Kushangumuka 6:13 - Livulu lya Shukulu Kalunga

¹³ Co Njambi wendekele kuli Nowa ngwendi, “Njayongola kuzilula vanu voshe. Njikavanyongesa voshe amolika na kaye, omwo kaye kanashulu na vilinga vyavo vyavivi.

Kushangumuka 6:13 Iomraidhean Croise

Kushangumuka 49:5

“Simyoni na Levi vakevo mu vundolome vwavo, mikwale yavo yapwa vitwa mukuvulumuna.

Kushangumuka 6:14

Ngecivene, shonga vwato vwakama vwa mavaya amavwa, co vatozolamo milili. Vusalimbe na lipombosiwa anja na mukati.

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

Kushangumuka 7:21

Vyuma vyoshe vyakuyoya vije vyakele ano asi vyatsile, tuzila voshe, na tusitu voshe, na vimuna voshe na vanu voshe.

Kushangumuka 7:23

Co Shukulu Kalunga wanyongesele vyuma vyoshe vyakuyoya vije vyakele ano asi, vanu, na tusitu, na vimuna, na tuzila. Kuvanga Nowa, na voshe vaje vakovelele navo mu vwato vakevo lika vayoyele.

Kushangumuka 7:4

Kunasala lika matangwa atanu na avali, co njikanyokesa nyonzi ije ikanyoka matangwa makumi awana mutanya na vutsiki, njikanyongesa vyakuyoya vyoshe vije vinjatangele.”

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Isaya 34:1

Shwenyeni muyehi, yeni miyati ya vanu voshe na vaka-kaye voshe, na vyoshe vije vilinakuyoyao, ijeni kuno mwakutolilile.

Njelemiya 51:13

Mbambilone lifuti lije lyakala manene na vindonga na vufuko vwavungi, oloni simbu ya lifuti eli yakuyoya ineti.

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Amose 8:2

Shukulu Kalunga wanjihwile ngwendi, “Amose, vika unamono?” Co njamukumbulwile ngwange, “Njamono mutonga wa vushuka.” Co Shukulu Kalunga wendekele kuli yange ngwendi, “Kukotoka kwa vanu vange va Isalele kunete. Kunjikatengulula lalo viyongola vyange vyakuvanyanyamesa.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.