Kushangumuka 9:15 - Livulu lya Shukulu Kalunga

¹⁵ co njikanuka cikumiiyo cange akati keni nange na ku tusitu voshe ngeci livazi kulikanyongesa lalo vyoshe vyakuyoya.

Kushangumuka 9:15 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Kushangumuka 9:10

na vyoshe vyakuyoya, tuzila voshe na tusitu voshe, na vimuna voshe, na vyuma vyoshe vije vyatuukile mu vwato amo nove.

Kushangumuka 9:11

Njilikumiiya cikumiiyo na majwi awa, ‘Njimikulaesa ngwange kukukakala lalo livazi lyakunyongesa vyoshe vyakuyoya. Co lalo kukukakala livazi lyakunyongesa asi oshe embwe.’ ”

Kushangumuka 9:14

Cikapwa ngeci omo njikanena mashelwa, co na nkongolo ikasholoka,

1 Vimyene 8:23

walombelele ngwendi, “Shukulu Kalunga Njambi ya Isalele, kukwesi njambi wakulifwa nove mwilu nambe asi wai! Yove wanyunga cikumiiyo cove ku vanu vove nakumwesa cizemo cove cije kucesi kutenguluka kuli vangamba vove omo vononoka kuli yove na vimbunge vyavo vyoshe.

Nehemiya 9:32

“Yove Njambi, Njambi yetu, yove wakama, muka-nzili! Muka-kukomokesa, muka-kunyunga cikumiiyo na cizemo cove cije kucesi kutenguluka. Kutunda a simbu ije omo vimyene va vaAsilya vatuyandesele, nakweta ku simbu ino, tuyando twoshe tuje tuli ali yetu, na vimyene vetu, na vantwama vetu, na vaka-kukombelela vetu, na vaka-kwimanena vetu, na vakukulwila vetu, na vanu vetu voshe, kesi twatundondo ku mesho ove.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Kutuuka 28:12

Co tuje tumamanya tuli mu tukwatelo twake a tumiva twa a vitsili vya kangamuna, twimanene miyati likumi na ivali ya vaIsalele. Co mu ngila eyi, Alone akambata mazina avo a vitsili vyendi, co yange Kalunga njikanuka vanu vange simbu yoshe.

Njelemiya 14:21

Anuka vikulaeso vyove, co kesi utuyeluwise, kesi uzivise shwamwa Yelusalema mwela uje wa litanda lyove lya vumpau. Kesi upokole cikumiiyo cije walikumiiye netu.

Ezekiyele 16:60

Oloni njikanuka cikumiiyo cije njalikumiiye nove omo wapwile u mwanike, co njikalikumiiya cikumiiyo nove cije cikakala myaka yoshe.

Luka 1:72

Wendekele ngwendi akamwesa mema ku mbunge kuli vakukulwila vetu nakwanuka cikumiiyo cendi cakujela.

Kwituluka mu Mashiko 7:9

Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000.