Kutuuka 10:9 - Livulu lya Shukulu Kalunga

⁹ Mosesa wamukumbulwile ngwendi, “Yetu voshe tukaya, amo na vana vetu na tukulukazi vetu. Tukaya na vana vetu va vanalume, na ava va vanakazi, na vimanga vetu, na vimembe vetu, na vingombe vetu, omwo tunapande kulinga ciwano cakulemesa Shukulu Kalunga.”

Kutuuka 10:9 Iomraidhean Croise

Kushangumuka 50:8

Na naanga ya Yosefa, na vandolome vendi, na vaje voshe va ka naanga ya ishe vaile amo nendi, kuvanga vana vavo lika vavandondo na vimanga vavo, na vimembe vavo, na vingombe vavo, vakevo vasalele mu lifuti lya Ngoshene.

Kutuuka 10:10

Mwene wendekele ngwendi, “Njilisinga ali Shukulu Kalunga ngeci kumukai na vanakazi veni na vana veni! Mwa vushunga casholoka ngeci yeni muli na munga yakutulwisa.

Kutuuka 10:26

Embwe, tukaya amo na vimuna vetu, naumo wai akasala, nameme cimuna umo kakasalamo muno embwe. Yetu vavenya tunapande kwangula vimuna vaje tukalemesa navo Shukulu Kalunga Njambi yetu, omwo kutwasa kuzivuka vimuna vaje tukakombelela kuli ikeye kuvanga noo tunete kuje.”

Kutuuka 12:32

Yeni amo na vimanga veni, na vimembe, na vingombe ngwe mumunendeka. Co lalo njilombeleleniko civezikiso.”

Kutuuka 12:37

VaIsalele vatundile mu Lamesese a mendi vaile ku Sukote. Vanalume vapwile 600,000, kwakako vanakazi na vanike.

Kutuuka 12:38

Co mbunga yakama ya vanu veka vaile amo navo na matanga a vimanga, na vimembe, na vingombe.

Kutuuka 13:6

Ngecivene, munapande kulya makende akujeneka musima a matangwa atanu na avali, co a litangwa lyamucitanu na avali lingileni Shukulu Kalunga ciwano cakumulemesa.

Kutuuka 3:18

“Vanu vange vakatolilila evi ukendeka kuli vakevo. Co yove na vantwama va Isalele mukaya kuli mwene wa Ingito mukamuleka ngweni, ‘Shukulu Kalunga, Njambi ya vaHevelu, nalisholwele kuli yetu. Ololo tukulomba ngeci ututave tuye vungenzi vwa matangwa atatu mu mambo tukakombelele vin̄ombelo kuli Shukulu Kalunga Njambi yetu.’

Kutuuka 5:1

Asinoni Mosesa na Alone vaile kuli mwene wa Ingito vendekele ngwavo, “Shukulu Kalunga, Njambi ya Isalele, nendeka ngwendi, ‘Ecela vanu vange vaye mu mambo, ngeci vakanjilingile ciwano cakunjilemesa.’ ”

Kutuuka 5:3

Ngecivene, Mosesa na Alone vamukumbulwile ngwavo, “Njambi ya vaHevelu ikeye nalisholwele kuli yetu. Co tutave kuya mu mambo tukenda matangwa atatu, tukakombelele Shukulu Kalunga Njambi yetu. Nga kutuyi, co akatutsiya na mushongo nambe na moko ya mukwale.”

Visimo 3:9

Singimika Shukulu Kalunga akumulambwila vyuma vyoshe vyavivwa vije viwukateja mu lihya lyove.

Muka-kwambulula 12:1

Anuka Ishamatanga wove simbu ucili mukwenje, omo kanda matangwa a tuyando ete, na myaka ya tuyando yete omo ukendeka ngwove, “Kunjawanenemo kujolela mu mwonyo wange.”

Kulava 29:12

“A litangwa lyamulikumi na atanu ku ngonde yamucitanu na vivali mukakala na cikungulukilo. Mukanyunga ciwano eci mukusingimika Shukulu Kalunga a matangwa atanu na avali, kesi mukapange.

Efeso 6:4

Eni visemi, kesi mushangumune vana veni, oloni valeleni mu kalemeso na mu vilongesa vya vuka-Yesu.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”