoka.

Kwituluka mu Mashiko 5:15

Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.

Kwituluka mu Mashiko 6:21

Co mukavaleka ngweni, ‘Omwo twapwile tu vindungo kuli mwene wa Ingito, co Shukulu Kalunga watutundisile mu Ingito na livoko lyendi lya nzili.

Kwituluka mu Mashiko 6:6

Kesi mwivale mashiko awa njilinakumyana ku litangwa lya lelo.

Kwituluka mu Mashiko 6:8

Akutiiyeni a mavoko eni kupwa canukiso, nakuwazala a maholo eni.

Kujombolola 18:8

Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”

Maako 2:12

Co vasezele kulemesa Shukulu Kalunga, Njambi ya vakukulwila vavo, Njambi uje wavatundisile mu Ingito, co vashangumukile kulemesa vinjambi veka, vinjambi va vaje vanu vavazengelekele. Co vatsikamenene vaje vinjambi nakuvalemesa, ngeci vashangumwine vukalu vwa Shukulu Kalunga.