Kushangumuka 49:10 - Livulu lya Shukulu Kalunga

¹⁰ Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

Kushangumuka 49:10 Iomraidhean Croise

2 Samwele 7:13

Ikeye akanjitungila njuvo, co njikakolesa litanda lya vumwene vwendi.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

1 Mizimbu 12:24

Kuli Yunda kwatundile vanalume 6,800 vakulivwaesela cimweja, vakushwela vintelo na makunga.

1 Mizimbu 12:39

Co vakele matangwa atatu kuje amo na Ndaviti, co valile nakunwa vije vivavavwaeselele vavushoko vwavo.

Myaso 108:8

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Myaso 60:7

Ngilyande yapwa yange, na Manase lalo yapwa yange, Efalime yapwa ngwe tepa yange ya nzita, Yunda ikeyo yapwa mulamu wange wa vumwene.

Myaso 60:9

Iyajo akanjikovelesa mu nganda ije ili mu cimpaka, yove Njambi? Iyajo akanjitwamenena ku Endome?

Myaso 78:68

oloni waangwile muyati wa Yunda, na Munkinda wa Siyone uje wazemene.

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 2:2

Ku matangwa a kulutwe a munkinda aje ali Njuvo ya Shukulu Kalunga, ukapwa waulaja manene kutuvakana minkinda yoshe, ukapwa kaposhi ka malundu oshe. Co miyati yoshe ya vanu vakakungulukilako.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 55:3

“Yeni vanu vange tolilileni, ijeni kuli yange, co mukakala na mwonyo! Njikalikumiiya neni cikumiiyo ca myaka yoshe, nakumivezikisa vivezikiso vije vinjakulaesele Ndaviti.

Isaya 60:1

Induka, Yelusalema, vyazima ngwe litangwa, omwo ceke cove cinaija, na vumpau vwa Shukulu Kalunga vulinakuvyazima ali yove!

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 30:21

Muka-kuvashwana akatunda ku muyati wavo vavenya, muna mwene yavo akatunda ku vanu vavo vavenya. Akaija kuli yange omo njikamusana, iyajo asa kwija kuli yange, kujeneka kumusana?

Njelemiya 33:26

Mwa vushunga omo njinalingi evi, yange njikakolesa cikumiiyo cange na vatekulwila va Yakomba, na ngamba yange Ndaviti. Njikaangula umo wa vatekulwila va Ndaviti kushwana a vatekulwila va Avilahama, na Isake, na Yakomba. Njikazivila vanu vange mema ku mbunge, co vakavezika lalo.”

Ezekiyele 19:11

Co minango yawo yapwile yakukola, yakulile kupwa milamu ya vaka-kushwana. Uje mukolovozi wa vushuka vwa vinyu wakolele kupwa waulaja nakweta ku mashelwa, munu woshe wamwene maputa awo na vulaja vwawo.

Ezekiyele 19:14

Nsina ya mukolovozi wa vushuka vwa vinyu washwamene tuhya, co tuhya twenyekele minango yawo na vushuka. Co ije minango kuyikakolo lalo, nakupwa milamu ya vaka-kushwana embwe. Ou ukewo mwaso wa vusiwa, vakele nakuwimba-imba kushwakumo.

Ezekiyele 21:27

Kunyongesa, kunyongesa! Eyo, njikanyongesa eyi nganda. Oloni kucikalingiwa kuvanga naija uje injinaangula kuhisa nganda. Asinoni njikamwanayo.

Ezekiyele 21:32

Yeni mukanyonga ku tuhya. Co maninga eni aketikila mu lifuti, naumo wai akamyanuka lalo.” Munjinendeka yange Kalunga.

Ndanyele 9:25

Zivuka eci nakucizivisisa. Kutunda a simbu vaanene lishiko lyakutungulula Yelusalema, noo ntwama uje wakwangula kuli Njambi naija, kukaita visimbu vitanu na vivali vya myaka itanu na ivali. Yelusalema vakaitungulula na vitapalo na vimpaka vyakukola, co ikakalako visimbu vitanu na vivali vya myaka makumi atanu na limo na myaka ivali, oloni ikapwa simbu ya tuyando.

Hoziya 11:12

Shukulu Kalunga alinakwendeka ngwendi, “Vanu va mu Isalele vananjizengeleka na makuli nakukwisa, co vanu va mu Yunda valinakunjitengulukila yange Njambi wa kulongwa nakujela.

Mika 5:1

Vanu va mu Yelusalema, kungululeni mashwalale veni! Vanatuzengeleka! Valwisa ntwama wa Isalele!

Hangai 2:7

Co njikatundisa miyati yoshe ya vanu, na vyuma vyavo vyoshe vya seo vikaija kuno, co Njuvo yange ikashula na vufuko.

Zakaliya 10:11

Omo vakaita mu mema a kalunga a tuyando, yange Kalunga njikolwesa mankimba, co Ndonga ya Nailo ikauma cau. VaAsilya vaka-kulyalesa vakalikeesa, co nzili ya Ingito ikahwa.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Kulava 21:18

Lisima lije vendile vana va vimyene va vanalume amo na vantwama va vanu, aje vendile na mulamu wa vumwene amo na milamu yavo.” Vatundile mu mambo nakweta ku Matane.

Kulava 24:17

Co njikenga ku vije vikaija kulutwe, njamumono mwene uje akaija, oloni kesi kuyehi. Ikeye nalifu na ngongonosi yakuvyazima, akatuuka kuli Yakomba, mulamu wa vumwene ukatunda mu Isalele. Ikeye akamanesa nzili ya vantwama va vaMowavi, nakufungulula vanu voshe va ku Seta.

Kulava 24:19

Kuli Yakomba kukatunda umo ikeye akashwana, akanyongesa vaje vakasala mu nganda.”

Mateo 1:21

Ikeye akakita mwana wa munalume, co ukamuluka lizina lyendi Yesu, omwo ikeye akaamena vanu vendi ku vuvi vwavo.”

Mateo 17:5

Omo wacikele nakwendeka, lishelwa lyakuvyazima lyavafwikile, co lijwi lyatundile mu lishelwa lyendekele kuli vakevo ngwalyo, “Ou ikeye Munange injazema, njilinakuvwaelela ali ikeye, mutolilileni!”

Mateo 21:9

Co mbunga ije yatwamene kulutwe naije mbunga yakavele munima yendi vashangumukile kutambeka ngwavo, “Wakushangazala Muna Ndaviti! Njambi amuvezikise uje aija mu lizina lya Mwene! Shangazaleni Njambi!”

Mateo 25:32

Co miyati yoshe vakakungulukila kuli ikeye. Asinoni akavangununa vamo oku, vakwavo oku, ngwe muje kanyungi akaangununa vimanga kuvatundisa ku vimembe.

Yowano 12:32

Co omo vakanjijundula kunjitundisa ano asi, njikakokela vanu voshe kuli yange.”

Yowano 18:31

Pilato wendekele kuli vakevo ngwendi, “Yeni nendi yeni vavenya mukamusompe ngwe ku lishiko lyeni.” Vakumbulwile ngwavo, “Kucitava yetu kutsiya munu.”

Yowano 19:12

Omo Pilato wazivile evi, wakele na cizango cakwecela Yesu. Oloni mbunga vatambekele ngwavo, “Nga umwecela, kesi u musamba wa Sezale! Woshe alipwisa ikeye vavenya mwene napu citozi ca Sezale!”

Yowano 19:15

Vatambekele ngwavo, “Mutsiye! Mutsiye! Mushukike a cilindakano!” Pilato wavehwile ngwendi, “Kuma mushaka njishukike mwene yeni a cilindakano ndi?” Vakulunu va vaka-kukombelela vakumbulwile ngwavo, “Kutwesi na mwene weka lalo wai kuvanga Sezale!”

Yowano 9:7

co wamulekele ngwendi, “Ya ukajwele ku mesho ove ku Lishali lya Siloame.” (Kulumbununa ngwavo, “Vanamutumu.”) Ngecivene, waile wakajwelele ku mesho, co welukile alinakumona.

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Kwituluka mu Mashiko 28:57

Vakalya mu vushweke vimbututu vavo vavaha amo na vinjuvo vya vimbututu vavo, omwo kuvesi na cuma cimo cakulya casalao cai, omwo tuyando twa nzita, co vitozi veni vakamizengeleka nakumiyandesa mu vinganda vyeni vyoshe.

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”