Kushangumuka 7:7 - Livulu lya Shukulu Kalunga

⁷ Co Nowa na munakazi wendi, na vana vendi va vanalume, na vanakazi vavo, vakovelele mu vwato mukutewa livazi.

Kushangumuka 7:7 Iomraidhean Croise

Kushangumuka 6:18

oloni njikalikumiiya cikumiiyo nove. Co ukakovela mu vwato, yove na munakazi wove, na vana vove va vanalume, na vanakazi vavo.

Kushangumuka 7:1

Shukulu Kalunga wendekele kuli Nowa ngwendi, “Kovela mu vwato, yove na naanga yove yoshe, omwo njawana ngwange yove lika muka-vushunga ku mesho ange mu cisemwa eci coshe.

Visimo 22:3

Omo vaka-mana vamona vukalu vwija, co vatewa, oloni muka-kujeneka mana ayako, co akalikovelesa mu vukalu.

Mateo 24:38

A matangwa aje omo livazi kanda lyete, vanu valile, vanwile, vambatele, nakushombwesa, noo a litangwa lije omo Nowa wakovelele mu vwato,

Luka 17:27

Voshe valile vanwile, vashombwesele na kulyambatela, noo ku litangwa lije Nowa wakovelele mu vwato, co livazi lyezile nakuvanyongesa voshe.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

1 Petulu 3:20

Eyi ikeyo minzinzime ya vaje vavyanene kwononoka Njambi omo wavandamenene na lukakateya a matangwa aje Nowa washongele vwato. Vanu vavandondo vaje vakele mu vwato, vapwile vatanu na vatatu, vakevo vovokele ku mema,

2 Petulu 2:5

Njambi katetelele kaye ka ku san̄ulu, oloni watumine livazi a kaye ka vanu vaka-vuvi, oloni wovwele lika Nowa, uje wambulwile vushunga, co na vanu veka lalo vatanu na vavali.