Kushangumuka 8:21 - Livulu lya Shukulu Kalunga

²¹ Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Kushangumuka 8:21 Iomraidhean Croise

Kushangumuka 3:17

Ngecivene, Shukulu Kalunga Njambi wendekele kuli Andama ngwendi, “Omwo yove unatolilila ku lijwi lya munakazi wove, co unalile ku vushuka vuje njakushikile ngwange kesi ulyeko, co omwo unalingi eci, livu linasingiwa. Ukapanga nakuundangana mukuyoya kwove kwoshe, co ukalya vyakulya vyakutunda mu livu.

Kushangumuka 4:12

Nga ukeseka kukuna vimbuto, co livu kulikamenesa cuma cimo. Kutunda lelo na kulutwe kuukakala na limbo, ukapwa muka-kwendangana lika ano asi.”

Kushangumuka 5:29

wendekele ngwendi, “Mbututu ou akatuhwimisako ku vipangi vyetu vyakukaluwa ku livu eli vene lyasingile Shukulu Kalunga.” Co wamulukile lizina lyendi Nowa.

Kushangumuka 6:13

Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Kushangumuka 6:17

Kenga, njikatuma livazi lyakama ano asi mukunyongesa vyoshe vije viyoyao. Vyuma vyoshe vili ano asi vikatsa,

Kushangumuka 6:5

Omo Shukulu Kalunga wamwene ngeci vanu voshe ano asi vanaviya, na viyongola vya vimbunge vyavo simbu yoshe vyapwile vyavivi,

Kushangumuka 6:7

ngeci wendekele ngwendi, “Njikanyongesa vanu voshe ava njatangele, amolika na tusitu na tuzila, njalisimoka omwo njavatangele.”

Yombi 14:4

Cuma nacimo cai cakujela citunda ku cuma cakujeneka kujela ngwe munu.

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Myaso 58:3

Vaka-vuvi vapwa vaka-kuviisa simbu yoshe yakuyoya kwavo, vendeka makuli tunde a litangwa lya kusemuka kwavo.

Myaso 58:4

Majwi avo ali na vushungu ngwe vushungu vwa manyoka, vanapu vanu vaje kuvatolilila kukuvanangula,

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:25

Asinoni vitambule kuli vakevo nakuvyenyekela a mutula, akamwa ya milambu ya kwenyeka, kupwa mulambu wa vyakulya kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Visimo 20:9

Iyajo asa kwendeka ngwendi, “Viyongola vyange vyapwa vyakujela, njinajele ku vuvi vwange?”

Muka-kwambulula 7:20

Kukwesi umo ano asi muka-kulinga vya vushunga simbu yoshe uje kesi kulinga vuvi.

Isaya 47:12

Manseno ove oshe na mikalo yove, vije viwapangesele tunde ku vukwenje vwove, amo vikakukwasa, nakuzivisa lyova vitozi vove.

Isaya 47:15

Vuje vukevwo vuvwa vwoshe vuvakalinga kuli yove, vaje vaka-kukunangula vawakele nakwihula simbu yoshe yakuyoya kwove. Voshe vakakuseza, nakuya kwoshe kuvashaka, co naumo wai akakwamena.”

Isaya 48:8

Njazivukile ngeci kumwakele cikulaeso muli yeni, simbu yoshe vamizivukile ngeci mwapwa muvaka-kutengulukila. Mukemwo kumwazivile evi, kumwazivileko nambe lijwi limo.

Isaya 53:6

Yetu voshe twapwile ngwe vimanga vakuzimbala, munu na munu waile mu ngila yendi. Oloni Shukulu Kalunga wamwanene cihiso cije capandele kupwa cetu.

Isaya 65:6

“Njinayongola laja cihiso cavo, co kusompa kwavo vanacisoneka. Kunjikoloka kuluu a vije vivanalingi, oloni njikavelwisilavwo

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 18:12

Vakakukumbulula ngwavo, ‘Embwe, omwo vikajo tutenguluka? Yetu voshe tukakaluwisa vimbunge vyetu, nakulinga vuvi ngwe mutushakela kulinga!’ ”

Njelemiya 8:6

Njatolililile mwamuvwa, oloni kumwendekele vushunga. Naumo wai wa ali yeni ali na vusiwa vwa vuvi vwendi, co lalo naumo wai wa ali yeni wehwile ngwendi, ‘Vuvi mukajo njinalingi?’ Munu na munu alinakuya mu ngila yendi, ngwe kavalu ashatukila mu nzita.

Ezekiyele 20:41

Omo njinamiilwisa laja kutunda mu mafuti muje njamishandwelelele, nakumikungulwila amolika, asinoni njikatambula vin̄ombelo vyeni vya kwenyeka, co miyati vakamona ngeci njapwa wakujela.

VaLevi 1:13

Uje munu napande kukusha vya mwimo vyoshe, na mapondo a kunima, co muka-kukombelela akanena ije n̄ombelo kuli Shukulu Kalunga nakuyenyekela yoshe a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:17

Co akamukwate a mambava nakumutavula, oloni kesi akajajule mambava endi, asinoni akamwenyekele woshe wamutunu a mutula. Co vweko vwa mulambu ou wa vyakulya vukavwaelelesa Shukulu Kalunga.

VaLevi 1:9

Uje munu napande kukusha vya mwimo na mapondo a kunima, co muka-kukombelela akenyekela n̄ombelo yoshe yamutunu a mutula kupwa n̄ombelo ya kwenyeka, co vweko vwa mulambu ou wa vyakulya vukavwaelelesa Shukulu Kalunga.

VaLevi 26:31

Njikapwisa membo eni vingundu, co njikanyongesa myela yeni yakulemesela, co kunjikavwaelela na vwisi vwa lwengo lwaluvwa lwa vin̄ombelo vyeni.

VaLevi 4:31

Asinoni akatundise mazi oshe aa cimuna, ngwe muje akatundisa mazi a vimuna vakutsiila a milambu ya kulitombola, co akawenyekele a mutula, vweko vwa mulambu ou vukavwaelelesa Shukulu Kalunga. Mu ngila eyi muka-kukombelela akaambesa uje munu ku vuvi vwendi, co vakamusambesa.

VaLevi 8:28

Asinoni Mosesa watambwile vije vyakulya kuli Alone na vana vendi nakuvyenyekela a mutula akamwa ya n̄ombelo ya kwenyeka, kupwa n̄ombelo yakukundikisa. Eyi yapwile n̄ombelo ya vyakulya. Co vweko vwa n̄ombelo eyi vwavwaelelesele Shukulu Kalunga.

Kulava 15:3

Mukalambula milambu ya kwenyeka nambe kukombelela kuli Shukulu Kalunga, ngombe wa nkomba, nambe lijamba lya manga. Nambe manga, nambe membe, mukushulisa milambu ya cisingo, nambe milambu ya cizango, nambe ya viwano vije vemika, co vweko vwavuvwa vwa milambu eyi ya vyakulya vukavwaelelesa Shukulu Kalunga.

Mateo 15:19

Omwo mu mbunge ya munu mukemwo mukatundu viyongola vyavivi, vije vimutwamenena kukutsiya, na ku vupangala, na ku vwizi, na ku kuvangela, na ku makuli, na ku kufweya.

Yowano 3:6

Munu akatambula cifwa cendi ca vunu ku visemi vendi, oloni Munzinzime Wakujela ikeye amulingisa ngeci asemuke ku Munzinzime.

Loma 1:21

Omwo nameme vazivuka Njambi, oloni kuvamusingimika, nambe kumukandelela. Oloni viyongola vyavo vinapu vyangoco, co mana avo amupulungwa anashulu na lisusulungu.

Loma 3:23

omwo vanu voshe vanalingi vuvi, co vanaangunuka ku kwamena kwa Njambi.

2 Kolinte 2:15

Omwo tunapu ngwe lwengo lwaluvwa lwa insense kuli Njambi luje lulinakuya kuli vaje vanovoka na kuli vaje vaka-kunyonga.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.