Kutuuka 10:6 - Livulu lya Shukulu Kalunga

⁶ Co vakashula mu lipela lyove na mu vinjuvo vya vamyata vove na mu vinjuvo vya vaka-Ingito mwoshe nambe vakukuyeni nameme vakukulwila veni kuvavamwene kutunda a litangwa lije vashangumukile kukala ano asi.’ ” Asinoni Mosesa wakatukile nakuya.

Kutuuka 10:6 Iomraidhean Croise

Kutuuka 8:21

Nga uvyana kwecela vanu vange ngeci vaye, co njikatuma vinjame vya vinzinzi kuli vamyata vove, na kuli vanu vove, na mu vinjuvo vyove, na mu vinjuvo vya vaka-Ingito mukashula vinzinzi, co na asi oshe akashula vinzinzi.

Kutuuka 8:3

Ndonga ya Nailo ikashula na mambotwe, co vakakovela na mu lipela lyove, na ku mulili wove na a vulili vwove, na ku vinjuvo vya vamyata vove na vanu vove, nambe a meko eni na mu vindeo vyeni vyakwocela makende.

VaHevelu 11:27

Akukulaela, Mosesa watundile mu Ingito kakele na lyova lyakutewa vukalu vwa mwene. Nambe ngwe namono laja Njambi uje kutwasa kumona, co wavyanene kwilukilako.

Njwele 2:2

Likelyo likapwa litangwa lya lisusulungu, litangwa lya mashelwa akuzivala vwii. Vinjame vyakama vya vimbimba mikumbi vikafwika akamwa ya minkinda ngwe lisusulungu. Kukwakele cuma cimo cakufwa ngwe eci, co kukukakala lalo cuma cakufwa ngwe eci.

Kutuuka 11:8

Mosesa wendekele lalo ngwendi, “Vamyata vove voshe vakaija kuli yange nakunjitsikamena, co vakanjilomba ngeci njiye na vanu vange voshe. Co munima yevi, njikaya.” Asinoni Mosesa waluvalele manene, co watundile kuli mwene.

Kutuuka 11:6

Co kukakala kulila mbimbi-mitwe mu Ingito mwoshe, kuje kukwakeleko akulivanga nameme kucikakalako lalo kulutwe embwe.

Kutuuka 10:11

Embwe! Kukaya lika vanalume mukulemesa Shukulu Kalunga amo eci cikeco munakala nakulomba.” A cuma eci, Mosesa na Alone vavashekele ku mesho a mwene.

Kutuuka 9:24

Shukulu Kalunga watumine lisindu-mbowe lya nyonzi ya mamanya, na mihyato yahyahyatele noku-noku. Lyapwile lisindu-mbowe lyakama manene lije kutunda ku visimbu vyalaja kuvalimwene mu Ingito nakweta na lelo.

Njwele 2:9

Vakashandokela mu nganda, co vakalonda a vivumbe, vakakovela mu vinjuvo, vakakovelela mu vinjanena ngwe vezi.

Kutuuka 9:18

Ngecivene, imene a simbu ino vene njikanyokesa nyonzi yakama ya mamanya, ije kutunda ku visimbu vyalaja kuvaimwene mu Ingito nakweta ku lelo.