Kushangumuka 49:6 - Livulu lya Shukulu Kalunga

⁶ Kunjikalipandakana navo muvisimutwiya vyavo vya mu vushweke, nambe kunjikakala navo mu vikungulukilo vyavo, omwo vakevo vatsiile vanu mu vukalu, co na mu vuuka vwavo vatetangele makana a vin̄unzi.

Kushangumuka 49:6 Iomraidhean Croise

Kushangumuka 34:30

Yakomba wendekele kuli Simyoni na Levi ngwendi, “Mwanjikovelesa mu vukalu, ololo vaKanana, na vaPelezi, na vanu voshe va muno mu lifuti vakanjizinda. Yange kunjesi na vanu vavangi, nga voshe vakalipandakana amolika nakunjilwisa, co vakanyongesa naanga yetu yoshe.”

2 Samwele 8:4

Co Ndaviti watambwile vanu va Handandezele 1,700 vaka-kwenda a tuvalu na mashwalale vendi 20,000 vaka-kwenda asi. Co wasezele lika tuvalu vakupwamo vakupwa mu matemba 100, co vaje vasaleleo voshe wavatetangele matenga.

1 Mizimbu 18:4

Ndaviti wafungulwile matemba a Handandezele 1,000, na vaka-kulonda a tuvalu vakupwa 7,000, na mashwalale vendi vakupwa 20,000. Co wasezele lika tuvalu vakupwamo vakupwa mu matemba 100, co vaje vasaleleo voshe wavatetangele matenga.

Myaso 1:1

Navezika munu uje avyana kunangula kwa vaka-vuvi, munu uje kesi kutembunwina vingila vya vaka-vuvi, nambe kukala mu munga ya vaka-kuyeluwisa Njambi.

Myaso 103:1

Mbunge yange ishangazale Shukulu Kalunga, na muvila wange woshe ushangazale lizina lyendi lyakujela!

Myaso 139:19

Tsiya vaka-vuvi yove Njambi! Tundeni kuli yange yeni vaka-vuvi.

Myaso 16:9

Ngecivene, mbunge yange ivwaelela nakujolela, co njikakala mwamuvwa kujeneka lyova,

Myaso 26:9

Kesi unjinyongesele kumo na vaka-vuvi embwe, njitundise kuli vaka-kutsiya,

Myaso 28:3

Kesi unjihisile amo na vaka-vuvi, amo na vaje vaka-kulinga vuvi, vanu vaje vaka-majwi akuseveleka, oloni vimbunge vyavo vinashulu na vizindo.

Myaso 30:12

Ngecivene, kunjikoloka kuluu embwe, njikaimba nakukushangazala. Shukulu Kalunga, yove u Njambi yange. Njikakukandelela ku myaka yoshe.

Myaso 42:11

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange na Njambi yange.

Myaso 42:5

Omwo vikajo njinaviilila? Mbunge yange vikajo inazeyela? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 43:5

Omwo vikajo njinaviilila? Omwo vikajo njilinakulinyengela? Njikaka cinyangavili cange muli Njambi, co njikamushangazala lalo, muyoyesi wange, na Njambi yange.

Myaso 5:10

Vanyanyamese nakuvahisa yove Njambi, matumbe avo avanyongese vakevo vavenya. Vashekele kulyala nove omwo kutuma kwa vuvi vwavo, omwo vanakutengulukila nakukulwisa.

Myaso 57:8

Njikenduka a mungulungengu, nakushangazala Shukulu Kalunga, na kalyalya kange na cisanzi cange!

Myaso 64:2

Njinyunge ku matumbe a vaka-vuvi, na ku vimunga vya vaka-kulinga vuvi.

Visimo 1:11

Nambe nga vendeka ngwavo, “Ija kuno tuvandamene munu ngeci tumutsiye, tuvandamene vanu vakujeneka mulonga ngeci tuvatsiye!

Visimo 12:5

Matumbe a vaka-vushunga apwa amavwa, oloni kunangula kwa vaka-vuvi kwapwa kwa makuli.

Njelemiya 15:17

Kunjatumbamene amo na vanu veka, nambe kujola navo, nakuvwaelela amo navo embwe. Mukwononoka mashiko ove, njakele ange lika, vukalu vwove vwanjilemenenene manene.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Luka 12:19

Cooni njikendeka ngwange, njinavezika! Njili na vyuma vyavingi vije vinjetesa ku myaka ya kulutwe. Njinapande kuhwima nakulya nakunwa nakujolela!’

2 Kolinte 6:14

Kesi mulikutiiye mukambo umolika na vaka-kujeneka kukulaela, omwo kucitava kulinga ngacije. Omwo vushunga na vuvi vyasa kulikumbasana vati? Nambe ceke na lisusulungu vyasa kuyoya amo ndi?

Kwituluka mu Mashiko 27:24

“ ‘Cisingo ca Njambi cikale ali munu woshe uje atsiya mukwavo munu mu vushweke.’ “Co vanu voshe vakakumbulula ngwavo, ‘Ewa!’

Yoshwa 11:9

Yoshwa walingile kuli vakevo ngwe muje mwamushikile Shukulu Kalunga, co watetangele makaana a tuvalu twavo nakwenyeka matemba avo.

Maako 5:21

Co livazi lya mu Kishone lyavakupwile, ndonga ya ku san̄ulu, Ndonga ya Kishone. Njikenda, nakwenda kutwalao na nzili!