Kushangumuka 5:22 - Livulu lya Shukulu Kalunga

²² Omo wakitile Matusela, Inoke wendele na kulitombola na Njambi a myaka 300. Co wakitile lalo vana vakwavo va vanalume na ava va vanakazi.

Kushangumuka 5:22 Iomraidhean Croise

Kushangumuka 17:1

Omo Avilama wakele na myaka makumi atanu na awana na myaka itanu na iwana, Shukulu Kalunga washolokele kuli ikeye nakwendeka ngwendi, “Yange Njambi Muka-nzili yoshe, nga unjononoka nakulinga mwamuvwa simbu yoshe,

Kushangumuka 24:40

Co wanjikumbulwile ngwendi, ‘Shukulu Kalunga, uje injononoka visimbu vyoshe, akatuma kangelo kendi amo nove, kukuvwaesela vya ngila yove. Yove ukambatela munange munakazi kuli vavushoko vwange, munakazi wa ku naanga ya tate.

Kushangumuka 48:15

Asinoni Yakomba wavezikisile Yosefa ngwendi, “Njambi, ou ivapangelele vatate Avilahama na Isake, avezikise vakwenje ava! Njambi, ou wanjitwamenenene kweta ku lelo lino, avavezikise!

Kushangumuka 5:21

Omo Inoke wakele na myaka 65 wakitile mwana wa munalume lizina lyendi Matusela.

Kushangumuka 5:23

Myaka yendi yayoyele yoshe yapwile 365.

Kushangumuka 5:24

Inoke wendele na kulitombola na Njambi simbu yendi yoshe, co kuvamumwene lalo, omwo Njambi wamutwalele mwilu.

Kushangumuka 6:9

Eci cikeco cisemwa ca Nowa. Nowa wapwile munu wa vushunga, kawanene akumuvayesela akati ka vanu vaje vayoyele navo a simbu ije, co lalo mukuyoya kwendi wendele na kulitombola na Njambi.

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

2 Vimyene 20:3

“Shukulu Kalunga, anuka ngeci yange njakupangela nakukukulaela na kulongwa, simbu yoshe njinakele nakulinga vije viwashakele ngeci njivilinge.” Co walilile manene.

Myaso 116:9

Ngecivene, njilinakwenda amo na Shukulu Kalunga, mu lifuti lya vaka-kuyoya.

Myaso 128:1

Navezika munu uje ononoka Shukulu Kalunga, munu uje anyunga mashiko a Shukulu Kalunga.

Myaso 16:8

Simbu yoshe Shukulu Kalunga ali muyehi nange mukunjikwasa, co nacimo cai casa kunjizivisa lyova.

Myaso 26:11

Oloni yange njikalingi vya vushunga, njizivileko mema ku mbunge, co njamene.

Myaso 56:13

omwo unanjovola ku kutsa, co unanjamena kukunjifungulula. Ngecivene, njenda ku mesho a Njambi, mu ceke cije cilinakutwa ali vaka-kuyoya.

Myaso 86:11

Njilongese yove Shukulu Kalunga, ngeci njononoke vushunga vwove, simbu yoshe njipwise muka-vushunga.

Kutuuka 16:4

Asinoni Shukulu Kalunga wendekele kuli Mosesa ngwendi, “Ololo yeni voshe njikamyana vyakulya vyakutunda mwilu vije vikanyoka ngwe nyonzi. Co vanu vakatuukila anja a litangwa na litangwa nakunona vyakulya vyakupwa a litangwa lije vene. Mu ngila eyi vene njilinakuveseka njimone nga vasa kukava mashiko ange nambe embwe.

Myaso ya Solomoni 1:4

Njiye amo nove, tushatuke lumbisi, pwa mwene yange, co njikovelese mu milili yove. Tuvwaelela nakujolela muli yove, tukashangazala cizemo cove kutuvakana vinyu. Kucikomokesa omwo vambanda voshe vakuzema.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

VaLevi 26:12

Yange njikakala neni, njikapwa Njambi yeni, co neni lalo mukapwa vanu vange.

Amose 3:3

Kuma vanu vavali venda amolika kujeneka kulizivasana kwenda amo ndi?

Mika 4:5

Muyati woshe wa vanu valemesa nakwononoka njambi yavo wa kamponya, oloni yetu tukalemesa nakwononoka Shukulu Kalunga Njambi yetu ku myaka yoshe.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Malakiya 2:6

Walongesele vya vushunga, co kendekele makuli. Co wendele nange mu kwoloka na mu vushunga, co watengulwile vavangi kutunda ku vuvi.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Vilinga vya Miluwa 9:31

Ngecivene, vikungulukilo vyoshe mu Yundeya na mu Ngalileya na mu Samaliya vakele na simbu ya kwoloka. Akukwasa kwa Munzinzime Wakujela vikungulukilo vyakolele nakuliwezelela, ngwe akuyoya kwavo mukukomoka Mwene.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 7:17

Ngwe omo Mwene naana vwana ku munu na munu mukemwo mwanavasanena ngeci vendelemo. Eli likelyo lishiko linjikalongesa mu vikungulukilo vyoshe.

2 Kolinte 6:16

Vatijo Njuvo ya Shukulu Kalunga ilikumbasana na tumponya? Omwo yetu tunapu Njuvo ya Shukulu Kalunga wakuyoya! Ngwe mwanendeka vavenya Njambi ngwendi, “Njikatunga njuvo yange akati ka vanu vange, co njikayoya akati kavo. Njikapwa nji Njambi yavo, co vakevo vakapwa vanu vange.”

Efeso 5:15

Ngecivene, nyanyameni mumuli nakuyoya. Kesi muyoye ngwe vaka-kwonwa mana, oloni ngwe vaka-mana.

Kwituluka mu Mashiko 13:4

Mukakavangeya Shukulu Kalunga Njambi yeni nakumukomoka, nakunyunga mashiko endi oshe, nakwononoka ku lijwi lyendi, co mukamupangela nakumukakateya.

Kwituluka mu Mashiko 28:9

“Nga mwononoka Shukulu Kalunga Njambi yeni nakulinga vyoshe vije vyamishika, co ikeye akamipwisa vanu vendi, ngwe mwalisingile.

Kwituluka mu Mashiko 5:33

Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 4:5

Pweni vakunyanyama mu ngila ije mulinakulinga kuli vaje kanda vakulaele, kupangesa simbu yoshe ije mulinavyo.

1 Tesalonika 2:12

Twamitakamesele, twamizembelekele, twamisindiiye kuyoya yoyesi ije ivwaelelesa Njambi, uje alinakumisana ngeci mulipangele amo Vumwene vwendi vavenya na vumpau.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

1 Yowano 1:7

Oloni nga tuyoya mu ceke, ngwe ikeye ali mu ceke, asinoni tulitombola umo na mukwavo, co maninga a Yesu, munendi, atujelesa ku vuvi vwoshe.