Kushangumuka 6:6 - Livulu lya Shukulu Kalunga

⁶ co walisimokele omwo watangele vanu nakuvaka ano asi. Co camuzeyesele manene ku mbunge

Kushangumuka 6:6 Iomraidhean Croise

Kushangumuka 6:7

ngeci wendekele ngwendi, “Njikanyongesa vanu voshe ava njatangele, amolika na tusitu na tuzila, njalisimoka omwo njavatangele.”

2 Samwele 24:16

Omo kangelo ka Shukulu Kalunga washakele ngeci anyongese Yelusalema, Shukulu Kalunga watengulwile viyongola vyendi vyakuhisa vanu, co wendekele kuli kangelo uje wakele nakuvatsiya ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

1 Mizimbu 21:15

Asinoni Shukulu Kalunga watumine kangelo ngeci anyongese Yelusalema, oloni watengulwile viyongola vyendi, co wendekele kuli kangelo ngwendi, “Likele! Wapwisamo!” Kangelo wakele ku mutambela wa lijungwilo lya Alauna, kaNjevushi.

Myaso 106:45

Shukulu Kalunga wanukile cikumiiyo cendi omo vakevo, co watengulwile viyongola vyendi omo cizemo cendi cije kucesi kutenguluka.

Myaso 110:4

Shukulu Kalunga wakulaesele, co kakatengulula viyongola vyendi lalo, “Yove ukapwa muka-kukombelela ku myaka yoshe, ngwe vuka-kukombelela vwa Melekizendeki.”

Myaso 119:158

Omo njikenga ali vaka-vungungu, njiziva kuviya manene mu mbunge, omwo kuvesi kunyunga mashiko ove.

Myaso 78:40

Visimbu vyavingi vamutengulukilile mu mambo, nakumuvavalesa ku mbunge!

Myaso 81:13

Nga vanu vange vanjitolililile, nambe nga vanjononokele,

Myaso 95:10

Njaluvalele na cisemwa cije a myaka makumi awana, co njendekele ngwange, ‘Vakevo vanapu vakujeneka kulongwa, valinakuvyana mashiko ange!’

Kutuuka 32:14

Co Shukulu Kalunga watengulwile viyongola vyendi, kanenele vukalu ali vanu vendi ngwe mwalishungwiiye.

Isaya 48:18

“Nga mwatolililile ku mashiko ange, nga vivezikiso vyeni vyapwile ngwe muna ndonga uje kesi kuma cau, nga munahyana ngwe mankimba aa mema a kalunga.

Isaya 63:10

oloni vanu vendi vamutengulukilile nakumulwisa nakulingisa vusiwa Munzinzime wendi Wakujela. Ngecivene, Shukulu Kalunga wapwile citozi cavo nakuvalwisa.

Njelemiya 18:7

Nga a simbu yoshe-iyoshe njendeka ngwange njikatukula nakupokola, nambe kunyongesa muyati wa vanu, nambe vumwene,

Njelemiya 26:19

“Mwene Hezekiya na vanu va mu Yunda kuvatsiile Mika. Oloni Hezekiya wasingimikile Shukulu Kalunga, nakulambelela ngozi ya Shukulu Kalunga. Co Shukulu Kalunga watengulwile viyongola vyendi ku vukalu vuje vwashakele kunena ali vakevo. Yetuco lelo tushaka kulikokela tuyando manene yetu vavenya.”

Ezekiyele 33:11

Valeke ngwove mwa vushunga ngwe yange Kalunga wa Akamwa ya Vyoshe, njapwa Njambi wakuyoya, kunjesi kuvwaelela a kutsa kwa muka-vuvi. Njishaka kumumona naseza kulinga vuvi, co ayoya. Isalele, likele vuvi vuje vuulinakulinga. Omwo vikajo ushakela kutsa?

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Njwele 2:13

Vimbunge vyeni vyakupokoka vimwese vusiwa vweni, kutavozola vuzalo vweni kesi cikeco cuma lika munapande kulinga.” Ilukeni lalo kuli Shukulu Kalunga Njambi yeni. Ikeye muka-ngozi, washula na mema ku mbunge, ikeye muka-kusimpa, muka-kunyunga cikulaeso cendi, ikeye walivwaesela cimweja kusambesa, kesi kuhisa embwe.

Yona 3:10

Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.

Malakiya 3:6

“Yange Kalunga munjapwa-munjapwa kunjesi kutenguluka. Co neni lalo vatekulwila va Yakomba, kumwanyongele.

Kulava 23:19

Njambi kapwile munu ngeci ikeye akwise embwe, nambe kapwile muna munu ngeci atengulule viyongola vyendi embwe. Coshe canakulaesa kuvanga acilinge, coshe endeka kuvanga cilingiwe.

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kwituluka mu Mashiko 32:36

Shukulu Kalunga akapatula vanu vendi, omo akamona ngeci nzili yavo inahu. Ikeye akakala na mema ku mbunge ali vaje vamupangela, omo akavamona ngeci vanazeye.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

VaHevelu 3:10

Ngecivene, njaluvalele na vanu vaje, co njendekele ngwange, ‘Visimbu vyoshe kuvesi nakwononoka, valinakuvyana kwononoka mashiko ange.’

VaHevelu 3:17

Njambi waluvalele na veya myaka makumi awana? Ikeye waluvalele na vanu vaje valingile vuvi, vaje vatsililile mu mambo.

Yakomba 1:17

Cashu coshe cacivwa na vwana vwoshe vwavuvwa vyatunda mwilu, vyatunda kuli Njambi, Ishamatanga wa vyeke vya mwilu, uje kesi kutenguluka nambe kunena lisusulungu akutenguluka.

1 Samwele 15:11

“Njalisimoka omo njaakele Saulu a vumwene, ikeye nanjikengesa nima, navyana mashiko ange.” Co Samwele waluvalele, walililile kuli Shukulu Kalunga vutsiki vwoshe.

1 Samwele 15:29

Njambi ya Isalele Muka-nzili yoshe kesi kwendeka makuli nambe kesi kutengulula viyongola vyendi embwe. Omwo ikeye kesi munu, ngeci atenguluke embwe.”

1 Samwele 15:35

Samwele mukuyoya kwendi kwoshe kamwene lalo Saulu, oloni walinyengele ali ikeye. Co Shukulu Kalunga walisimokele omwo wapwisile Saulu mwene mu Isalele.