Kushangumuka 8:2 - Livulu lya Shukulu Kalunga

² Co tuvwelu-vwelu twa mema a mwisi ya asi na vimbengwa vya mwilu vyashokele, na nyonzi yalikelele kunyoka,

Kushangumuka 8:2 Iomraidhean Croise

Kushangumuka 7:11

Nowa wakele na myaka 600, co a litangwa lyamulikumi na atanu na avali ku ngonde yamucivali, masima a tuvwelu-vwelu twakama twa mu mema a kalunga kwisi ya livu atuvikile na vimbengwa vyoshe vya mwilu vyashokolokele,

Kushangumuka 7:12

co nyonzi yanyokele matangwa makumi awana mutanya na vutsiki.

Kushangumuka 7:4

Kunasala lika matangwa atanu na avali, co njikanyokesa nyonzi ije ikanyoka matangwa makumi awana mutanya na vutsiki, njikanyongesa vyakuyoya vyoshe vije vinjatangele.”

Yombi 38:16

“Yove wakovelamo laja mutuvwelu-vwelu twa kulova twa mu mema a kalunga ndi? Yove wendao laja asi ya mema a kalunga ndi?

Yombi 38:37

Iyajo nanyanyama manene mukulava mashelwa, nakuwapangesa ngeci anyokese nyonzi,

Visimo 8:28

Njakele nendi omo waakele mashelwa mwilu, omo washokolwele masima a tuvwelu-vwelu, twa mema a kalunga,

Yona 2:3

Wanjumbilile a nzinga, akati-kati ka mema a kalunga, kuje mema anjizengelekele, na mankimba ove oshe akama nakukuma kwawo anjikupwile.

Mateo 8:9

Omwo nange njili mwisi ya moko ya vamyata vange, co njili na mashwalale vakanjononoka. Njishika umo ngwange, ‘Ya!’ Co aya, co njishika mukwavo lalo ngwange, ‘Ija!’ Co aija, co lalo njikashiki ndungo yange ngwange, ‘Linga eci!’ Co acilinga.”