Kutuuka 11:3 - Livulu lya Shukulu Kalunga

³ Co Shukulu Kalunga walingisile vaka-Ingito kusingimika vaIsalele. Mwa vushunga, vamyata va mwene na vanu voshe va mu Ingito vayongwele Mosesa kupwa munu wakama mu lifuti lya Ingito mwoshe.

Kutuuka 11:3 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 39:21

Oloni Shukulu Kalunga wakele amo na Yosefa wamumwesele cizemo cendi cije kucesi kutenguluka, nakumulingisa ngeci uje muka-kunyunga kamenga amuzivile ngozi.

2 Samwele 7:9

Njakele amo nove kwoshe kuje kuwaile, co njafungulwile vitozi vove voshe ngwe omo wakele nakuya kulutwe. Co njikakutsimanesa kupwa ngwe vantwama vakama va mu kaye.

Esita 9:4

Molendekai wapwile munu wa vulemu mu lipela, watsimanene mu mafuti oshe, co vamwamesele manene.

Myaso 106:46

Shukulu Kalunga walingisile vitozi kuzivilako vanu vendi mema ku mbunge.

Kutuuka 12:35

Co vaIsalele valingile ngwe mwavalekele Mosesa, valombele vaka-Ingito vyakuzala vya senga vya ngolinde na siliva na vuzalo lalo.

Kutuuka 12:36

Shukulu Kalunga walingisile vaka-Ingito kusingimika vanu va Isalele kuvana vije vivavalombele. Mu ngila eyi mukemwo vaIsalele vambatele vufuko vwa vaka-Ingito.

Kutuuka 3:21

“Njikamwesa ngozi vanu vange ku mesho a vaka-Ingito, co cikapwa ngeci omo mukaya kumukayi mavoko-voko embwe.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Vilinga vya Miluwa 7:22

Co vamulongesele mana oshe a vaka-Ingito, co wapwile munalume wakama mukwendeka kwendi na mu vilinga.

Kwituluka mu Mashiko 34:10

Co tunde aje kukwakele lalo muka-kwimanena weka mu Isalele wakulifwa ngwe Mosesa wai, omwo Shukulu Kalunga wendekele kuli ikeye mesho na mesho.

Kwituluka mu Mashiko 34:11

Kukwakele muka-kwimanena weka lalo walingile vizivukiso na vikomokeso vyakulifwa na vije vyatumine Shukulu Kalunga kuli Mosesa ngeci avilinge ku mesho a mwene wa Ingito, na vamyata vendi, na mu lifuti lyendi lyoshe.

Yoshwa 4:14

A litangwa lije Shukulu Kalunga waamesele Yoshwa ku mesho a vanu va Isalele, co vamuzivilile lyova nakumusingimika matangwa oshe akuyoya kwendi, ngwe muje muvasingimikile Mosesa.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.