Kushangumuka 6:7 - Livulu lya Shukulu Kalunga

⁷ ngeci wendekele ngwendi, “Njikanyongesa vanu voshe ava njatangele, amolika na tusitu na tuzila, njalisimoka omwo njavatangele.”

Kushangumuka 6:7 Iomraidhean Croise

Kushangumuka 6:6

co walisimokele omwo watangele vanu nakuvaka ano asi. Co camuzeyesele manene ku mbunge

Kushangumuka 7:21

Vyuma vyoshe vyakuyoya vije vyakele ano asi vyatsile, tuzila voshe, na tusitu voshe, na vimuna voshe na vanu voshe.

Kushangumuka 7:4

Kunasala lika matangwa atanu na avali, co njikanyokesa nyonzi ije ikanyoka matangwa makumi awana mutanya na vutsiki, njikanyongesa vyakuyoya vyoshe vije vinjatangele.”

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Myaso 37:20

Oloni vaka-vuvi vakanyonga, co lalo vitozi va Shukulu Kalunga vakaziluka ngwe vishani, vakahwa ngwe vwisi, co kuvakavamono lalo embwe.

Visimo 10:27

Nga wononoka Shukulu Kalunga, co ukayoya simbu yakama, oloni vaka-vuvi vakatsi omo simbu yavo kanda yete.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 27:11

Omo minango ya miti ijujwama nakupokozoka, co vanakazi vaikungulula nakuyipwisa vitale. Oloni vanu vavo vapwa vikolokomba ngeci Njambi uje wavatangele kakavazivila mema ku mbunge nambe kuvazivilako ngozi.

Hoziya 4:3

Ngecivene, lifuti likauma cau, co vyuma vyoshe vije vyakalamo vikatsa. Tusitu na tuzila voshe nameme visi vakatsa.”

Amose 7:3

Co Shukulu Kalunga watengulwile viyongola vyendi, co wendekele ngwendi, “Evi viwunamono kuvikalingiwa.”

Amose 7:6

Co Shukulu Kalunga watengulwile viyongola vyendi, co wendekele ngwendi, “Evi kuvikalingiwa lalo embwe.”

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zefaniya 1:2

Shukulu Kalunga wendekele ngwendi, “Njikanyongesa vyuma vyoshe vya ano asi,

Zefaniya 1:3

vanu voshe na tusitu, tuzila na visi. Njikatundisa vaka-vuvi voshe, njikanyongesa vanu voshe, co naumo wai akasalao. Yange Kalunga, njinendekamo.

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 29:20

Shukulu Kalunga kakasambesa munu wa cifwa cangacije embwe, oloni vukalu vwa Shukulu Kalunga vukashukuma ali ikeye, co vukalu vwoshe vuvasoneka mu livulu eli vukawila ali ikeye noo Shukulu Kalunga akamunyongesa.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.