Kushangumuka 9:2 - Livulu lya Shukulu Kalunga

² Co tusitu voshe, na tuzila, na visi vakamizivila lyova nakumitewa, voshe njinavakundika mu mavoko eni.

Kushangumuka 9:2 Iomraidhean Croise

Kushangumuka 1:21

Ngecivene, Njambi watangele vikashama vakama va mu mema a kalunga, na vikashama voshe vakuliseza-seza, na tuzila voshe vakuliseza-seza. Co Njambi wamwene ngeci cinavwaa.

Kushangumuka 1:26

Asinoni Njambi wendekele ngwendi, “Ololo oni tutangeni munu wakulifwa netu na mu cifwa cetu. Ngeci vakakale na moko yakushwana visi, na tuzila, na tusitu voshe, na vimuna vakama na ava vavandondo na ava vakulikoka.”

Kushangumuka 1:28

Wavavezikisile nakwendeka ngwendi, “Kiteni, ngeci vatekulwila veni vakatume ano asi oshe, co mukakala na moko yakushwana visi va mu mema a kalunga, na tuzila, na tusitu voshe.”

Kushangumuka 2:19

Ngecivene, watapwile livu asi, co wamungile tusitu na tuzila voshe ngwe ku miyati yavo. Asinoni wavanenele kuli munu ngeci avaluke mazina, co mu ngila ije vene mukemwo mwavalukilile mazina avo.

Kushangumuka 35:5

Omo Yakomba na vana vendi vakatukile nakuya, co vaje vanu vakele mu vinganda kuyehi navo vazivile lyova lyakama manene lya Njambi, co kuvasele kuvakava.

Kushangumuka 9:1

Njambi wavezikisile Nowa na vana vendi, co wendekele ngwendi, “Kiteni nakutuma, ngeci vatekulwila veni vakashule ano asi oshe.

Kushangumuka 9:3

Ololo mwasa kulya tusitu voshe, na tuzila voshe, na visi voshe, ngwe omo njamyanene visapa-sapa, mukemwo munjinamyana evi vyoshe kupwa vyakulya vyeni.

Yombi 39:11

Kuma wasa kumukulaela omo nzili yendi yakama, nakuyongola ngeci asa kukupangela vipangi vya nzili ndi?

Ezekiyele 34:25

Njikalikumiiya navo cikumiiyo ca kwoloka. Njikatundisa tusitu voshe va vushonde mu lifuti, ngeci vimanga vange vakakale mwamuvwa mu mahya nakulala mwamuvwa mu shwata.

Hoziya 2:18

Co a simbu ije njikalikumiiya cikumiiyo na tusitu voshe va mu shwata na tuzila, ngeci kesi vakavulumune vanu vange. Njikatundisa lalo vitwa vyoshe vya nzita mu lifuti, mikwale yoshe na mata a lusipa oshe, co njikatava vanu vange ngeci vayoye mu kwoloka na mukujeneka vushonde.

VaLevi 26:22

Co njikatuma tusitu vavavi akati keni, co vakevo vakatsiya vana veni, nakunyongesa vimuna veni, vakaseza lika vavandondo, na vingila vyeni vikapunda.

VaLevi 26:6

“Mukakala mu kwoloka kuluu mu lifuti lyeni, co kumukazivi lyova. Njikatundisa vushonde vwa tusitu vavavi mu lifuti lyeni, kumukakala lalo nzita muje.

Yakomba 3:7

Munu asa kwononwesa, co nononwesa laja vikashama vavangi, tusitu na tuzila, nevi vyakulikoka na visi.