Kushangumuka 9:16 - Livulu lya Shukulu Kalunga

¹⁶ Omo nkongolo ikasholoka mu mashelwa njikaimona, co njikanuka cikumiiyo cange ca myaka yoshe akati kange na vyoshe vyakuyoya vije vili ano asi.”

Kushangumuka 9:16 Iomraidhean Croise

Kushangumuka 17:13

Munalume woshe uvakakita mu vinjuvo vyeni, nambe wakulanda na vimbongo, napande kutuuka. Co cikumiiyo cange cikakala a mivila yeni mukupwa cikumiiyo ca ku myaka yoshe.

Kushangumuka 17:19

Oloni Njambi wendekele ngwendi, “Embwe, munakazi wove Sala akakita mwana wa munalume, ukamuluka lizina lyendi Isake. Co njikakolesa cikumiiyo cange nendi na vatekulwila vendi ku myaka yoshe. Cikapwa cikumiiyo ca myaka yoshe.

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 9:17

Njambi wendekele kuli Nowa ngwendi, “Eci cikeco cizivukiso ca cikumiiyo cinjinalikumiiya akati kange na vyuma vyoshe vyakuyoya vije vili ano asi.”

2 Samwele 23:5

Omu mukemwo mwakavezikisila Njambi vatekulwila vange, omwo nalikumiiya nange cikumiiyo kucesi kuhwa, na lizivasano lije kulyesi kuhwa, na cikulaeso cije kucesi kutenguluka. Evi vyoshe vikevyo vinjishaka, kuje kukekwo kukapwa kuhyana kwange, mwa vushunga Njambi akavisholola.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Njelemiya 32:40

Njikalikumiiya cikumiiyo navo ca ku myaka yoshe. Nalumo lwai njikalikela kulinga vyuma vyavivwa kuli vakevo, vakanjisingimika, ngecivene, nalumo lwai vakashondoloka kuli yange.

Ezekiyele 34:26

“Njikavavezikisa nakuvezikisa mitambela ije inazengeleka lilundu lyange lyakujela. Njikatuma nyonzi ya vusuku-mbundu kupwa vivezikiso vyavo.

Ezekiyele 37:26

Njikalikumiiya navo cikumiiyo ca kwoloka cije ca ku myaka yoshe. Njikavakolesa, co vakapwa vavangi, co njikaka Njuvo yange mu lifuti lyavo, mukemwo muyikakala ku myaka yoshe.

VaHevelu 13:20

Ololo Njambi wa kwoloka uje wasangwile Mwene yetu Yesu ku vatsi, uje napu kanyungi Wakama ka vimanga, a maninga endi a cikumiiyo ca myaka yoshe,