Kushangumuka 8:20 - Livulu lya Shukulu Kalunga

²⁰ Ngecivene, Nowa watungilile Shukulu Kalunga mutula, co wakwatele ku muyati umo na umo wa vimuna na tuzila vakulya, wavakombelelele kupwa n̄ombelo ya kwenyeka kuli Shukulu Kalunga.

Kushangumuka 8:20 Iomraidhean Croise

Kushangumuka 13:18

Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 13:4

kuje kwatungilile mutula. Kukekwo kuje Avilama walemeselele Shukulu Kalunga.

Kushangumuka 22:2

Njambi walekele Avilahama ngwendi, “Ambata munove Isake, ou munove umolika iwazema manene. Ya ku lifuti lya Moliya, ukamukombelele kupwa n̄ombelo ya kwenyeka ku munkinda uje unjikakuleka.”

Kushangumuka 22:9

Omo vetele ku mutambela uje wamulekele Njambi, Avilahama watungile mutula, waakeleo vitale. Co wakutile munendi nakumulangeka a mutula akamwa ya vitale.

Kushangumuka 26:25

Isake watungile mutula kuje nakulemesa Shukulu Kalunga. Asinoni watungile cilombo cendi kuje, co vangamba vendi vendile lisima likwavo lalo.

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

Kushangumuka 35:1

Asinoni Njambi wendekele kuli Yakomba ngwendi, “Katuka uye ku Mbetele, ukakale kuje, co kuje ukanjitungilako mutula. Yange Njambi uje walisholwele kuli yove omo watewele ndolome yove Isau.”

Kushangumuka 35:7

Ikeye watungile mutula kuje nakuluka mwela uje ngwendi Njambi ya Mbetele, omwo kuje vene Njambi walisholwele kuli ikeye omo watewele ndolome yendi.

Kushangumuka 4:4

Avele watwalele muna manga wa ntwatwa wa ku vimanga vendi, wamutsiile, waangwileo vilyo vyavivwa, co wavikombelelele kupwa mulambu kuli Shukulu Kalunga. Co Shukulu Kalunga wavwaelelele na Avele na mulambu wendi,

Kushangumuka 7:2

Ku tusitu voshe vakulya ambatako vatanu na vavali nkomba na lwavo. Co ku tusitu vaje vakujeneka kulya ambatako lalo nkomba na lwavo.

Kushangumuka 7:3

Co ku tuzila lalo ambatako vindemba vatanu na vavali na vyali vatanu na vavali. Linga eci ngeci muyati woshe wa kasitu na kazila ukayoye, ngeci vakasemunwine lalo ano asi.

Kushangumuka 8:19

Tusitu voshe na tuzila vatuukile mu vwato mu muyati wa vutanga vwavo.

Yombi 1:5

Ku mutondo omo ciwano cinahu, Yombi wakele nakwinduka mutondo-tondo nakukombelela vin̄ombelo vya kwenyeka kupwisa ku umo na umo wa vana vendi mukuvajelesa. Ikeye wakele nakulinga eci simbu yoshe omwo wayongwele ngeci amo umo wa vana vendi nalingi vuvi nakushaula Njambi kwakujeneka kucizivuka.

Kutuuka 10:25

Oloni Mosesa wamukumbulwile ngwendi, “Ngangoconi, twane vimuna vatukakombelela kuli Shukulu Kalunga Njambi yetu na milambu ya kwenyeka.

Kutuuka 29:18

Co enyekela lijamba woshe a mutula kupwa mulambu wa kwenyeka kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kutuuka 29:25

Asinoni vitambule kuli vakevo nakuvyenyekela a mutula, akamwa ya milambu ya kwenyeka, kupwa mulambu wa vyakulya kuli yange Kalunga. Vweko vwavuvwa vwa mulambu ou wa vyakulya vukanjivwaelelesa.

Kulava 7:21

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

VaHevelu 13:10

Kuli vaka-kukombelela vaje vapangelele mu mbalaka ya vaYunda kuvakele na moko yakulya vyakukombelela ku mutula.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.