Kushangumuka 49:9 - Livulu lya Shukulu Kalunga

⁹ Yunda napu ngwe ndumba, atsiya evi akwata, elukila lalo ku mbulu yendi. Alyolola nakulala naumo wai asimpa ngeci amukasumune.

Kushangumuka 49:9 Iomraidhean Croise

1 Vimyene 10:20

co vimweso vya vindumba likumi na vavali vyemanene kumukulo umo na umo ku vindendelo vije vitanu na imo, co kukwakele litanda lyakulifwa na lije mu vumwene vweka lalo.

2 Mizimbu 9:18

Lije litanda lyakele na vindendelo vitanu na imo, na vulyatelo vwa mendi vwakufwika na ngolinde. Ku mutambela umo na umo wa litanda kwakele vyakukambeka mavoko, co ku mutambela umo na umo wa litanda kwakele cimweso ca ndumba.

Ezekiyele 19:5

Co vaina vavandamenene ngeci eluke oloni cinyangavili cendi cahwile. Asinoni walelele mukwavo lalo wa ali vana vendi, co wakolele kupwa ndumba wa vukalu.

Hoziya 5:14

Njikalwisa vanu va mu Isalele na vanu va mu Yunda ngwe ndumba. Co njikavasanyozola vipuka-vipuka nakuvaseza. Omo njikavakokangeya nakuvatwala, naumo wai akasa kuvamena.

Hoziya 5:4

Vuvi vuje vuvanalingi vanu vunavonwesa kwiluka kuli Njambi yavo. Vanakakateya manene tumponya, co kuvesi nakwononoka Shukulu Kalunga.

Mika 5:8

Co vaje vasaleleo vakapwa akati ka miyati ya vanu ngwe ndumba ashakezeka tusitu mu shwata nambe ngwe ndumba ali akati ka vimanga, avakwata, co avasanyozola vimbazuvwila-vimbazuvwila, co kukwesi umo akavamena.

Kulava 23:24

Kenga! Muyati wa Isalele unalifu ngwe ndumba wa lwavo, amotoka ngwe ndumba wa nkomba. Kasa kuvutama lalo, noo nali situ ije yanakwata, nakunwa maninga a vaje vanatsii.”

Kulava 24:9

Muyati wakulifwa na ndumba wa nkomba wa nzili, nambe ngwe ndumba wa lwavo, iya akamushangumuna nakumwindula omo nalala? Woshe uje avezikisa Isalele nendi lalo vakamuvezikisa, co woshe uje asinga Isalele nendi lalo vakamusinga.”

1 Kolinte 15:24

Asinoni kukotoka kukaija, Kilistu akafungulula voshe vaka-kushwana, vaka-moko, na vaka-nzili, co akana Vumwene kuli Ishe Njambi.

Kwituluka mu Mashiko 33:20

A muyati wa Ngande Mosesa wendekele ngwendi, “Shangazaleni Njambi, uje waamesele lifuti lyavo. Ngande avandamena ngwe ndumba, asanyola livoko nambe cikola.

Kujombolola 5:5

Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”