Kutuuka 10:1 - Livulu lya Shukulu Kalunga

¹ Asinoni Shukulu Kalunga wendekele kuli Mosesa ngwendi, “Ya ukaliwane na mwene, omwo njinakaluwisa mbunge yendi na vimbunge vya vamyata vendi, ngeci njilinge vikomokeso evi mukati kavo,

Kutuuka 10:1 Iomraidhean Croise

Myaso 7:11

Njambi wapwa lyaako wa vushunga, co simbu yoshe akahisi vaka-vuvi.

Kutuuka 10:20

Oloni Shukulu Kalunga wacikaluwisile lalo mbunge ya mwene, kavatavele ngeci vaIsalele vaye.

Kutuuka 3:20

Co njikolola livoko lyange nakupupa Ingito na vikomokeso vyange vyoshe vinjikalinga ali vakevo. Co munima yevi asinoni akamitava muye.

Kutuuka 4:21

Shukulu Kalunga wendekele lalo kuli Mosesa ngwendi, “Omo ukeluka ku Ingito, anuka kulinga vikomokeso vyoshe evi njinakwanavyo kuvilinga ku mesho a mwene. Oloni njikakaluwisa mbunge ya mwene, co ikeye kakatava vanu ngeci vaye.

Kutuuka 7:4

Mwene kakakutolilila asinoni njikaka cihiso cakama manene a Ingito, co njikatundisa miyati ya vanu vange mu Ingito.

Kutuuka 9:12

Oloni Shukulu Kalunga wakaluwisile mbunge ya mwene, ngwe vene muje mwendekele Shukulu Kalunga, mwene katolililile kuli Mosesa na Alone.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Kutuuka 9:27

Asinoni mwene wasanene Mosesa na Alone wendekele kuli vakevo ngwendi, “A simbu ino njinalingi vuvi, Shukulu Kalunga nalingi mwamuvwa, co yange na vanu vange tunaviisa.

Yowano 12:40

“Njambi nazivalesa mesho avo, co nakaluwisa vimbunge vyavo, ngeci mesho avo kesi amone, Co kesi vazivisise, kutewa vatengulukila kuli yange, co yange njikavakangwisa.”

Loma 9:17

Omwo visoneka vyendeka kuli mwene wa Ingito ngwavyo, “Njakupwisile mwene ngeci njikupangese mukusholola nzili yange nakutsimanesa lutsimo lwange mu kaye mwoshe.”

Loma 9:18

Ngecivene, Njambi wakala na mema ku mbunge kuli woshe uje yashaka, co akaluwisa mbunge ya woshe uje yashaka.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.

1 Samwele 4:8

Iyajo asa kutwamena ku nzili ya vinjambi va cifwa cangacije? Vakevo vinjambi vaje vatsiile vaka-Ingito mu mambo!