Kushangumuka 48:7 - Livulu lya Shukulu Kalunga

⁷ Omo njatundile ku Mesopotamya, Lakele watsililile mu lifuti lya Kanana muyehi na Efaleta, njakele na vusiwa vwakama, co njamutsindile kumukulo wa ngila ya ku Efaleta.” (Ololo Efaleta inapu Mbetelehema.)

Kushangumuka 48:7 Iomraidhean Croise

Kushangumuka 25:20

Isake wakele na myaka makumi awana omo wambatele Lembeka ndokazi ya Lambani vana va Mbetwele (kaAlama wa ku Mesopotamya.)

Kushangumuka 33:18

Omo Yakomba watundile ku Mesopotamya, wetele mwamuvwa ku nganda ya Shekeme mu lifuti lya Kanana, co watungile cilombo cendi kuyehi na nganda.

Kushangumuka 35:20

Yakomba wemikile limanya lya canukiso aje, co nakweta ku litangwa lya lelo acili cizivukiso ca mbumbo ya Lakele.

Kushangumuka 35:9

Omo Yakomba watundile ku Mesopotamya, Njambi walisholwele kuli ikeye lalo, co wamuvezikisile.

Kushangumuka 48:6

Nga yove lalo ukakala na vana vakwavo va vanalume, ovo vakapwa vove, co vushwana vwavo vakavutumbwila muli vandolome vavo Efalime na Manase.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mateo 2:18

“Vazivile lijwi ku Lama, lijwi lyakulila nakusikoka manene. Lakele alilila vana vendi, katava kumuzembeleka, omwo voshe vanatsi.”

Lute 1:2

Lizina lya munakazi wendi lyapwile Naumi, co mazina a vana vavo vavali apwile Mahelone na Kilyone.

1 Samwele 1:1

Kwakele munalume umo lizina lyendi Elekana, wa ku naanga ya Efalime, wakele mu limbo lya Lama, mu lifuti lya malundu lya Efalime. Wapwile muna Yelohame mutekulu wa Elihu, muna Tohu, wa ku cikota ca Zufe.

1 Samwele 10:2

Omo tulyangunuka lelo, ukaliwana na vanalume vavali kuyehi na mbumbo ya Lakele ku Zeleza mu lifuti lya Mbenjemani. Vakakuleka ngwavo vaje vimulu unashakezekele vanavawana, co isho kesi nakulinyenga a vimulu embwe, oloni alinakulinyenga ali yove, simbu yoshe alinakwihula ngwendi, ‘Njilinga vati ali munange?’

1 Samwele 16:4

Samwele walingile vije vyamulekele Shukulu Kalunga, waile ku Mbetelehema, co vantwama va mu nganda vazivile lyova akuliwana nendi, co vamwihwile ngwavo, “Unaija mu kwoloka ndi?”

1 Samwele 17:12

Ndaviti wapwile muna Njesi, kaEfaleta ku Mbetelehema mu Yunda. Njesi wakele na vana vendi va vanalume vatanu na vatatu, co a simbu ije omo Saulu wapwile mwene, Njesi te nakuluvala laja.