Kushangumuka 8:12 - Livulu lya Shukulu Kalunga

¹² Co Nowa wetisilemo matangwa atanu na avali, co watumineo lalo uje katela. A simbu ije katela kelukile lalo kuli Nowa.

Kushangumuka 8:12 Iomraidhean Croise

Kushangumuka 8:10

Nowa wetisilemo lalo matangwa atanu na avali, asinoni watumine lalo katela asi.

Kushangumuka 8:11

Co ku cingwezi katela welukile kuli Nowa na liputa lyakutonola lya olive ku kanwa kendi. Ngecivene, Nowa wazivukile ngwendi mema ololo anomu asi.

Myaso 27:14

Kulaela kuli Shukulu Kalunga, kulaela, kesi uzeye. Kulaela kuli Shukulu Kalunga.

Isaya 25:9

A litangwa lije vanu vakendeka ngwavo, “Mwa vushunga ou wapwa Njambi yetu! Twakulaela muli ikeye, co natwovola. Ou ikeye Shukulu Kalunga! Twakulaela muli ikeye, tujoleleni nakuvwaelela omwo ikeye natwovola.”

Isaya 26:8

Tulinakukavangeya cizango cove nakwaka cinyangavili cetu muli yove, yove lika itushungwiya.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Isaya 8:17

Shukulu Kalunga nalishweke ikeye vavenya kuli vanu vendi, oloni yange njinamukulaela, co njinaka cinyangavili cange muli ikeye.

Njelemiya 48:28

“Yeni vanu muli mu Mowavi, pweni ngwe katela uje atungila lishwa lyendi kumukulo wa linzenzengoma.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.