Kutuuka 12:3 - Livulu lya Shukulu Kalunga

³ Lekeni mbunga yoshe ya Isalele ngeci a litangwa lyamulikumi ku ngonde eyi, munu na munu akaangule muna manga nambe muna membe ngwe ku naanga yendi.

Kutuuka 12:3 Iomraidhean Croise

Kushangumuka 22:8

Avilahama wamukumbulwile ngwendi, “Njambi ikeye vavenya akaliwanena manga wa n̄ombelo ya kwenyeka munange.” Co muvuvali vwavo vaile amolika.

Kushangumuka 4:4

Avele watwalele muna manga wa ntwatwa wa ku vimanga vendi, wamutsiile, waangwileo vilyo vyavivwa, co wavikombelelele kupwa mulambu kuli Shukulu Kalunga. Co Shukulu Kalunga wavwaelelele na Avele na mulambu wendi,

2 Mizimbu 35:7

Mwene Yosiya waanene vanu vyakuvakwasa ku Ciwano ca Pasovala, wavanene vimanga na vana va vimanga na vana va vimembe vakupwa 30,000, na vingombe va nkomba vakupwa 3,000 va ku matanga endi na ku malimba endi.

Kutuuka 12:2

“Ngonde eyi ikapwa ngonde yakulivanga a mwaka kuli yeni.

Kutuuka 12:21

Asinoni Mosesa wasanene vakulunu voshe va Isalele, wendekele kuli vakevo ngwendi, “Munu na munu aangule muna manga nambe muna membe, co mutsiyeni, ngeci naanga yeni valisambe a Ciwano ca Pasovala.

Kutuuka 12:4

Co nga mu naanga yendi vapwa vavandondo kumanesa kulya uje cimuna woshe wamutunu, co vakalipangelaye na vandambo vendi vaje vanalyata navo, ngwe ku vungi vwa vanu nakumona ngeci munu na munu alya vungai.

Kutuuka 12:6

Ngecivene, mukavanyunga noo a litangwa lyamulikumi na awana ku ngonde, co ku cingwezi mbunga yoshe ya Isalele vakatsiye vaje vimuna.

Kutuuka 14:15

Shukulu Kalunga wendekele kuli Mosesa ngwendi, “Omwo vikajo mulinakutambeka ngeci vamikwase? Leka vanu vaye kulutwe.

Kutuuka 20:19

Vendekele kuli Mosesa ngwavo, “Nga yove wendeka kuli yetu, co tukakutolilila, oloni yetu tuli na lyova nga Njambi endeka kuli yetu, co tukatsa vene.”

Kutuuka 4:30

Co Alone wavalekele vyoshe vije vyendekele Shukulu Kalunga kuli Mosesa, asinoni Mosesa walingile vikomokeso vyoshe ku mesho a vanu.

Kutuuka 6:6

Ngecivene, leka vaIsalele ngwove, ‘Yange njapwa Kalunga, njikamipatula mu vundungo vweni kuli vaka-Ingito. Njikajundula livoko lyange lya nzili mukusholola cihiso cakukomokesa ali vakevo, oloni yeni njikamikula.

Ezekiyele 40:1

Lyapwile litangwa lyamulikumi lya mwaka wauha, uje wapwile mwaka wamumakumi avali na itanu, omo vanatutwala laja ku vunzinda, na mwaka wamulikumi na iwana munima yakufungulula Yelusalema. A litangwa lije vene nzili ya Shukulu Kalunga yezile ali yange, co wanjitwalele ku Yelusalema.

VaLevi 1:2

“Leka vanu va Isalele vanyunge mashiko awa omo vakombelela vin̄ombelo vyavo. “Omo munu woshe anena cimuna wakukombelela, nambe umo wa vingombe vendi, nambe umo wa vimanga vendi, nambe umo wa vimembe vendi,

VaLevi 5:6

napande kunena mulambu wa mulonga wendi kuli Shukulu Kalunga, manga nambe membe wa lwavo ngeci upwe mulambu wa a vuvi. Co muka-kukombelela akamwambesa ku vuvi vwendi.

Kulava 15:11

“Omu mukemwo mumukalinga omo mukalambula ngombe wa nkomba umo, nambe lijamba lya manga umo, nambe muna manga umo, nambe muna membe umo.

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 1:36

co omo wamwene Yesu alinakwija kuje, co wendekele ngwendi, “Kengeni, Muna Manga wa Njambi!”

Yowano 12:1

Kwalitulile matangwa atanu na limo simbu kanda Ciwano ca Pasovala cete, Yesu waile ku Mbetaniya, kwimbo lya Lazalu, me uje yasangwile Yesu ku vatsi.

Yowano 12:12

Alikaki mbunga yakama ya vaje vaile ku Ciwano ca Pasovala vazivile ngwavo Yesu alinakwija ku Yelusalema.

1 Kolinte 5:7

Tundiseni musima walaja wa vuvi ngeci mupwe vakujela. Asinoni mupwe mukasha wauha wakujeneka musima, mwa vushunga njizivuka ngeci omu mukemwo mumunafu. Omwo Ciwano cetu ca Pasovala cinavwaa laja, ololo Kilistu, muna manga wetu wa Pasovala, vanamukombelela laja.

Yoshwa 7:14

Ngecivene, valeke ngwove imene mutondo mukemana kulutwe, muyati na muyati. Co muyati uje unjikaangula vakaija kulutwe, cikota na cikota. Co cikota cije cinjikaangula vakaija kulutwe, naanga na naanga. Co naanga ije injikaangula vakaija kulutwe, munalume na munalume.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.

1 Samwele 7:9

Samwele watsiile muna manga wamukombelelele woshe wamutunu kupwa n̄ombelo ya kwenyeka kuli Shukulu Kalunga. Asinoni Samwele walombelele kuli Shukulu Kalunga ngeci akwase Isalele, co Shukulu Kalunga wakumbulwile malombelo endi.