Kushangumuka 48:21 - Livulu lya Shukulu Kalunga

²¹ Asinoni Yakomba wendekele kuli Yosefa ngwendi, “Ngwe muwamono, yange njili muyehi na kutsa, oloni Njambi ali nove amo. Ikeye akakwilwisila lalo ku lifuti lya vakukulwila vove.

Kushangumuka 48:21 Iomraidhean Croise

Kushangumuka 12:5

Avilama waile na munakazi wendi Salai na Lote muna ndolome yendi, na vyoshe vije vyafukile, amo na vindungo voshe vaje vawanene mu Halane, co vakatukile nakuya ku lifuti lya Kanana. Omo vetele mu Kanana,

Kushangumuka 15:14

Oloni njikahisa muyati uje ukavapwisa vinzinda, co omo vakaseza lije lifuti lya vungenzi, vakambata vufuko vwavungi nakuya navwo.

Kushangumuka 15:16

Vatekulwila vove vakeluka muno ku cisemwa camuciwana, omwo kunjikasheke vaAmoli noo vuvi vwavo vunatumu ngeci vakatambule cihiso.”

Kushangumuka 26:3

Kala kuno vene, co yange njikakala amo nove, njikakuvezikisa. Njikana lifuti eli lyoshe kuli yove na kuli vatekulwila vove. Co njikanyunga cikumiiyo cange cije njalikumiiye na isho Avilahama.

Kushangumuka 28:15

Kenga, njikakala amo nove nakukunyunga kwoshe kuukaya, co njikakwilwisa lalo mu lifuti lino. Kunjikakuseze nalumo lwai noo njinalingi evi vyoshe njinakukulaesavyo.”

Kushangumuka 37:1

Yakomba watungile mu lifuti lya Kanana, muje mwakele ishe laja.

Kushangumuka 46:4

Njikaya amo nove ku Ingito, co mwa vushunga njikelwisa lalo vatekulwila vove ku lifuti lino. Yosefa ikeye akakufwika a mesho ove omo ukatsa.”

Kushangumuka 47:29

Omo simbu ya kutsa kwendi yashwenyele muyehi, Yakomba wasanene munendi Yosefa wendekele kuli ikeye ngwendi, “Aka livoko lyove mukati ka mao ange nakulisinga ngeci kuukanjitsindi muno mu Ingito.

Kushangumuka 50:24

Asinoni Yosefa wendekele kuli vandolome vendi ngwendi, “Njili muyehi na kutsa, oloni mwa vushunga Njambi akaminyunga nakumitwamenena nakumitundisa mu lifuti eli nakumitwala ku lifuti lije lyalisingile nakulikulaesa kuli Avilahama, na Isake, na Yakomba.”

Kushangumuka 50:6

Mwene wamukumbulwile ngwendi, “Ya ukatsinde isho, ngwe omo muwamukulaesele mukemwo muunapande kulinga.”

Myaso 18:46

Shukulu Kalunga wayoya! Shangazaleni muka-kunjilwila! Ambululeni vukama vwa Njambi muka-kunjamena.

Luka 2:29

“Ololo Shukulu Kalunga unanyungu cikulaeso cove, ololo tava ngeci ngamba yove atse mu kwoloka.

Vilinga vya Miluwa 13:36

“Omwo Ndaviti wapangele cizango ca Njambi a simbu yendi vavenya, co watsile, co vamutsindile na vakukulwila vendi, co muvila wendi wavolelele mu mbumbo.

Kwituluka mu Mashiko 30:3

asinoni Shukulu Kalunga Njambi yeni akamizivilako mema ku mbunge. Co akamitundisa ku miyati ije wamishandwelele, co akamivezikisa lalo.

Kwituluka mu Mashiko 31:8

Shukulu Kalunga vavenya akamitwamenena, co akakala amo neni. Ikeye kakonwa nambe kumiseza. Ngecivene, kesi mukazive lyova nambe kujujuka.”

2 Timateo 4:6

Oloni ngeci mwange, simbu inete yakunjikombelela, simbu inete kuli yange yakuseza mwonyo ou njilinawo.

VaHevelu 7:3

Kuli ikeye kukwesi cimweso cakutumbula ishe nambe vaina, nambe vakuku yendi, nambe cimweso ca cisemwa cendi nambe ku kutsa kwendi. Ikeye walifwa ngwe Muna Njambi, ikeye wapwa vene muka-kukombelela wa ku myaka yoshe.

VaHevelu 7:8

Co a vin̄anda vya Vaka-kukombelela, vaje vatambula cavulikumi vakevo vaka-kutsa, oloni ngwe ali Melekizendeke, uje atambula ca vulikumi muka-kuyoya ngwe muvinendeka visoneka.

Yoshwa 1:5

Naumo wai akakufungulula matangwa oshe akuyoya kwove. Simbu yoshe njikakala amo nove ngwe munjakele na Mosesa, kunjikakuseze ngoco, nambe kukukengesa nima embwe.

Yoshwa 1:9

Anuka vinjinakushiki ngeci ukolese nakusimpa! Kesi uzive lyova nambe kujujuka, omwo yange Kalunga Njambi yove, njili amo nove kwoshe kuukaya.”

Yoshwa 23:14

“Ololo simbu yange ya kutsa inete. Munu na munu azivuke mu mbunge yendi na mu mwonyo wendi ngwendi Shukulu Kalunga Njambi yove nakwana vyuma vyoshe vyavivwa vije vyakukulaesele. Vikulaeso vyoshe vinalingiwa, co kukwesi cimo canonwa cai.

Yoshwa 3:7

Asinoni Shukulu Kalunga wendekele kuli Yoshwa ngwendi, “Ku litangwa lya lelo njikakupwisa uwakama ku mesho a vanu voshe va Isalele ngeci vazivuke ngwavo ngwe muje munjakele na Mosesa mukemwo lalo munjikakala nove.

2 Petulu 1:14

Omwo njazivuka ngwange ololo njikashulula muvila uno wakuvola, ngwe mwanjilekele Mwene yetu Yesu Kilistu.