Kushangumuka 50:5 - Livulu lya Shukulu Kalunga

⁵ ‘Omo tate wakele kuyehi na kutsa, wanjishikile ngwendi njimukulaese ngeci njikamutsinde muje mu mbumbo ije yavwaeselele cimweja mu lifuti lya Kanana. Co mwane, njitave njikatsinde tate, asinoni njikeluka.’ ”

Kushangumuka 50:5 Iomraidhean Croise

Isaya 22:16

“Yove wayongola ngwove yove iyajo? Uli na moko mukajo yakulicokwela mbumbo kumukulo wa lilundu lya mamanya?

2 Mizimbu 16:14

co vamutsindile mu mbumbo ya limanya ije yalicokwelele ikeye vavenya mu Nganda ya Ndaviti. Vavwaesele muvila wendi na n̄undu na mazi akunika lwengo lwaluvwa akumutsinda, co vakele mu myala nakumulila.

Mateo 27:60

co waulangekele mu mbumbo yendi yaiha, ije yacokwele mu limanya. Wandumwinine ku cikolo limanya lyakama, co waile.

Muka-kwambulula 12:7

Mivila yetu ikeluka ku livu, oloni mwonyo ukeluka kuli Njambi uje watwanenewo.

Muka-kwambulula 12:5

Ukaziva lyova lya mitambela ya malundu, co kwenda kukapwa vushonde kuli yove. Vin̄ambu vyove vikakala na vwele kuukasa kwendangana, co lishungu lyoshe likahwa. Tulinakuya ku mutambela wetu wa mamaneselelo wakuhwimina, co kukakala kulila mu vitapalo.

Muka-kwambulula 6:3

Nga munu akita vana 100 nakuyoya myaka yaingi, co myaka yendi ituma, oloni kesi kuvwaelela nambe kumutsinda mwamuvwa, co njendeka ngwange, mwana wakujombwesa limbo ali na seo kutuvakana uje munu.

Myaso 79:3

Vanetila maninga a vanu vove ngwe mema, maninga etile mu Yelusalema mwoshe ngwe mema, co naumo wai wavatsindile.

Yombi 30:23

Njazivuka ngwange ulinakunjitwala ku kutsa, ku njuvo ije ivavwaesela vaka-kuyoya voshe.

1 Samwele 14:43

Co Saulu wehwile Yonatana ngwendi, “Vika unalingi?” Yonatana wamukumbulwile ngwendi, “Njamakelele tuvuki twatundondo ku shongo ya mulamu wange. Yange uno, njalivwaesela laja kutsa.”

Kwituluka mu Mashiko 4:22

Oloni yange njikatsila mu lifuti lino, kunjikajavukila musambwa ya Ndonga ya Yondau embwe, oloni yeni muli kuyehi nakujavukilamo, co mukakala mu lifuti lije lyalivwa.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Kushangumuka 48:21

Asinoni Yakomba wendekele kuli Yosefa ngwendi, “Ngwe muwamono, yange njili muyehi na kutsa, oloni Njambi ali nove amo. Ikeye akakwilwisila lalo ku lifuti lya vakukulwila vove.

Kushangumuka 3:19

Ukapanga nakuundangana manene nakutukuta akupanga mu livu, ngeci likamenese vyakulya, noo ukeluka ku livu kuje kuwatundile. Omwo yove watundile ku livu, co ukeluka lalo ku livu.”

Kushangumuka 50:4

Omo simbu yakulila ishe yahwile, Yosefa wendekele kuli vamyata va mwene ngwendi, “Mwane, nga njinawana ngozi ku mesho eni twaleni lijwi eli kuli mwene ngweni,

Kushangumuka 50:6

Mwene wamukumbulwile ngwendi, “Ya ukatsinde isho, ngwe omo muwamukulaesele mukemwo muunapande kulinga.”