Kushangumuka 48:19 - Livulu lya Shukulu Kalunga

¹⁹ Oloni ishe wavyanene, wendekele ngwendi, “Njizivuka munange, yange njazivuka. Vatekulwila va Manase lalo vakakala na vanu vavangi. Oloni ndolome yendi wa mwanike akapwa wakama kumuhyana, co vatekulwila vendi vakapwa muyati wakama.”

Kushangumuka 48:19 Iomraidhean Croise

Kushangumuka 17:4

“Kenga, njilikumiiya cikumiiyo nove. Njikukulaesa ngwange yove ukapwa kukulwila ya miyati yaingi.

Kushangumuka 25:23

Co Shukulu Kalunga wamukumbulwile ngwendi, “Miyati ivali ili mwimo lyove, ukakita vanu vavali vaje vakalizunga. Umo akakala na nzili kuhyana mukwavo, mukulunu ikeye akapangela shongo yendi.”

Kushangumuka 25:28

Isake wazemene Isau omwo wakele nakuvwaelela kulya situ ije yakele nakumutsiila. Oloni Lembeka wazemene Yakomba.

Kushangumuka 28:14

Vatekulwila vove vakapwa vavangi manene ngwe livu lya ano asi. Co vakatuma nakushulisa lifuti eli lyoshe mu mitambela mwoshe, muli yove na muli vatekulwila vove njikavezikisilamo miyati yoshe.

Kushangumuka 46:3

Co wendekele ngwendi, “Yange njapwa Njambi, Njambi ya isho. Kesi uzive lyova lyakuya ku Ingito, omwo kuje njikatumisa vatekulwila vove kupwa muyati wakama.

Kushangumuka 48:14

Oloni Yakomba walindakanene mavoko endi, livoko lyendi lya cilyo walyakele a mutwe wa Efalime nameme ikeye wapwile mutinikila, co livoko lya cimoshwe walyakele a mutwe wa Manase, uje wapwile mukulunu.

Kushangumuka 48:18

Yosefa wendekele kuli ishe ngwendi, “Kesi ngacije tate. Manase ikeye ntwatwa, aka livoko lyove lya cilyo a mutwe wendi.”

Isaya 7:17

“Shukulu Kalunga akanena ali yove, na ali vanu vove, na ali naanga yoshe ya vumwene, matangwa a tuyando twakama kutuvakana matangwa a tuyando aje akeleko tunde aje vwalitepesele vumwene vwa Isalele na Yunda, ikeye akanena mwene wa Asilya ngeci akumilwise.

Ezekiyele 27:10

“Vanu vatundile ku Pelesha na ku Lindiya na ku Limbiya vapwile mashwalale vove. Vashukikile vintelo vyavo na vitepa vyavo a vivumbe vyove. Omo vahyanene, co yove wazivile kuvwaa.

Kwituluka mu Mashiko 1:10

Shukulu Kalunga Njambi yeni namitumisa manene. Co kengeni, ololo munapu muvavangi ngwe vingongonosi vya kwilu.

Kwituluka mu Mashiko 33:17

Yosefa wakala na nzili ngwe mpakasha wa nkomba wakulivanga kusemuka, nzili yendi yafwile ngwe vimbinga vya ngombe. Nzili yendi inapu ngwe vanu va Manase 1,000 na nzili ya vanu va Efalime 10,000. Ikeyo yafwile ngwe nzili ya mpakasha ativa miyati ya vanu, nakuvanakwila ku shongo ya kaye.”

Kujombolola 7:6

co mu naanga ya Ashele vaje vavaakele cizivukiso vapwile 12,000, co mu naanga ya Nafetali vaje vavaakele cizivukiso vapwile 12,000, co mu naanga ya Manase vaje vavaakele cizivukiso vapwile 12,000,

Kujombolola 7:8

co mu naanga ya Zembuloni vaje vavaakele cizivukiso vapwile 12,000, co mu naanga ya Yosefa vaje vavaakele cizivukiso vapwile 12,000, co mu naanga ya Mbenjemani vaje vavaakele cizivukiso vapwile 12,000.